radheef.info
ރަދީފު


ނުވަ
ނއ ގުނުމުގެ ނުވަވަނަ ޢަދަދުގެ ނަން އިތުރު މިއަށް " ނަވަ" ވެސް ކިޔައެވެ
ފެންނެތްބޮޑުކާށިބިނުން
މ )މުސްކުޅިބަހެއް( އެމީހަކަށް ނުވެވޭ ވަރުގެ ކަމެއް ކުރިކަމަށް ނުވަތަ ކުރާނެކަމަށް ވާހަކަދެއްކުން
ފެންނެގުން
މ (1) ފެނާއި އެހެން އެއްޗަކާއި އެކުވެފައިވަނިކޮށް އެއިން ފެންވަކިކުރުން (2) ފެންހުރިއެއްޗަކުން ނުވަތަ ތަނަކުން ފެންނެގުން (3) ވާރޭވެހޭ ވަގުތު ކަންވާރު ފަދަ އެއްޗިއްސަށް ފެންއެޅޭގޮތް ހެދުން
ފެންބޮވުން
މ (1) މީހަކު ނުވަތަ ދިރޭއެއްޗެއް ފެނަށް ބޭނުންވެފައިވުން މިސާލު: މިއީ ވަރަށް ފެންބޮވާ ދުވަހެކެވެ (2) އިޚްތިޔާރަކާނުލައި އެތެރެހައްޓަށް ފެން ވާޞިލުވުން (3) މަޖާޒު: އެދުންވެރިވުން
ފެންބޮޑުވުން
މ ވާރޭވެހިގެން ނުވަތަ އެނޫންވެސް ގޮތަކުން ތަނަކަށް ފެން ޖަމާވެ ގިނަވުން
ފެންކަރު
ނ ފެންވައިރު ކުރާއިރު ބޭނުންކުރާ ފަސޭހައިން ގޮތްގޮތަށް ލެނބޭ ހޮޅިއެއް. މިއެލްމެނިއަމުންވެސް ޕްލާސްޓިކުންވެސް ހަދައިފައި ހުރެއެވެ. މިބޭނުން ކުރަނީ ފެން ފޮނުވާދޭ ހޮޅިއާއި އަތް ދޮންނަ ތަށީގެ އިސްކުރާއި ނުވަތަ ފާޚާނާތަށީގެ ތާނގީއާއި ގުޅުމަށެވެ
ފެންކައްކާބޮލި
ނ (1) ބޮލީގެ އެންމެ ބޮޑެތި ވައްތަރު މިބޮއްޔަށް ފެންކައްކާ ބޮއްޔޭ ކިޔަނީ ކަރުވިހަ ފަދަ ވިހައަށް ބޭސްފެނެއް މިބޮއްޔަށް އަޅައިގެން ކައްކާތީއެވެ މިއީ ވިލުދޮޅީގައި ނުވަތަ ދޮންފަޅުގައި އުޅޭ ބޮއްޔެކެވެ މިބޮލީގެ ތުންފަތަށްވާ ހިސާބު )މަސްގަނޑު އަރާ ހިސާބު( ހުންނާނީ ރަތްކުލައެއްގައެވެ ބޭރުތޮށިގަނޑުގައި އުންތަކެއް ހުންނާނެއެވެ (2) މަޖާޒު: އެމީހެއްގެ ބޭނުމެއް ޖެހުނީމާ ކަމޭ ހިތައިގެން އުޅެފައި ބޭނުން ކެނޑުނީމާ އަޅާ ނުލައި ތިބޭ މީހުންނާމެދު ބުނެއުޅޭ ބަހެއް
ފެންކިރިލި
ނ ޅަކުދިންގެ އުނަގނޑުގައި ނުވަރޭ ފެނުތެރޭ އަޅާ ހިމައެއްނަރު ފައްޓަރެއް
ފެންކުލަ
ނ ފެން އަޅައިގެން ކުލަ ޖެއްސުމަށް ނުވަތަ ފާރުގައިލުމަށް ހަދައިފައި ހުންނަ ކުލަ
ފެންކޮށާވަޅި
ނ ވިހައިގެން ހަތްދުވަސްވެގެން ބޭރަށްލާއިރުގައްޔާއި ސާޅީހަށް ފެންއަޅާއިރު ފަންޑިތަ ހަދައިފައި އަންހެން މީހާގެ އަތަށް އެދުރުމީހާދޭ ކޮށާވަޅި ނުވަތަ ފިޔޮހި
ފެންއިސްކުރު
ނ ފެން އަންނަ ގޮތަށާއި ފެން ބަންދުވާގޮތަށް ފެން އަޅާ އެއްޗަކާ ނުވަތަ ހޮޅިޔަކާ ގުޅުމަށް ހަދައިފައި ހުންނަ އެއްޗެއް
ފެންއުޅާލި
ނ ފެންކޮށް ހަދާ އުޅާލި. )ހަނޑުލުފުށް ނުވަތަ ގޮދަން ފުށް މޮޑެފައި ހިމަކޮށް ފޯލިވާގޮތަށް ދަމައި އެކިގޮތްގޮތަށް އަޅައިފައި ތެލުލައިފައި ހުންނަ ހެދިކާ އެއްޗެއް
ފެންއެރުން
މ (1) ބިމުން ނުވަތަ އިސްކުރެއް ފަދަ އެއްޗަކުން މައްޗަށް ފެން އައުން. (2) ފޮޅު ބިހިފަދަ އެއްޗެހީގެ އެތެރޭގައި ފެން އުފެދުން. (3) އޮޑިދޯނިފަހަރުގެ މަތިކަން މަތިން އެތެރެއަށް ލޮނު އެޅުން. މިއީ ދިޔަބޮޑުވުމުގެ ސަބަބުން ނުވަތަ ދުއްވައިފައި ދާއިރު ކަނޑު ގަދަވުމުގެ ސަބަބުން ދިމާވާގޮތެކެވެ (4) )ޏ ސ ( ކުޑަކުދިންގެ ރޫފަޖެހުން
ފެންއެޅުން
މ (1) ކުދިން ޚިތާނުކޮށްގެން ފަސޭހަވީމާ ފެންވެރުވުން (2) އަންހެނުން ވިހައިގެން ސާޅީހަށް ފެންވެރުވުން (3) ތަނަކަށް ނުވަތަ އެއްޗަކަށް ފެން އޮއްސުން
ފެންއޮހުން
މ އެއްޗަކުން ނުވަތަ ތަނަކުން ގިނަ މިންވަރަށް ފެން ނުކުމެގެން ތިރިއަށް ފޭބުން
ފެންއޮއްސުން
މ (1) ފެން އަޅައިފައި ހުރި އެއްޗަކުން އަނެކައްޗަކަށް ނުވަތަ ތަނަކަށް އެފެން އެޅުން (2) ފެން އަޅައިގެން އުވަ ފުރޭނީމާ އޭގައި ހުންނަ އުވަތައް ނުފައިބާނޭހެން މަޑުމަޑުން ފެންހުސްކުރުން (3) ތެޔޮހާނަން ކިރު އެތި ކައްކައިފައި ބެހެއްޓީމާ ތެލާ ވަކިން އަޑީގައި ހުންނަ ފެން ހުސްކުރުން (4) މަޑުކުރާ ތަކެތީގައި ހުންނަ ފެން ބޭރަށް އަޅައިލުން (5) ހަނޑޫ ދޮވެފައި ހުންނަ ފެން ބޭރަށް އަޅައިލުން (6) ހިތި ފިލުވުމަށް ފެނަށް އަޅައިފައި ހުންނަ އެއްޗެހިން ފެން ހުސްކުރުން
ފެންފިޔަފާޅި
ނ ވިހޭގެތެރެއަށް ބޭނުންވާ ފެން ހޫނުކުރުމަށް ޖަހައިފައި ހުންނަ ފިޔަފާޅި ނުވަތަ އަރިހިޔާ
ފެންފުށްޓަށް މަހާނަގާ ވިއްކުން
މިސާލު: އެއްޗެއް އެންމެގިނައިން އުފައްދާ ނުވަތަ އުފެދޭ ތަނަކަށް އެބާވަތުގެ އެއްޗިހިތަކެއް ހިފައިގެން ވިއްކަން ދިޔައިމާ ބުނާގޮތެއް މިސާލު: ތިޔައުޅެނީ ފެންފުއްޓަށް މަހާނަގާ ވިއްކަންތާއެވެ
ފެންފެލުން
މ އެއްޗަކަށް ވަދެފައިވާފެން އަތުން ނުވަތަ އެހެން ވަސީލަތަކުން ނަމަވެސް ނެރެހުސްކޮށްލުން ނުވަތަ ނެރުން
ފެންފޭބުން
މ (1) އުސްތަނަކުން ފެންއޮހުން. މިސާލު: ފަރުބަދަމަތިން ފެން އޮހުން. (2) ފުރާޅު ފަދަތަނަކުން ނުވަތަ ފެންއަޅައިފައި ހުރި އެއްޗަކުން ތަނެއް ހަލާކުވެގެން ފެންއޮހުން (3) ވާރޭ ހުއްޓުމަށްފަހު ގަސްގަސް ހެލިލުމުން ފެން އޮހޮރުން (4) ހަށިގަނޑުގެ ތަނަކުން ފެންނުކުމެ އޮހޮރުން
ފެންފޮޅި
ނ ހަނޑޫފުށް ނުވަތަ ގޮދަން ފުށުގައި ތުނިކޮށް ފިހާ ފޮޅިއެއް