radheef.info
ރަދީފު


ޒ
އ ތާނައިގެ 91 ވަނަ އަކުރު
ފަދައަކުންކުރެ ފަދައެއްނެތުން
މ މަޖާޒު: ތިމާގެ އަތުގައި އެއްވެސް އެއްޗެއް ނެތުން
ފަތަހަ ހޯދުން
މ (1) ޣައިރު މުސްލިމުންނާއި މުސްލިމުންނާ ދެމެދު ކުރެވޭ ދީނީ ހަގުރާމައިގައި މުސްލިމުން މޮޅު ހޯދުން (2) ނަޞްރު ހޯދުން (3) މަޖާޒު: ކާމިޔާބު ހޯދުން (4) މޮޅު ހޯދުން (5) ކުރި ހޯދުން
ފަތަށްއެރުން
މ (1) ލިސްޓެއްގައި ނުވަތަ ރަޖިސްޓްރީއެއްގައި ނަން ލިޔެވުން. (2) ޅެން ކިޔާ މީހުންގެ ތެރެއަށް ނުވަތަ ޒިކުރު ކިޔާ މީހުންގެ ތެރެއަށް އާދައެއް ކަމަށް ދޭންވާ އެއްޗެއް ދީގެން ވަނުން މއިީ އިހުގައި ގަނޑުވަރު ތެރޭގައި ރަސްމީ ގޮތުން ކުރެވޭ ކަމެކެވެ
ފަތައިގަތުން
މ (1) ފަތަން ފެށުން (2) މަޖާޒު: ކަމަކާ އުޅެގަތުން
ފަތަފޮޅި
ނ (1) ހަނޑޫފުށް ނުވަތަ އެހެންވެސް ފުށަކުން ފަތުގައި ޖަހައިގެން ރޮށްޓަށްވުރެ ބޯކޮށް ކުޅިކޮށް ނުވަތަ ފޮނިކޮށް ފިހާ ކާއެއްޗެއް (2) މަޖާޒު: އަންހެނުންގެ ކުރިމަތި ފަރާތް
ފަތަފޮޅިދަށުލީ ފަތްގަނޑު
މަޖާޒު: ބޭނުން ކެނޑުނީމާ އެއްޗެއް އެއްލައިލާ އެއްލައިލުމަށް ބުނެއުޅޭ ބަހެއް
ފަތަޙަ
ނ (1) ޣައިރު މުސްލިމުންނާއި މުސްލިމުންނާ ދެމެދު ކުރެވޭ ދީނީ ހަނގުރާމައިގައި މުސްލިމުން ހޯދާމޮޅު (2) ނަޞްރު (3) މަޖާޒު: ކާމިޔާބު (4) މޮޅު (5) ކަމަކުން ހޯދާކުރި
ފަތުރައިލުން
ނ (1) ހާމަކޮށްލުން. (2) މަޢުލޫމާތު ޢާއްމުކޮށްލުން. (3) ތަރަފާލު ކުނާ ސާންތި ފަދަ އެއްޗެއް ތަނެއްގައި އަޅައިލުން. (4) ފޮތި ފަދަ އެއްޗެއް ތަނެއްގައި ނިއުޅައިލައިފައި ބަހައްޓައިލުން ނުވަތަ ތަނެއްގައި ބާއްވާލައި ނިއުޅައިލުން (5) ރޭޑިޔޯގެ ޒަރީޢާއިން ދުރަށް އަޑުފޮނުވައިލުން (6) ފުންޏަކަށް ހުންނަ އެއްޗެއް ދުރަށް ބެހިގެން ދާނޭގޮތް ހަދައިލުން (7) ފަތުގައި ބޭސްހާކައިލުން (8) ނޫސްޖަހައިލުން (9) ތުންތުންމަތިން ވާހަކަ ނަގުލު ކޮށްލުން )01( ބައެއްކަހަލަ ކަންތަކާއި ބައެއްކަހަލަ ތަކެތި ގިނަވާނެގޮތް ހަދައިލުން
ފަތުރަތު
ނ (1) ދެކަމެއްގެ ނުވަތަ ދެ ޒަމާނެއްގެ ދެމެދުގައި ހޭދަވާ ވަގުތު. (2) ރަސޫލު ބޭކަލެއްގެ ޒަމާން ވޭތުވެގޮސް އެބޭކަލެއްގެ ރިސާލަތު އޮޅުމަށްފަހު އަނެއް ރަސޫލުބޭކަލަކު ފޮނުއްވުމާ ދެމެދުގައި ހޭދަވާ މުއްދަތު (3) މަޖާޒު: ކަމެއް ހީނަރުވެފައި އޮންނަ ދުވަސްވަރު
ފަތޭރި
ނ (1) ފަތޭރި މަޑޫ. (2) ފަން ނުވަތަ ފިލާޖަހައިގެން ދަތުރުދޯނި ފަހަރު ވަގުތީ ގޮތުން އުސްކޮށްލާ އުސްކޮށްލުން (3) )ސ ( މަޖާޒު: އަނދެގެން އުޅޭ މުންޑުގެ ދެކަންގަނޑު އެއްވަރުކޮށްލާ އެއްވަރު ކޮށްލުން
ފަތޭރިކުރުން
މ (1) ފަން ނުވަތަ ފިލާ ޖަހައިގެން ދަތުރު ދޯނި ފަހަރު ވަގުތީ ގޮތުން އުސްކޮށްލުން (2) )ސ ( މަޖާޒު: އަނދެގެންއުޅޭ މުންޑު ދެކަން ގަނޑު އެއްވަރު ކޮށްލުން
ފަތް
ނ (1) ގަހާއިވެޔޮ ހެދެމުންދާއިރު އޭގެ އަރިމަތިން ނުކުންނަމުން ދާ ތަނޑެއް ހުންނަ އެއްޗެއް. ގަސްގަހުގެ ހިޔާ އޮންނަނީ މީގެ ސަބަބުންނެވެ. މިވަރަށް ތަފާތު ގޮތްގޮތަށް ތަފާތު ކުލަކުލައިގައި ހުރެއެވެ. ޢާއްމުކޮށް ހުންނަނީ ފެހިކުލައިގައެވެ. (2) ބައެއްގަސް އުފެދިފައި ހުންނައިރު ގަސްގަނޑެއް ނެތި ބުޑުން ފަޅައިފައި ހުންނަ ތަފާތު ކުލަކުލައިގެ އެކި ސިފަޔަށް ހުންނަ އެއްޗެހި. (3) ދީނީ ގޮތުން ނުވަތަ ޤާނޫނީ ގޮތުން ލިޔެވޭ ބައެއް ޒާތުގެ ލިއުން. މިސާލު: ހިބަފަތް. އަތޮޅުވެރިކަމުގެ ފަތް. (4) ދޫންޏާއި ކުކުޅުހާފަދަ ތަކެތީގެ ފިޔައިގައްޔާއި މުޅިގައިގައި ފަޅައިފައި ހުންނަ އެއްޗެހި (5) މަޖާޒު: ބޮލުގައި ހުންނަ އިސްތަށި
ފަތްބޯ
ނއ (1) ފަތްގިނަ (2) މަސްތުވާފަތް ބޭނުން ކުރާ (3) މަޖާޒު: ބޮލުގެ އިސްތަށިގިނަ
ފަތްބޯކަން
ނއނ (1) ވަރުގަދަކޮށް ހެދިފައި ހުންނަ ގަސްގަހުގެ ފަތްތަކުގެ ގިނަކަން (2) މަޖާޒު: ބޮލުގެ އިސްތަށި ގިނަކަން
ފަތްކޮޅު
ނ (1) ވަކިފެންވަރެއްގެ މަޤާމުތަކަށް އިސްކުރައްވާ ފަރާތްތަކަށް ވަޒީފާ ދެއްވިކަން އެންގެވުމުގެ ގޮތުން ދައުލަތުން ދެއްވާ ލިއުން. މިސާލު: އަތޮޅުވެރިކަމުގެ ފަތްކޮޅު. ވަޒީރުކަމުގެ ފަތްކޮޅު ސަފީރުކަމުގެ ފަތްކޮޅު (2) ޤައުމެއްގެ އިސްވެރިޔަކު އެދަރަޖައިގެ ވެރިޔަކަށް ނުވަތަ އެއަށްވުރެ ދަށުގެ މީހަކަށް ފޮނުއްވާ ރަސްމީ އެންގެވުން (3) ގަސްގަހުގެ ފަތުގެ މިންވަރެއް (4) މަޖާޒު: ބޮލުގައި މަދުން ހުންނަ އިސްތަށި
ފަތްކޮޅުބޭލުން
މ ކީރިތި މަހާރަދުން އޮޅުދޫކަރައިގެ ގަވަރުނަރަށް ފޮނުއްވާ ނުވަތަ ގަވަރުނަރު ކީރިތި މަހާރަދުންނަށް ފޮނުއްވާ ފަތްކޮޅު ރަސްމީ އިއްޒަތުގައި އެއްގަމަށް ބޭލުން
ފަތްފުށް
ނ (1) ފޮތްއަރި (2) މަޖާޒު: މީހާގެ ގޮތް ބާވަތް
ފަތްތުނިވުން
މ މަޖާޒު: ބޮލުގެ އިސްތަށި މަދުވުން
ފަތްލިޔާކަން
ނ (1) ދިވެހި ދައުލަތުގައި އިހުގައި އޮންނަ މަޤާމެއް (2) ފަތްލިޔާ ކަމުގެ ވަޒީފާ
ފަތްޖަހާމޭޒު
ނ ހުޅުވައި ލެއްޕޭގޮތަށް ހުންނަ މޭޒު