radheef.info
ރަދީފު


ނުވަ
ނއ ގުނުމުގެ ނުވަވަނަ ޢަދަދުގެ ނަން އިތުރު މިއަށް " ނަވަ" ވެސް ކިޔައެވެ
ފެންފޮތިއެޅުން
މ ފަރުވާއެއްގެ ގޮތުން މޭމަތީގައި ނުވަތަ ނިތްކުރީގައި ތެތްފޮތިގަޑެއް ބޭއްވުން
ފެންފޯއް
ނ (1) ފެންފޯއް ރުކުގައި ގަންނަވަކި (2) ރޯކޮށް ހުންނަފޯއް ނުވަތަ ރޯކޮށް ހުއްޓައި ކޮށައި ހިއްކައިފައި ހުންނަ ފޯއް
ފެންދެމުން
މ (1) ކޯރު ނަރުދަމާ ފަދަ ތަންތާގައި ފެންހިގުން (2) ތަނެއްގައި ނުވަތަ އެއްޗެއްގައި ހުންނަފެން ކޮންމެވެސް ވަސީލަތެއް ބޭނުންކޮށްގެން ވަކިކުރުން (3) ރޯގަސް ފަދަ އެއްޗަކުން ފެންހިކޭގޮތްވުން (4) ހަށިގަނޑުތަންކޮޅެއް ދެރަވުން
ފެންތަގަރި
ނ ފެނަން ނުވަތަ ލޮނަށް އެރުމަށްޓަކައި ލަކުޑިން ހަދައިފައި ހުންނަ ބިލިގާ
ފެންތަޣައްޔަރުވުން
މ ފެނުގެ ކުލަ ނުވަތަ ވަސް ނުވަތަ ރަހަ ބަދަލުވުން
ފެންތިކި
ނ (1) ވާރޭވެހޭއިރު ނުވަތަ ވާރޭވެހި ނިމުމަށްފަހު ގަސްގަހުންނާއި އަސްކަނިން ބިމަށްޖަހާ ފެނުގެ ފޮދުވަރު. (2) ފެނުގެ ތެރޭން ވަކިވާ ފޮދުވަރު (3) ކުދިކުދި ބިއްލޫރި ބޮކިތަކެއް ފަދައިން އެއްޗެއްގައި ހުންނަ ފެނުގެ ފޮދުވަރު
ފެންތެލި
ނ (1) ފެންއަޅައިފައި ހުންނަ ތެލި. (2) އިހުގައި މީހުންވިހޭމާ އާއްމު ގޮތެއްގައި ނުވަރޭ ފެނުން ކެނޑެންދެން އުނދުން ނިވުވަނުދީ ހުންނަ ފެންއެތި
ފެންތެލިކާށި
ނ އިހުގައި އުޅޭމީހުން ބޭނުންކުރަން އެތެރޭގައި ބަހައްޓައިފައި ހުންނަ ފެންތެލި ނުވަތަ ފުފޭ ބެހެއްޓިފައި ހުންނަ ތިން ކާށި
ފެންގަނޑު
ނ (1) "ކުޅި" މިބަހުގެ ފުރަތަމަ މާނަ ބަލާ! (2) ވާރޭ ވެހުމުގެ ސަބަބުން ނުވަތަ އެނޫންވެސް ގޮތަކުން އެއްގަމުގައި ފެންހެދި ގިނަ ދުވަހަށް ނުހިނދި ހުންނަ ތަންތަން
ފެންގުންބާ
ނ ފެންނަގައި ދިނުމަށް ނުވަތަ އެކަތިން އަނެކައްޗަށް ފެން އަޅައިދިނުމަށް ތައްޔާރުކޮށްފައިވާ ގުންބާ
ފެންގޮތް
ނ މަޖާޒު: ކަމެއްގެ ތެރޭގައި ހުންނަ ރޫޙެއް ނެތް ލޮނުމަޑުގޮތް މިސާލު: މިފަހަރު މިކަންތައް މިދިޔައީ މާފެންގޮތަކަށެވެ ނުވަތަ މިފަހަރު ޢީދުގެ ކަންތައް މިދިޔައީ މާ ފެންގޮތަކަށެވެ
ފެންޕަމްޕު
ނ އެއްޗަކުން ފެންނަގަން ނުވަތަ އެކަތިން އަނެކައްޗަށް ފެން ބަދަލުކުރުމަށް ބޭނުންކުރާ އާލަތެއް
ފެންޖެހުން
މ (1) ފެންޖެހުމަށް ތައްޔާރުކޮށްފައި ހުންނަ ހޮޅިފަދަ އެއްޗަކުން ވިނަ ހައްދައިފައިވާ ތަންތަނަށާއި ގަސްގަހާގެއްސަށް ފެންދިނުން (2) މަގުމަގާއި އެކިއެކި ތަންތަނުގެ ހިރަފުސް ބޯވުމުން ފެންޖަހާ ހޮޅިން ނުވަތަ ފެންދޭ އެތިގަނޑުން ބިންގަނޑުތެންމުން (3) ފެންއުކުން (4) ކާށީގެ ދިޔަޖެހުން
ފެޅުން
މ (1) އެއްޗަކުން ޖެހިގެން ބޯ ފަދަ ތަނެއް ހަލާކުވުން (2) ފުނާއަޅާއިރު އިސްތަށިގަނޑު ބައިކުރުން (3) މުޅޮއެއް ފަދަ އެއްޗަކުން ލަކުޑި ކުދިކުރުން (4) އޮށުން ނުވަތަ މުލުން ގަސްނުކުތުން (5) ކެފުން މިސާލު: ބޯކިބާކެފުން )ފެޅުން( (6) ބައެއްކަހަލަ މޭވާ ދޮންވެ ފައްކާ ވެގެން ގޮސް ތޮށިގަނޑު ކެނޑުން (7) ދަތް ނުވަތަ އިސްތަށި ފަދަ ތަކެތި ނުކުތުން (8) ކަންވާރު ފަދަ ތަކެތީގައި ރެނދުއެޅުން (9) އިރުން )01( އޮޕަރޭޝަން ކުރުން (11) މަޖާޒު: ތަސައްރަފު ނުފުދޭ ކުޑަ އަންހެން ކުއްޖެއްގެ ޢިއްފަތްތެރިކަން ނަގައިލުން
ފެކުސް
ނ (1) ފެކްސް މެޝިން. (2) ފެކްސް މެޝިނުން ލިބޭ ލިއުން ނުވަތަ ފޮޓޯ ނުވަތަ ކުރެހުން
ފެކުސްމެޝިން
ނ (1) ލިޔުމެއް ކުރެހުމެއް ނުވަތަ ފޮޓޯއެއް ފަދަ އެއްޗެއް ނަރެއްގެ ޒަރީޢާއިން ނުވަތަ ރޭޑިޔޯ ސިގްނަލްގެ ގޮތުގައި ފޮނުވާލުމުން އަޞްލާއެއްގޮތަށް އަނެއްކޮޅަށް ކޮޕީކޮށްދޭ މެޝިން (2) މިގޮތަށް ތަކެތި ފޮނުވައި ދޭ މެޝިން
ފެކުޓަރީ
ނ (1) ވަކި ބާވަތެއްގެ އެއްޗެއް ނުވަތަ ވަކި ބާވަތެއްގެ އެއްޗެހިތަކެއް އެތަނަކުން އުފައްދާ ޢިމާރާތެއް ނުވަތަ ޢިމާރާތްތަކެއް (2) ކާރުޚާނާ
ފެއްތުން
މ (1) ފެންގަނޑެއްގެ ނުވަތަ ކަނޑުގެ އަޑިޔަށް ގެންބުން (2) ބާރުކޮށް ހުންނަ ގޮތަށް އެއްޗެއްގެ ތެރެއަށް އަނެއްކައްޗެއް ލުން (3) މަޖާޒު: މީހަކު ކުށެއްގައި ބެއްދުން (4) ފެތުން މިބަސް އަނެކަކު ލައްވައި ކުރުވުމުގެ މާނައިގައި ބޭނުންކުރާގޮތް
ފެވުން
މ (1) ކުދިކޮށް ލިޔެފައި ހުންނަ އަކުރު ފަލަކުރުން (2) ހިމަކޮށް ދަމައިފައި ހުންނަ ރޮނގު ފަލަކުރުން (3) އެއްތަނެއްގައި އެކި ކުލަކުލަގޮތް ގޮތަށްލުން (4) ފޭލީގެ ކަޅުކޮށް ހުންނަ ބައިގައި އުޅުނބު ދިޔަހާކައިގެން ކުލަ ގަދަކޮށް ރީތި ކުރުން (5) ރޮނގު ނުވަތަ އަކުރު ފަދަ ތަކެތީގެ ކުލަ ގަދަ ކުރުން (6) މަޖާޒު: މީހެއްގެ ނަން ޚާއްޞަގޮތެއްގައި ފާހަގަކޮށް ލިއުން
ފެތުން
މ (1) ފެންމަތީގައި އޮވެގެން ދެއަތުން ފަލިޖަހައިފައި ކުރިޔަށް ދިޔުން. ނުވަތަ ފަހަތަށް ދިޔުން. (2) ފުރާ ދުއްވާ އެއްޗެހި ފެން އަރައި އަޑިއަށް ދިއުން (3) ގެނބުން (4) އެއްޗެއްގެ ތެރެއަށް އެއްޗެއް ވަނުން މިސާލު: މިއުޅެނީ ގަމީސް ނުފެތިގެންނެވެ މިލަކުޑިގަނޑުގެ ދޫ ކޮރުވަޅު ތެރެއަށް ނުފެތެއެވެ (5) ހަމަޖެހުން މިސާލު: ރާގަށް ފެތުން ވަޒަނަށް ފެތުން (6) މަޖާޒު: ނުބައި ކަމެއްގައި ބެދުން