radheef.info
ރަދީފު


ޑ
ނ ތާނައިގެ އަށާރަވަނަ އަކުރު
ބަނޑުފަންވަތް
ނ މާކޮށާރު ބަނޑޭރިއެއްގެ އަތުގައި އޮންނަ ބަނޑުހަނޑޫ ދެއްވައިފައިވާ މީހުންގެ ލިސްޓު
ބަނޑުފަތް
ނ (1) ކެޔޮގަސްގަނޑުގެ ފަށަލަ (2) އޮނުހެދޭއިރު ބަދަމަތީން ފަޅައިފައި ހުންނަ ފާޅަ މީގައި ތޫނު ކެހެރިޔެއް ހުންނާނެއެވެ (3) ދާމުލުގައި ހުންނަ ބިލެތްގަނޑު (4) ޗާކުފިޔޮހީގެ މުށްގަނޑުގެ ދެފަރާތުގައި އަޅައިފައި ހުންނަ މަޢުދަނުގެ ދެފަށް
ބަނޑުފިލާ
ނ (1) އޮޑިދޯނި ފަހަރުގައިނަމަ މަތީ އިންނަ ފަތްބަޔާ ވަވަތާ ދެމެދު (2) ނައުފަހަރުގައިނަމަ ކަމަރުބަންދާ ފަށަނާ ދެމެދު
ބަނޑުފުށް
ނ (1) ބުރަކަށި ފުށް ނޫން ފަރާތް (2) މަހުގެ ބަނޑައިދޫ އޮންނަ ފަރާތް (3) އަތްތިލައިގެ ހުދުހަން އޮންނަ ފަރާތް
ބަނޑުފުރުން
މ ކައި ބަނޑު ބޮޑުވުން
ބަނޑުފޮތް
ނ ބަނޑު ފަންވަތް
ބަނޑުދިނުން
މ ހަވަރަށް އުޖޫރައެއްގެ ގޮތުން ދައުލަތުން ދެއްވާ ހަނޑޫ އެމީހުންގެ ގޭގެޔަށް ބެހުން އެއީ ފޯޔަކު 21 ނާޅިހަނޑުލެވެ
ބަނޑުދުރަ
ނ (1) އާނުކަނޑައި ކޮނެފައި ހުންނަ ވަޅުގެ އާނުގެ ދަށުން ހެދޭ ބާސަލަގަނޑު (2) ވަޅުގެ އެތެރޭގައި ގޮނިހެދިފައި އޮންނަ ތަން
ބަނޑުދޫކުރުން
މ އުނދަގުލެއްނެތި ފަސޭހައިން ބޮޑުކަމުދެވޭގޮތް ހެދުން
ބަނޑުދެފޮއި
ނ ކަލާސީމީހާ ތިމާ ބަނޑުދޭން ހިނގަންޖެހޭ ދުވަސްވަރަށް ކިޔާގޮތް
ބަނޑުދޭފިލާ
ނ ބަނޑުދޭއިރު މާކޮށާރު ބަނޑޭރިއަކާއި ދަންޑެހެލު ބޭކަލަކު އިށީންނަވަން ތަޅަމުތެރޭގައި އޮންނަ ފިލާ
ބަނޑުލައިލޫދުން
މ ކޮޅަށްހުރި އެއްޗަކަށް ނުވަތަ އުސްތަނަކަށް ބަނޑުޖައްސައި ބައްދައިގެން އެރުން ނުވަތަ އެފަދަ ތަނަކުން ފޭބުން
ބަނޑުލުން
މ (1) ގަހަކަށް ނުވަތަ ރުކަކަށް އަރާއިރު ގަހުގައި ނުވަތަ ރުކުގައި ބަނޑުޖެއްސުން. (2) ބަނޑުގައި ޖައްސައި ބެއްދުން. (3) ސަރުބީޖަހައިގެން ބަނޑު ބޮޑުވުން. (4) ދަމައިފައި ހުންނަ ނަރު ނުވަތަ ވާ ނުވަތަ ރޯނު ފަދައެއްޗެއްސާއި ދޫކޮށްފައި ހުންނަ ކިރު ފަދަތަކެތީ ތިރިއަށް ގޮނިލުން
ބަނޑުގައި ގޮށްލުން
މ ހިނިއަންނަލެއް ގަދަކަމުން ބަނޑަށް ތަދުވުން މިގޮތަށް ގޮއްލާއިރު ބަނޑުގެ ތަންތަންކޮޅު ހުންނާނީ ހަރުވެފައެވެ
ބަނޑުގިނިއެރުން
މ ބަނޑުހައިކަމުން ބަނޑުންއަރާ ހޫނެއްއެރުން
ބަނޑުގުގުރުން
މ ބަނޑުގައި ވައިހެދިގެން ބަނޑުތެރޭން އަޑުއިވުން
ބަނޑުގޮއްވާކަށި
ނ މިޔަރުގެ މައިކަށީން ވަކިވެ ކުނިފިލާފައިވާ ބަދައެއް މިއީ ކުޑަކުދިން ކުޅިވަރަކަށް ބަނޑުގައި އޮއްބައި ނަގައި މިގޮތަށް ބަނޑުން އަޑު ގޮއްވަން ބޭނުންކުރާ އެއްޗެކެވެ
ބަނޑޭރިބޭކަލުން
ނ މާބަނޑޭރި ބޮޑުބަނޑޭރި މާކޮށާރުބަނޑޭރި ބޮޑުކިބާބަނޑޭރި ކުޑަކިބާބަނޑޭރި މިފަސްބޭކަލުން. ބައެއްކަންތަކުގައި ދެނގަޑުވަރު ބަނޑޭރިންނާ ދެބަނޑަހަލުގެ ބަނޑޭރިންވެސް ބަނޑޭރިބޭކަލުންގެ ތެރޭގައި ހިމެނެއެވެ
ބަނަ
ނއ (1) އުޑުމަތިބޯ (2) އުޑުމަތިފުސް (3) )ސ ( ދުރުން ފެންނަ ރަށްރަށުގެމަލަ (4) )ބދ ( ވައު )ޖަންގަލި( މަޖާޒު: ހަމަނުޖެހުމުގެ ކުލަވަރު (5) މޫނުމަތިން ފެންނަ ނުރުހުމާއި ރުޅިވެރިކަމުގެ އަސަރު
ބަނަކަން
ނއނ (1) އުޑުމަތި ބޯކަން (2) އުޑުމަތި ފުސްކަން