radheef.info
ރަދީފު


މެ
އ ބަސްގަދަކޮށްލުމަށް ބޭނުންކޮށް އުޅޭ ބަހެއް މިސާލު: )ހ( ދަނޑު ކޮށީ ޙަސަނެވެ )ށ( ގޮވާންކޮށީވެސް އޭނާމެއެވެ
)މިސާލުބަހެއް( ކަމަކާމެދު އެއްވަރަށް އިޚުތިޔާރު ލިބިފައިވާ ދެމީހަކަށް އެކަމެއް ރަނގަޅަކަށް ނުހިންގޭނެއެވެ އެއްއުރާގައިދެކަނޑިޔަކަށްނޯވެވޭނެއެވެ
އެއްވަނަ
ނއ (1) ފުރަތަމަ (2) އެކަކަށްވާ (3) އެންމެމަތީ (4) ކަމެއްގައި އެންމެ ފުރިހަމަ
އެއްވަރެއްވެސް ނުވުން
މ (1) ކުރަން އުޅޭ ކަމެއްވާނެ އެއްގޮތެއްވެސް ނުވުން (2) މުޅިން ނާކާމިޔާބުވުން
އެއްވެސް
އ (1) އެކައްޗެއްވެސް (2) އެއްކަމެއްވެސް މިބަސް ބޭނުންކުރެވެނީ ނަފީގެ ގޮތުގައެވެ މިސާލު: އެއްވެސް ކަމަކު ނޫން އެއްވެސް ތާކު ނެތް
އެއްމެދު
ނއ ދެމީހަކަށް ނުވަތަ އެއަށްވުރެ ގިނަ ބަޔަކަށް އެއްވަރަށް ބެހޭންވާ. މިބަސް ގިނައިން ބުނެއުޅެނީ އަނބިމީހާވެސް އެއްޗެހި ހޯދުމަށް މަސައްކަތްކޮށް ތަކެތި ހޯދުމުގެ ސަބަބުން ދެމަފިރީންނަށް އެއްވަރަށް ބެހޭ މުދަލާ މެދުގައެވެ
އެއްމެދުމުދައު
ނ ދެމީހަކު ނުވަތަ އެއަށްވުރެ ގިނަ ބަޔަކު މަސައްކަތްކޮށްގެން ހޯދި މުދަލަކަށް ވުމުގެ ސަބަބުން އެއެންމެންގެ މެދުގައި ހަމައަށް ބެހޭންވެފައިވާ މުދައު
އެއްފަހަރާ
ކއ (1) ކުއްލިއަކަށް އެކުގައި (2) މެދުކެނޑުމެއް ނެތި އެކުގައި
އެއްފިނދުންގުއިރުން
މ ދެމީހަކު ދެމެދުގައި އެކުވެރިކަން ބޮޑުވެގެންގޮސް ޙައްދަށް ދިޔައިމާ ދީއުޅޭ މިސާލެއް
އެއްލަންބަރު
ނ (1) އެއްވަނަ އަދަދު (2) އެއްވަނަ ދަރަޖަ (3) އަދަދުތަކެއްގެ ތެރެއިން ފުރަތަމަ (4) މަޖާޒު: އެންމެ މޮޅު
އެއްލައިލުން
މ (1) ތިމާގެ އަތުން ނުވަތަ ފައިން ބާރުލާ އެއްޗެއް ދުރަށް ފޮނުވައިލުން (2) މަޖާޒު: ގެންގުޅޭ މީހަކު ބޭނުންނެތިގެން ނިކަމެތި ގޮތުގައި ބޭރަށްލުން
އެއްގަމުއަރުމާޒު
ނ އައްސުލްޠާންއަލްމުޡައްފަރު މުޙަންމަދު ޢިމާދުއްދީން އުތުރު އަރުމާޒަށް ވަޑައިގަންނަވާންވެގެން އެރަދުންގެ ދަރިކަލުންނަށް އެއްގަމުގައި ހައްދަވައިދެއްވި އަރުމާޒެއް. މިއަރުމާޒު ހެއްދެވިގޮތަކީ ފުރޮޅުލާފައި އެއްގަމުގައި ދުއްވޭނޭހެން އެގާރަ ގުރާބު ތައްޔާރުކުރައްވައި އެގުރާބު ދަމާ ކަލާސީންނާއި ދަންޑަހެލު ބޭކަލުން ލައްވައި އެމީހުންގެ ވެރިޔަކު ލައްވައި އެމީހަކަށް ރަނަހަމާންތި ކަމަށް ކޮލިލައްވައި ގުރާބުތަކަށް އެއްގަމު އަރުމާޒު ބަޑިލައްވައި އެގުރާބުތަކަށް ރަސްމީ އުޅަނދުތަކަށް ހުންނަހައި ކަމެއް ހަމަކުރެއްވިއެވެ. އަރުމާޒު ކަލާސީންނާއި ދަންޑަހެލުންނާއި ރަނަހަމައިދި ބޭކަލަކު އޭގެ ކުރިއަކު ނުތިއްބަވައެވެ. ރަދުންގެ އަރުމާޒު ފުރާވަޑައިގަތުމަށްފަހު އެއްގަމު އަރުމާޒު ފުރާވަޑައިގަތީ މެދުޒިޔާރަތް މަގުން އިރުމައްޗަށެވެ. މިހެން ގޮސް އެކިއެކި ތަންތާ ރޭކުރައްވައި ކުޅިވަރު ކުޅުއްވައި ހައްދަވައެވެ. ދުވާލު ކަލާސީން ލައްވައި ރަށުތެރެ ތާހިރުކުރައްވައި މިބާވަތުގެ ކަންތައް ކުރައްވަމުން ވަޑައިގެން ރަދުންގެ އަރުމާޒު މާލެ ވަޑައިގަތް ދުވަހު އެއްގަމު އަރުމާޒުވެސް ގަނޑުވަރަށް ވަޑައިގަތީއެވެ. އޭގެ ފަހުގައި ކަލާސީންނާއި ދަންޑަހެލުން ހަވަރަށް ބައިކުރައްވާ އެމީހުންގެ ޚާއްޞަ މަސައްކަތަކީ ބަނޑުދިނުންކަމުގައި ހައްދަވައި މިއަރުމާޒުގެ ބަނޑޭރިން މިނާ މީހުން ކަމުގައި ހެއްދެވީއެވެ ދެފޮއިގައި ބަނޑުދޭން ފެށީ މީގެ ފަހުގައެވެ ކުރީގައި ބަނޑުދޭ ގޮތަކީ މަހަކު އެއްފަހަރު ކޮށާރު ދޮށަށް ބަލައިދިޔައިމާ ދެއްވަނީއެވެ މިއަރުމާޒަށް ވަޑައިގަތް ބޭފުޅަކީ ތާރީޚުގައި މަޝްހޫރު އިބްރާހީމް ރަސްގެފާނެވެ
އެއްގޯސްވުން
މ (1) ޤަވާއިދާ ޚިލާފަށްކަމެއް އާދަވުން (2) ކަމަކުން ބޮލަށް އުނދަގޫ ވޭވޭގޮސް ހިސާބަކަށް އެކަމަށް ހޭނުން
އެއްޗަކަށްހެދުން
މ (1) އެއްވެސް ކަމަކަށް ބޭނުން ނުހިފޭނޭހެން ހީވާ އެއްޗަކުން ބޭނުން ހިފާކަހަލަ އެއްޗެއް ހެދުން (2) އެއްވެސް ތަރުބިއްޔަތެއް ނެތި ހުރި މީހަކު ކޮންމެވެސް ކަމެއްގައި ބޭނުން ހިފޭނެގޮތް ހެދުން (3) ބޭނުމެއް ނުހިފިފައި ހުރި މީހަކު ކަމެއްގެ ތެރޭގައި ގެންގުޅޭން ފެށުން (4) މީހަކު އެއްވެސް މަޤްޞަދެއްނެތި ބުނެލި ބަހަކުން ނުވަތަ ކުރިކަމަކުން ރަނގަޅުގޮތުގައި ނުވަތަ ނުބައިގޮތުގައި އަނެކަކު އޭގެ ނަތީޖާ ނެރުން ނުވަތަ ނެރޭން އުޅުން
އެއްޗަކަށްވުން
މ (1) ބޭނުން ނުހިފޭކަހަލަ އެއްޗެއް ބޭނުން ހިފޭގޮތްވުން (2) ތަރުބިއްޔަތު ނުވެވޭނޭހެން ހީވާ މީހަކު ކަމެއްގައި ބޭނުން ހިފޭގޮތްވުން (3) ކަމުދިއުން (4) ކުޅަސަމާސާއެއް ވިހަވުން (5) މަޤްޞަދެއްނެތި ކުޅަކަމަކުން އޭގެ ފޮނި ނުވަތަ ހިތި ނަތީޖާ ފެނުން
އެވަރުވުން
މ (1) އެގޮތްވުން (2) އެހިސާބަށް ކަން ކުރެވުން މިސާލު: މީހަކު ތާކަށްގޮސް އުޅެއުޅެ އެއްކަމެއްވެސް ނުވެގެން އައިމާ އޭނާ ދެރަކޮށްލުމުގެ ގޮތުން "މަދިޔަނަމަވެސް އެވަރުވެއްޖައިހޭ" ބުނެއުޅެއެވެ ދެމީހަކު ދޫނުކޮށް ހިފަމުންގޮސް މާބޮޑަށް ވަރުބަލިވީމާ "އެވަރުވީއިރުވެސް ދުލެއް ނުކުރެއޭ" ބުނެއުޅެއެވެ
އެވެނި
ނއ ތިމާއަށް އެނގިފައިވާ ކަމަކަށް ނުވަތަ އެއްޗަކަށް އިޝާރާތްކޮށް ބުނާގޮތެއް މިސާލު: އެވެނިކަމެއް ނުކުރާށެވެ
އެވްރޭޖް
ނ (1) އެކިވަރަށްހުރި އަދަދުތަކެއް އެއްކޮށް އެއްކުރި އަދަދުތަކުގެ އަދަދުން ގެއްލީމާ ނިކުންނަ އަދަދު. މިސާލު: ދިހަޔަކާ ނުވަޔަކާ ދޭކާ މިތިން އަދަދު އެއްކޮށްލީމާ އަންނަ ޖުމްލައަކީ އެކާވީހެވެ މިއެއްކުރެވުނީ ތިން އަދަދެވެ ވީމާމިޖުމްލަ ގެއްލާންވީ ތިނަކުންނެވެ ތިނަކުން ގެއްލީމާ ނިކުންނާނީ އެތިންއަދަދުގެ އެވްރޭޖެވެ އެއީ ހަތެކެވެ (2) މެދުމިން
އެމުނިއެކުލެވުން
މ (1) ގައިގޯޅިވެ އެކުލެވުން ނ (2) ލިޔެފައިވާ އެއްޗެއްގެ ބަސްތަކުގެ ތަރުތީބުކަމާއި އެތުރިފައިވާގޮތް (3) މަޖާޒު: ކަމެއް އިންތިޒާމް ވެގެންވުން
އެމެރިކާނު
ނ (1) އެމެރިކާ (2) ދުނިޔޭގެ ބައްރުތަކުގެ ތެރެއިން 5/2 މިއީ އެތައް ދައުލަތެއް އެކުލެވިގެންވާ ބޮޑު ދައުލަތެކެވެ
އެދުންއައުން
މ (1) ހިތުގައި އެދުމެއް ފައިދާވުން (2) ޝަހުވާނީއެދުން ހިތުގައި އުފެދުން