radheef.info
ރަދީފު


ދ
ނ (1) ތާނައިގެ ބާރަވަނަ އަކުރު (2) ދިވެހި ވިޔައަކުރުގެ ތިނެއް
ރަށްތަޅުލުން
މ (1) ނުރައްކާތެރި ރޯގާ ބަލިމަޑުކަމުން ރަށް ސަލާމަތް ކުރުމަށް ފަންޑިތަ ހެދުން (2) ރަށުގެ ބޮޑުދޮރާށި ބަންދު ކުރުން
ރަށްގިރުން
މ އޮޔާއި ވަޔާއި ރާޅު ހުންނަގޮތުން ރަށުގެ ގޮނޑުދޮށުގެ ވެލިގަނޑުން އުނިވަމުން ދިޔުން
ރަށްގޮވާއަޑު
ނ (1) ރަށުތެރޭ ގިނަބައެއްގެ ތުންތުންމަތިން ދައްކާ ވާހަކަ (2) ރައްދުއަޑު
ރަށްގޮވުން
މ (1) މުޅިރަށަށް ފެތުރިގެން ވާހަކައެއް ދެކެވުން (2) ބައެއް ހާލެއްގައި ރޭގަނޑަށް ރަށުތެރޭން އިވޭކަމަށް ބުނާއަޑެއް މިއަޑުއިވެނީ ކިޔަވާ އަޑު މާދުރުން އިވޭކަހަލަ ގޮތަކަށެވެ
ރަނބަ
ނ ދެ އަންހެނަކު ނުވަތަ އެއަށްވުރެ ގިނަ އަންހެނުން އޮލަކޮށް ދައްކާ ވާހަކަ
ރަނބަހެލުވުން
މ ދެއަންހެނަކު ނުވަތަ އެއަށްވުރެގިނަ އަންހެނުން އޮލަކޮށް ވާހަކަދެއްކުން
ރަނބާލި
ނ )ހ ( (1) އެމުގެ ބާވަތެއް މިހުންނާނީ ކަޅުކޮށް ހުރަހަށް ރޮނގު ދަމާފައެވެ މިއުޅެނީ ބުރެކި މުގުރާން ތެރޭގައެވެ (2) )ސ ( ރަތް ބުރަކި
ރަނބިކޫއްތުން
މ މީހެއްގެ އަތުގައި ހިފައިގެން އެމީހާގެ ބާރުނުފޯރާ ގޮތަށް ދެމުން މިބަސް "ރަނބަކޭއްތުން" "ރަބިކޭއްތުން" މިހެންވެސް ކިޔައެވެ
ރަނގަ
ނ (1) ތަންތާނގައި ލާ ދަވާދު (2) ތާސްބައިގައި ހިމެނޭ ހަތަރުބައިން ކުރެ ބައެއް (3) )ހ ( މާރަނގައިގެ ބާވަތެއް
ރަނގަރަނގަ
ނ އަޑެއްގެނަން ޓިނު ނުވަތަ ޑަބިޔާ ފަދަ އެއްޗިހިތަކެއް ވެރިގަންނަ އަޑު
ރަނގަބީ
ނ ރަނގަބީ ފުޓްބޯޅަ މިއީ ދެޓީމުގެ ދެމެދުގައި ދަނޑުގައި ކުޅޭ ކުޅިވަރެކެވެ ގެންގުޅޭ ބޯޅައަކީ ކުކުޅުބިސްބުރަށް އޮންނަ ބޯޅައެކެވެ މިބޯޅައިގައި ފައިންވެސް ޖެހެއެވެ އަތުން ހިފައިގެންވެސް ގެންދެވިދާނެއެވެ އަދި އެކަކު އަނެކަކުގެ އަތަށް ދެމުން ގެންދެވެއެވެ
ރަނގަބީލު
ނ (1) އެތެރެއަށް ގޮނިކޮށް ހަދައިފައި އޮންނަ މަޢުދަނީ އެއްޗެއް މިއީ އެތެރެއިން ނުވަތަ ބޭރުން އޭގައި އެއްޗަކުން ޖެހުމުން ރީތި އަޑެއް ކިޔާގޮތަށް ހަދައިފައި ހުންނަ އެއްޗެކެވެ (2) ރަނގަބީލު ބޭނުންކުރާގޮތަށް ބޭނުން ކުރުމަށް ތަފާތު ގޮތްގޮތަށް ހަދައިފައި ހުންނަ އެއްޗެހި
ރަނގަޅު
ނއ (1) ކަމުދާ (2) ރީތި (3) ހެޔޮ (4) ނުބައިގެ އިދިކޮޅު (5) ޞައްޙަ (6) ފުރިހަމަ (7) ކުށެއްނެތް
ރަނގަޅުކުރުން
މ (1) ކަމުދާގޮތް ހެދުން (2) ރީތިކުރުން (3) ހެޔޮކުރުން (4) ޞައްޙަކުރުން (5) ފުރިހަމަކުރުން (6) ކުށްފިލުވުން
ރަނގަޅުވުން
މ (1) ކަމުދިއުން (2) ރީތިވުން (3) ހެޔޮވުން (4) ނުބައިނުވުން (5) ޞައްޙަވުން (6) ފުރިހަމަވުން (7) ކުށެއްނެތުން
ރަނގަވާޅު
ނ ކަކުލަށްވުރެ ތަންކޮޅެއް ތިރިޔަށް ދިގުމިން ހުންނަ ފައިކުރިފުޅާ ހަރުވާޅެއް
ރަނގަލުން
މ ދަވާދުލުން މިބަސް ގިނައިން ބޭނުންކުރަނީ ދޯނިފަހަރުގައި ދަވާދުލުމަށެވެ
ރަނޑަގުއި
ނ ކުކުޅު ހާލުގެ ނަޖިސް މިއީ ތަންކޮޅެއް ދިޔާކޮށްހުންނަ ނުބައި ވަސްދުވާ ނަޖިހެކެވެ
ރަނޑު
ނ (1) އުޅުމާއި ޙަރަކާތްތަކުގައި މިނަށްވުރެން ބޮޑަށް ޖައްސާ އަންހެން ވައްތަރު (2) އަންހެންދުޅާ ފިރިހެނުން ޖައްސާ އަންހެން ވައްތަރު (3) ޅައަންހެން ކުދިން ޖައްސާ ހަރު އަންހެނުންގެ ވައްތަރު (4) ޖޯޑު ހަމައަށް ނެތިގެން ކޮންމެ ދޫންޏަކާ އަޅާގޮވާ ކާކާލާ ވައްލަޔާއި ބިސް ފީވެގެން ދުވަސް ހަމަވާއިރު ނުވިހާ ކުކުޅުފަދަ ބައެއް އެއްޗެތި ސޭކުވެގެން އުޅޭގޮތް
ރަނޑުރިހި
ނ ހަނގު ބޭކަލަކު މީހަކާ ކައިވެނި ކުރެއްވުމަށްފަހު ވަރިކުރައްވާފާ ދެން މީހަކާ ކައިވެނި ނުކުރައްވާ ހުންނަވާތާ އަހަރުވީމާ ނަގައި އުޅުނު ލާރި