radheef.info
ރަދީފު


އެ
ނ ދުރަށް އިޝާރަތްކުރާ ނަމެއް. މިސާލު: އެތަން އެގެ އެމީހާ
ރިޔާބައި
ނ (1) ފަންރިޔަލެއް ފެހޭހާ ފެހުރު (2) ފުރާދުއްވާ އެތިގަނޑަށް ބޭނުންހުރިހައި ރިޔާ
ރިޔާކަންވުން
މ ދުރުން އަންނަ އެއްޗެއްގެ ރިޔާ ކިރިޔާ ފެނިލުން
ރިޔާކެވުން
މ ރިޔާއަޅާފައިވާ ފަރުމާނުގެ މެދާހިސާބުގައި ދެހަންޖަލުގެމެ އެއްކޮޅު އަސްޖަހާ އެއްސުން
ރިޔާއެޅުން
މ ފަރުމާނުގައި ރިޔާއެއްސުން
ރިޔާސަތު ބެލެހެއްޓުން
މ ބައްދަލުވުމެއް ނުވަތަ ޖަލްސާއެއް ނުވަތަ ކޮމިޓީއެއް ހިނގަމުންދާއިރު އިސްމީހެއްގެ ގޮތުގައި އެބައްދަލުވުން ކުރިއަށް ގެންދިއުން
ރިޕޯޓަރު
ނ (1) ޚަބަރު ފަތުރާ ވަސީލަތްތަކަށް ޚަބަރުހޯދައި ލިޔުމަށް ވަޒީފާދީފައި ތިބޭ މީހުން (2) އެކަމަށް ކަނޑައަޅާ ފައިތިބޭ މީހުން
ރިޕޯޓުކުރުން
މ ގަވާއިދާ ޚިލާފަށް ކުރިކަމެއް ސަރުކާރަށް ނުވަތަ ކަމާބެހޭ އިދާރާއަކަށް އެންގުން
ރީ
ނ (1) މެހީގެ ފޫކޮޅުންނެރޭ ކުދިކުދި ފަނި (2) ވޭރުހުލި މާބުރުފަދަ ތަކެތި ތަންތަން ބައްދާ އެއްޗެހި
ރީނބުރުފިލާ
ނ ގެދައާ އެއްވައްތަރަށް ފަތްކުދިކޮށް ބިމުގައި ފެތުރި ހެދޭ ކުޑަކުޑަ ގަހެއް މިގަހުގައި ވަރަށް ރީނދޫކުލަ ގަދަ ކުޑަކުޑަ މަލެއް އަޅައެވެ މިގަހުގެ ހުރިހާ ބައެއް ހަމުގެ މަތީގެ ދިލަނެގުމުގެ ބައްޔަށް ބޭސް ހެދުމަށް ބޭނުންކުރެއެވެ މީގެ ގޮނޑި ހުންނާނީ ކުޑަވާ އިނގިލިހާ ކުޑަކޮށެވެ
ރީނބޫ
ނ (1) ރީނދޫ މަލެއް އަންނަ ފަތް ކުދި ކުރި ގިނަ ކުޑަ ގަހެއް މީގެ ގޮނޑި ބޭހަށް ބޭނުންކުރެއެވެ (2) ރީނބުރު
ރީނދޫ
ނ (1) ފޯލިކޮށް ހުންނަ ދޮންރަތްކުލައިގެ ގޮނޑިއެއް މިއީ ހަވާދާއި ބޭހަށް ބޭނުންކުރާއެއްޗެކެވެ (2) ވިއްސާރަދުނީގައި ހުންނަ ހަތްކުލައިގެ ތެރެއިން ފެހިކުލަޔާ އޮރެންޖް ކުލަޔާ ދެމެދުގައި ހުންނަކުލަ
ރީނދޫ އުރަހަކަންނެލި
ނ ކަންނެލީގެ ބާވަތެއް. މިމަހުގެ ބޮޑެތި ބާވަތުގެ މަހުގެ ބުރިކަށިމައްޗާއި ބަނޑުދޮށް ފަރާތުގެ ދެވަނަ ކޮތަރިބައި ވަރަށް ދިގުވާނެއެވެ މަހުގެ މަތީބައިގެ ކުލައަކީ ގަދަނޫކުލައެވެ ކޮތަރިތަކުގެ ކުލައަކީ ރީނދޫކުލައެވެ
ރީނދޫހުން
ނ ހުމުގެ ބާވަތެއް މިހުންޖެހުނީމާ ލޮލާ ނިޔަފަތިތަކާ ހުދުހަމާ ކުޑަކަމުދާ އެއްޗެހި ރީނދޫ ވާނެއެވެ މިއީ ނުރައްކާތެރި އަދިގައިން ގަޔަށްއަރާ ބައްޔެކެވެ ބައެއްފަހަރު މޭގަނޑާ ސިކުޑިޔަށް ގެއްލުން ލިބިދާފަދަ ބައްޔެކެވެ މިބަލިޖެހެނީ ބަލިޖައްސާފަނީގެ ސަބަބުންނެވެ
ރީނދޫބޭސް
ނ ބޭހުގެ ބާވެތެއް މިބޭސް ހުންނާނީ ރީނދޫ ކުލައިގައެވެ މިބޭސް ބޭނުންކުރަނީ ފެންފޮދެއްގައި ގިރައިގެންނެވެ މިބޭސް ކެނޑޭ ތަންތާނގައާއި މެށޭތަންތާގައި ފާރުހިއްކުމަށްޓަކައި އުނގުޅައެވެ
ރީނދޫވެން
ނ ވެނުގެބާވަތެއް މިއީ ދެފަރާތު އަރިމަތީގައި ރީނދޫކުލަޔާއި ނޫކުލައިގެ ތިކިތަކެއް ހުންނަ ވެނެކެވެ މިވެން ގިނައިން އުޅެނީ ހުއިވިނަ ހެދިފައި ހުންނަ ފަޅުފަޅުގައެވެ
ރީތި
ނއ (1) އުފެދުމާއި އުފެއްދުމުގައި ހުންނަ ފަރިކަމާއި ނަލަކަން ލިބިގެންވާ (2) ހިތްގައިމު (3) ބަލާހިތްވާ (4) ލޮލަށް އެންމެ ފިނިކަންދޭ
ރީތިކަން
ނއނ (1) އުފެދުމާއި އުފެއްދުމުގައި ހުންނަ ފަރިކަމާއި ނަލަކަން (2) ހިތްގައިމުކަން (3) ބަލާހިތްވާކަން (4) ލޮލަށް އެންމެ ފިނިކަން ދޭކަން
ރީތިފުށް
ނ ދެފުށްދެގޮތަށްހުރި އެއްޗެއްގެ ހެޔޮފުށް
ރީތިގަހަށް ބޮޑު ސަތަރު ވެއްޓުން
މިސާލު: ހާމަ ތަނަކަށް އެއްލާލާފައި އޮތްހެން މީހަކުދިމާ އުއްޑުން އޮތުމުން ދީ އުޅޭ މިސާލެއް
ރީތިގަސް
ނ ބިޔަކޮށްހެދޭ ބޮޑުގަހެއް މިގަހުގައި މާއަންނަނީ ކޯޅިކޯޅިއަށެވެ މިކޯޅިއައިސްފައި ހުންނަނީ ގޮފިތަކުގެ ކުރީގެ ފަތްވަޅުތަކުންނެވެ މިގަހުގެ ފަތް ހުންނަނީ ގޮފިތަކުގެ ކުރީގައެވެ ފަތްތައް އެތުރިފައިހުންނަނީ މައިތަނޑީގެ ދެފަރާތުގައި އެއްފަތް އަނެއްފަތާ ދިމާވާ ގޮތަށެވެ