radheef.info
ރަދީފު


ޑ
ނ ތާނައިގެ އަށާރަވަނަ އަކުރު
ބަނޑުބައިން
ނ (1) އުނަގަނޑު ފައްޓަރު ތިރިވިޔަނުދޭން ބާސްކީލިން އަޅައިފައި ހުންނަ ފަށް މިބައިން ޖަހަނީ ކުޑަކުދީންނެވެ (2) އަސްފަދަ ސަވާރުވާ ތަކެތީގެ މަޑި ހަރުކުރާން ބަނޑު ދަށުން އަޅާ ކަމަރު (3) ފަޓުލޫނު ހިފެހެއްޓުމަށް ކޮނޑުމަތިން ދެފަރާތުން އަޅައިފައި ހުންނަ ބަންދު
ބަނޑުބަލި
ނ ބަނޑުގައި އުފެދޭ ބައްޔެއް. މިބަލި ޖެހުމުން ބައެއް ފަހަރު ނޭވާހިނގުން ދަތިވެ ކުޑަކަމުދިއުމާއި ބޮޑު ކަމުދިއުމުގެ ނިޒާމަށް ބަދަލު އާދެއެވެ ދިވެހިންގެ ތެރޭގައި "ބަނޑުބަލި" ކިޔާ އުޅެނީ ބަނޑުގައި ސަރުބީ އުފެދި ބަނޑުގެ އެތެރޭގެ ބައެއް ގުނަވަން ދުޅަވުމުންނެވެ
ބަނޑުބޮޑުވުން
މ (1) ކައިގެން ބަނޑުފުރުން (2) ހައްޔަރުގައި އިނުން މަޖާޒު: (3) ހިތްފުރުން
ބަނޑުކަޅުމުގުރާން
ނ މުގުރާމުގެ ބާވަތެއް. މިއީ ބުރިކަށި ފަރާތުގައި ފެހިކުލަ ބަނޑުގެ ދެއަރިމަތީގައި ކަޅުކުލަ ބަނޑުދަށް ފަރާތުގައި ހުދުކުލަ ހުންނަ މުގުރާމެކެވެ
ބަނޑުކުރާ
ނ ގޮވާން ގަސްގަހުގެ ފަތްވަޅުން ނުކުންނަ ކުރާގަނޑު
ބަނޑުކުކުރުން
މ ބަނޑުކެކުން
ބަނޑުކެނޑުން
މ މަޖާޒު: ކަމެއްގެ އެދުން ބޮޑުވެގެން ގޮސް ހަމައިން ނައްޓައިލުން
ބަނޑުކެކުން
މ ބަނޑުގައި ވައި ހެދިގެން ބަނޑުތެރޭން އަޑު އިވުން
ބަނޑުކެއުން
ނ (1) ބަނޑު ފުރަން ގަޑިން ގަޑިއަށް ކާ ކާނާ (2) އިރުކޮއްތު
ބަނޑުކޮޅު
ނ ދަށްބަނޑު
ބަނޑުއަޅައިވިހެއުން
މ ބަނޑުގައި ދަރިއަށަގަނެގެން ވިހެއުން
ބަނޑުއަކިރި
ނ (1) ރާޅާ އަރުވާ އަކިރި (2) މަޖާޒު: ގޮތްކުޑަ ވިޔާނުވާ މީހުން
ބަނޑުއިލި
ނ އޮޑިދޯނި ފަހަރުގެ އަޑި ބަނުމާއި މަތި ހެދުމުގައި ގަދަކުރުމަށްޓަކައި ބޭރުން ޖަހާ އިލީގެ އިތުރަށް އިހިތަކަށާ އިންނަފަތްތަކަށް އެތެރެ ފަރާތުން ޖަހާއިލި
ބަނޑުއުނގުރި
ނ މަސްދޯނި ފަހަރުގައި ބަނޑު ފިލާގައި ހުންނަ އުނގުރި
ބަނޑުއެޅުން
މ (1) ހުތުރު ބަހުން ކެއުމަށް ބުނާގޮތް. (2) ފާރެއް ރާނަމުންދާއިރު ދެފަރާތުގައި ހުންނަ ގާބުރީގެ މެދަށް ކުދިގާ އެޅުން (3) އެއްޗެއްގައި ބަނޑު ޖައްސައިގެން ގުދަށް އޮތުން (4) މުދާބާލާ ބަނޑު ތަނެއްގައި ހައްޔަރުކުރުން
ބަނޑުއޮއްޓުގަނޑު
ނ (1) އެއްޗެއް ވަރުގަދަކުރަން ދަށުފުށުން އަޅާ އެތިގަނޑު (2) ތެލަނގައިގެ ލަނބާދުނީގެ ބަނޑުފުށުގައި މެދުތެރޭ އަޅާ އެތިކޮޅު
ބަނޑުއޮޑި
ނ ފިލާބައިޖަހައި ބާރީ އަޅައިފައި ހުންނަ ބޮޑެތި އޮޑި ފަހަރު
ބަނޑުވަރު
ނ ބަނޑަވަރު
ބަނޑުވާކަލޭގެ
ނއ ބަނޑުވާ
ބަނޑުވޭން
ނ (1) ހޮޑުލުމާއެކު ނުރައްކާގޮތް މަތިން ބޭރަށް ހިންގާ ބަލި (2) ގަހަޑުބަލި (3) ބޮޑު ބޭރަށް ހިންގުން