radheef.info
ރަދީފު


ދި
ނ އަންހެންދަރި
ކުކުޅުކާށި
ނ ވާރުނެގި ޒަމާނުގައި ވާރަށް ނަގާ ކުކުޅަށް ކާންދިނުމަށްޓަކައި ކޮންމެ ކުކުޅަކަށް ބާރަކާށިމަގުން ރަށްރަށުން ނަގާ އުޅުނުކާށި
ކުކުޅުމާދޫނި
ނ ކަނޑުމަތީ ދޫންޏެއް މިއި ސިނައަސްދޫންޏާއި ވައްތަރުގޮތަކަށް ހަށިގަނޑު ފަލަކޮށް ގަދަފަދަކޮށް ހުންނަ ދޫންޏެކެވެ މީގެ ތުން ހުންނަނީ ބޮޑު ހޯގުޅާގެ ތުންހެން ކުރީކޮޅު ލެނބިފައެވެ މިދޫނީގެ ދެފިޔަ ހުޅުވައިލުމުން ވަރަފަތްބައިގެ މެދުތެރެއިން ހުދު ފަތްބަރިއެއް ފެނެއެވެ ބިސްއަޅާ އުމުރުގެ ދޫނީގެ ކުލައަކީ ގަދަދިހުން މުށިކުލައެވެ ބޮޑެތި ނުވާއިރު ކުލައަކީ ގަދަ އަޅިކުލައެވެ
ކުއްޅަވައްފަލުރަނިންނަށްވުން
މ )މިސާލުބަހެއް( މީހަކު ދެރަކޮށް ހުރިއިރު ބޭނުންކުރި އެއްޗެއް އެމީހަކު މޮޅުވީމާ ނޭނގޭކަމަށް ހެދިގެން އުޅެން ފެށީމާ ބުނާބަހެއް
ކުއްކުނި
ނއ )ސ ( (1) ހަރުދަނާކަމެއްނެތް (2) ތާކުންތާކުނުޖެހޭ (3) ކަމުނުދާ (4) ކުޑަކުދިންގެ ބަހުރުވައިގައި ކުޅޭކުޅޭ
ކުއްދުނެކޭލެ
ނ )ގ ( ނަނުބެއްދި
ކުއްތާ
ނ (1) ބަޅު. (2) ހަތަރެސްފައި ޖަހައިގެން އުޅޭ ނަގޫ އިދިފުށަށް ގުދުކޮށް އޮންނަ ވައްވައްޖަހާ ޙައިވާނެއް. މި ގިނައިރަށް އޮންނަނީ އަނގަހުޅުވައިގެން ދޫނެރެގެން ޒާތަކަށް ނޭވާ ލައިލައެވެ މީވަރަށް ވިސްނުން ތޫނު ހުޝިޔާރު އެއްޗެކެވެ އަދި އޮޅުވާ ވަފާތެރި ޙައިވާނެކެވެ
ކުއްލާބުތެލި
ނ އިހުގައި ރޯދަމަހު ކޮންމެ ދުވަހަކު އިރު އޮއްސޭއިރަށް ގަނޑުވަރުތެރޭ ކުއްލާބުގެއަށް ފޮނުވާ ކަލިޔާ ބިރިންޖީތެލި. މިތެލީގައި ވިހިނާޅި ހަނޑުލުގެ ބަތާއި އެޔާވާނެ ގުޅަމަހާއި ހަކުރާއި ލޮނުލުނބޯ ހުންނާނެއެވެ. މިއީ އަތޮޅު އަތޮޅު ދެއްވައިފައި ތިއްބަވާ ބޭކަލުންނާއި ބޮޑެތި ފަޅު ރަށްރަށް ދެއްވައިފައި ތިއްބަވާ ބޭކަލުން ފޮނުވަންޖެހޭ ކެއުމެކެވެ. މިފޮނުވާނީ އެކިދުވަހު އެކި ބޭކަލުންނެވެ. މިއީ ގަނޑުވަރުތެރޭގައި އުޅޭ މީހުންނަށް ދޭ ކެއުމެކެވެ މިކެއުން ގެންދާއިރު ލިބުނު އެންމެ ބޮޑު ކުރުނބާ އިހަލެއް ގެންދާނެއެވެ މިކުރުނބާއިހާ ދަނޑި މާރުލައިގެން ގެންދަނިކޮށް ފަގީރުކުދިން މިއިހާ ކަނޑައިލައިގެން ބަހައިލުމީ ހުއްދަކަމަކަށްވާތީ ވަރަށް މަދު އިހަލެއްނޫނީ ގަނޑުވަރުތެރެޔަށް ގެންދެވޭ ކަމަކަށް ނުވެއެވެ
ކުއްލިރޯޅި
ނ (1) ކުއްލިއަކަށް އަންނަ ވައިރޯޅި (2) މަޖާޒު: މަތީ މަޤާމެއްގައި ހުރިމީހަކު ކުއްލިއަކަށް މާދަށަށް ދިއުމަށް ނުވަތަ ކަމުން ދުރުކުރުވުމަށް މެދުވެރިވާ ސަބަބު
ކުއްޔަށްދިނުން
މ (1) އުޖޫރައަށްދިނުން (2) ކިރިއްޔާއަށް ދިނުން
ކުއްޕަތްދޮށުވަތް
ނ ދިއްޕަތް ކައިރީގައި އޮންނަވަތް
ކުވާ
ނ (1) ބައެއްމީހުން ނިދާ ތެދުވާއިރު މޫނުމަތީގައި ނިދިކުޅާއެކު ބުރައިފައި ހުންނަފޫ (2) ބައެއްމީހުން ގައި ކަހާލީމާ އެޅިފައި ހުންނަ ފުސްރޮނގު
ކުވާބުރުން
މ (1) ގައިގައި ރޮނގުއެޅި ފުސްވެފައިހުރުން (2) މޫނުގައި ނިދިކުޅާއެކު ފޫބުރުން
ކުވާލި
ނ ވާލީގެ ބާވަތެއް މިބާވަތުގެ ވާލީގެ ބަނޑުދަށުގައި ކުދިކުދި ލޮނދި ހުޅުނބުތަކެއް ހުންނާނެއެވެ
ކުފިބޮލި
ނ ބޮލީގެބާވަތެއް މިބޮލީގެ ކުލަޔަކީ ފަނޑު ކިސަޑު ކުލައެވެ މީގައި ކުދިތިކިތަކެއްހެން އުފުލިފައި ހުންނަ ތަންތަން ކޮޅު ހުރެއެވެ އެތަންތަންކޮޅުގެ ކުލަބޮލީގެ ކުލަޔަށްވުރެ ތަންކޮޅެއް ކުލަގަދައެވެ މިބޮލީގެ ދެކޮޅުގައި ކަޅުކުލައިގެ ދެތިކިހުރެއެވެ
ކުފުރު
ނ (1) ކަލާނގެ ރަސްކަން ފުޅު ވޮޑިގެންވާކަން ޤަބޫލުނުކުރާ ނުކުރުން (2) ކަލާނގެ ރަސްކަންފުޅާމެދު އިހާނެތިކޮށްބުނާ ބުނުން (3) ލިބޭ ނިއުމަތަށް ދެކޮޅުހަދާ ހެދުން (4) މަޖާޒު: ކަމަކާހެދި މާބޮޑަށް އެދިގަނެގެން އުޅޭ އުޅުން
ކުފުރުބޮނޑި
ނ (1) ގަބުޅި ހުނި ދިވެހި ހަކުރު އަޅައިގެން ހިލައި ހިކެންފެށީމާ ހިއްތަލަފުށްއަޅައި ރަނގަޅަށް ހިލުނީމާ ކުރުއްޕަތަށް އަޅައި ބަދަބަދައަށް ވާގޮތަށް ބަނދެ ފެނުކައްކާފައި ދުމަށްޓަށްލައި ހިއްކައިފައި ހުންނަ ބޮނޑި (2) މަޖާޒު: ފާޑެއްނެތި ބަނދެފައި އޮންނަ ފޮތިބޮނޑި
ކުފުރުވުން
މ (1) ކަލާނގެ ރަސްކަންފުޅު ވޮޑިވާކަން ގަބޫލުނުކުރުން (2) ކަލާނގެ ރަސްކަންފުޅާމެދު އިހާނެތި ކޮށް ބުނުން (3) ލިބޭ ނިޢުމަތަށް ދެކޮޅު ހެދުން (4) މަޖާޒު: ކަމަކާ ހެދި މާބޮޑަށް އެދިގަނެގެން އުޅުން
ކުދި
ނއ (1) ބޮޑެތީގެ އިދިކޮޅު. (2) ހުރިހައި މިނަކުން އުނި މިބަސް ބޭނުންކުރަނީ ގިނައެއްޗެހި ތަކަކާއި މެދުގައެވެ. މިސާލު: ކުޑަޖަޒީރާއެއް ކުދިޖަޒީރާތަކެއް (3) ހިތާނުވެގެން މަޑުމަޑުން ކިޔާއެއްޗެހި
ކުދިހަނދުބޭކަލުން
ނ ހަނގުހަނޑޫ ލިބިފައިތިބި ކުދިބޭކަލުން
ކުދިހަނގުން
ނ ކުދިހަނގުބޭކަލުން