radheef.info
ރަދީފު


ކޮށް
ނ (1) މާކަނައާއި ރާބޮނދި ފަދަ ތަކެތި ކުއްލިއަކަށް ކޮށައިގަންނަ ގޮތަށް ކިޔާނަން (2) )މަލިކު( އ ކުރެން
މަދިރިފައި
ނ މަޖާޒު: ގޮނޑިމޭޒުފަދަތަކެތީގައި މަދިރީގެފަޔާ އެއްބައްޓަމަށް ޖަހައިފައި ހުންނަފައި )އިންސާނުންގެ ހިމަދިގުކޮށް ހުންނަފަޔަށްވެސް މިހެންކިޔައެވެ
މަދޮޅުފަތް
ނ އެކި ފާޑުގެ ތަށިތަށީގެ މަތީ ކައިރިން ވަށައިގެން ބޭރަށް ނުކުމެފައި ހުންނަބައި މިބައި ހުންނާނީ ދާރައެއްނެތި ވަށްކޮށްނެވެ
މަތަރެސްމާ
ނ އިރަށް އެނބުރޭ މަލާ ވަރަށް އެއްވައްތަރު ސިފައެއްގައި އެއަށްވުރެ ފިޔަތައް ބޯކޮށްހުންނަމަލެއް މިމަލުގެ ބައެއް ވައްތަރުގައި އެއްބަރިއަށްވުރެ ގިނަ ބަރިޔަށްވެސް ފިޔަހުރެއެވެ
މަތާ
ނ ބަރު އެއްޗެއް ހިއްލައިލުމަށް ނުވަތަ ފަސޭހައިން ދުރުކޮށްނުލެވޭ ކަހަލަ ގޮތަކަށް ހުރި ދޭތެރެއެއް ދުރުކޮށްލުން ފަދަ ކަންތަކުގައި ބޭނުން ކުރާ އެތި
މަތާރަންފިލާ
ނ އިހުގެ ގޭގޭގައި އެއްޗެހި ބެހެއްޓުމަށް ގޭތެރޭ ބިތުގައި ހަރުކޮށްފައި ހުންނަ ފިލައެއް
މަތިންއެރުން
މ (1) މާގިނައިން ކެއުމުގެ ސަބަބުން ކޭތަކެތިން އެތިކޮޅެއް އަނގަޔަށް އައުން ނުވަތަ އެސަބަބާހުރެ ވައިލެވުން (2) އެއްޗެއް ކެކި އުތުރި އަރައިގެން ބަންޑުންވުން (3) ރަށްރަށާއި ގިރިފަދަ ތަންތަނުގެ ވައިމަތި ފަރާތުން ދަތުރުކޮށް ދިއުން (4) ގިރާކޮށްފައި ނުދެވޭވަރު އުސްތަންތަނުގެ މައްޗަށް އަރައިގެން އަނެއްފަރާތަށް ދިއުން
މަތިންލުން
މ (1) މާގިނައިން ކެއުމުގެ ސަބަބުން ކޭތަކެތިން އެތިކޮޅެއް އަނގަޔަށް އައުން ނުވަތަ އެސަބަބާހުރެ ވައިލެވުން. (2) އެއްޗެއްކެކި އުތުރި އަރައިގެން ބަންޑުންވުން. (3) ފުރާދުއްވާ އޮޑިފަހަރު ދަތުރުކޮށްފައިދާއިރު އަނބުރާނުލާ ފަރުމާނު މަތިން ރިޔާގެންދިއުން
މަތިބިތްހިފުން
މ ރިޔަލު ދަތުރުކޮށްފައި ދާއިރު ވައިމަތީގައި ހުންނަ ރަށްރަށް އަތުވާ ހިސާބަށް ދަތުރުކޮށް އެރުން
މަތިކެނޑުން
މ (1) ނާޅި ލާހި އަޑާފައި ފަދަތަކެތިން މިނާއިރު ތުނބަށްވުރެ މައްޗަށް ހުންނަބައިތުނބާ ހަމަކޮށްލުން (2) ކުރުނބާ ފަޅޯ ފަދަތަކެތީގެ މަތި ވަކިކޮށްލުން (3) ދަޅު ޑަބިޔާ ފީފާ ފަދަތަކެތީގެ މަތި ވަކިކޮށްލުން (4) އޮޑިދޯނިފަހަރު ބަނދެ ނިމިގެން ފޮނު ކިއްސަރު ހަމަވާހެން އޭގެ މަތީ ކައިރި ކޮށައިމަށައި އެއްވަރުކުރުން
މަތިއަންދާފިހުން
މ މަސްފަތަފޮޅި ބޯކިބާ ބަނބުކެޔޮ ފަދަ ތަކެތިފިހާއިރު އެފިހާ އެއްޗެއްގެ ދަށަށް އަލިފާންލުމާއިއެކު އޭގެ މަތީގައި ޖަސްތު ގަނޑެއް ފަދައެއްޗެއް ބާއްވައި އޭގެ މަތީގައި އަލިފާން ރޯކޮށްގެން އެއެއްޗެއް ރަނގަޅަށް ފިހެވެންދެން އެންދުން
މަތިއޮމާންކުރުން
މ މަޖާޒު: ނުބައިކޮށް ކުރެވިފައިވާ ކަމެއް ރަނގަޅަށް ކުރެވިފައިވާ ކަމެއްގެ ގޮތުގައި ދެއްކޭތޯ މަސައްކަތްކުރުން
މަތިމަތިން
ކއ (1) ކަންފަސޭހަކޮށް (2) ބޭރުފުށުން (3) މާމަތިން
)ބަޔާންކުރުން( މަތިފުށް ކިއުން
މ މަތިފުށް ފެށިގެންއައިސްފައިވާގޮތް ތަފުޞީލުކޮށް ބުނުން
މަތިތަޅާލުން
މ މަޖާޒު: (1) ބަޔަކު ކަމެއް ކުރުމަށް ރާވައިފައި ވަނިކޮށް އެކަމަކަށް ގަސްދުކޮށްފައިވާ ވަގުތުގެ ކުރިން އޭގެ ތެރެއިން އެކަކު ނުވަތަ އެކަން ދެނަހުރި އެހެން މީހަކު އެވާހަކަ ދެއްކުން (2) ކަމަކަށް ދޭންވާ ސަމާލުކަން ނުދީ މަތިމަތީން އެކަމެއް ކޮށްލުން
މަތިގެ
ނ (1) އިހުގައި ގަނޑުވަރު ތެރޭގައި ތާންލޯއިން ހަތަރުފުރާޅުލައި ހިޔާކޮށްފައި ހުރި ދެބުރި ޢިމާރާތެއް މިއީ ކީރިތި މަހާރަދުން ރަސްކަމުގެ ހުރިހާ ކަމެއް ހިންގެވި އޮފީސް ޢިމާރާތެވެ (2) )ޏ ( ގެމަތި )އެއްބުރި ގޭގޭގައި ހުރަސް ބެރިތަކުގެ މަތީގައި ފިލާއަޅައިފައި އޮންނަތަން
މަތީކައިރި
ނ (1) އެއްޗެއްގެ ނުވަތަ ތަނެއްގެ މަތީ ކައިރިފަށް (2) ބޯވަޅުގެ އެންމެ މަތީ ކައިރީގައި ކަސަބުން ނުވަތަ ރޮދިންގަތާ ހަރުކޮށްފައި އޮންނައެތި
މަތުރާލުން
މ މިއީ "މެތުރުން" މިބަސްލުއިކޮށް ބުނާގޮތެވެ
މަލަރު
ނ (1) ދެއެއްޗެއް އެއްކޮށް ހަރުކުރާއިރު ޖެހުމަށް މަޢުދަނަކުން ހަދައިފައިއޮންނަ އެއްޗެއް (2) ގޮދަންފުށުން ހިލާފައިހުންނަ ފޮނިކާއެއްޗެއް (3) މަޖާޒު: ވެރިއެއްގެކޯފާ
މަލަރުކުރުން
މ އިއްޔެއްހެން ހަދައިފައިވާ ވިރިކެކޭ އެއްޗެއް ދެއެއްޗެއް ގުޅުވުމަށްޓަކައި އެއްކޮށް ތޮރުފާފައިވާ ލޯވަޅަކަށް ޖަހައި ދެކޮޅުން ނުވަތަ އެއްކޮޅުންތަޅައި ބާރުކުރުން އެއްކޮޅުންތަޅާ ބާރުކުރާއިރު އަނެއްކޮޅުގައި ބޯހުންނާނެވެ
މަލަބާރީކެޔޮ
ނ އާދައިގެ ކޭލަށްވުރެ ވައްތައް މާދިގުކޮށް ހުންނަ ފަތްކޭލުގެ ބާވަތެއް