radheef.info
ރަދީފު


ހުނ
އ ނުރުހުމުގެ ގޮތުން ނުވަތަ ނުރުހިގެން އިއްވާލާ އަޑެއް. މިސާލު: ހުނ އެހެންތަހީކުރީ
ބޮކިއެނދުން
މ (1) އެލެކްޓްރިކް ބޮކީގައި ހުންނަ ނަރުކޮޅު އަނދައިގެން ނުދިއްލޭގޮތްވުން (2) މަޖާޒު: ލޯކަނުވުން
ބޮކިދަނޑި
ނ މަގުމައްޗަށް ނުވަތަ ހާމަތަންތަނަށް އަލިކުރަން ހޮޅިބުރި ނުވަތަ ބޮކި ހަރުކޮށްފައި ހުންނަ ދަނޑި
ބޮކިލުން
މ (1) އެއްޗެއް ރާމާވެގެން ނުވަތަ ކުނިވެގެން އޭގެ މައްޗަށް ބޮކިއެރުން (2) އެލެކްޓްރިކް ބޮކިޖެހުން ނުވަތަ ހަރުކުރުން (3) ބޮކިފަތިދެމުން
ބޮކުސާ
ނ (1) ބޮޚުސާ (2) ފޮތިގަނޑަކަށް ލައިފައި ހުންނަ ފޭރާން ބޮނޑި
ބޮކޮބޮކޮޖެހުން
މ (1) ގަޑަގަޑަލުން (2) ފެންކެކޭއިރު ފެނުގެތެރެއިން ބޮކިޖެހުން
ބޮއިބައްތި
ނ ބައްތި ހަރުކޮށްފައި ހުންނަބައި
ބޮއިފައް
ނ )ސ.( ޅަފިޔޮއް ދޫނި ފަދަ ތަކެތި ވިހައިގެން އުޅޭއިރު ހުންނަ ކެހެރި
ބޮއިފަތާނޑާ
ނ )ގ ( ކުނަލުގައި ޖަހައިފައި ހުންނަ ބޮއިފަތް
ބޮއިތިރި
ނ )ސ ( ގޮނޑުދޮށުގައި އުޅޭ ދޫންޏެއް މިއީ ބައިބައި ގަނޑަށްއުޅޭ ރިތި ކުޑަކުޑަ ދޫންޏެކެވެ ދޫނީގެ ކުލައަކީ އަޅިކުލައެވެ ދެފިޔަ ގަނޑުގެ ދަށްފަރާތާއި ބަނޑުދަށުގައި ހުންނަނީ ހުދުއަޅިކުލައެވެ
ބޮއިތޮށި
ނ )ސ ( ރުކުމަޑީގެ ސިަފއިގައި ކަޅުކަލައިގައި ހުންނަ މެއްސެއް
ބޮއިގަސް
ނ ގާތްގަނޑަކަށް 03 މީޓަރު އުސްމިނަށް ބޯކޮށް ފެތުރިހެދޭ ގަހެއް މިގަހުގެ ފަތްހުންނާނީ ހިތެއްގެ ސިފައިގައި ކުޑަތަންކޮޅެއް ފުލަށް ދިގު ކޮށެވެ ފަތުގެ ނާރުތައް ފާޅުކޮށް އެނގެން ހުންނާނެއެވެ މިގަހުގައި އަޅަނީ ދަނބުކުލައަކަށް ދާއޮށެކެވެ މިއޮށް ނުކުންނަނީ ފަތްވަޅުތަކުންނެވެ
ބޮއްކަނދި
ނ ކަނދީގެ ބާވަތެއް މިއަށް އަޅާން ހަދައިފައި ހުންނަ އުފުލި ހުންނާނީ ނަގޫ ނުވެއްޓޭ ބޮކެއްގެ ސިފައިގައެވެ
ބޮއްކަންވަޅި
ނ ކެޔޮލިޔާ ވަޅިއަށްވުރެ ކުޑަ އެފާޑުގެ ވަޅިއެއް މީގެ ތިލައިގެ ކޮޅު ހުންނާނީ ކަތިވަޅީގެ ތިލައިގެ ކޮޅު ހުންނަގޮތަށެވެ
ބޮއްކުރާ
ނ ދޯނިފަހަރު ބަންނަ ގޮތަށް ބަނދެފައި ހުންނަ ކުޑަ އުޅަނދެއް މިބަނދެފައި ހުންނަނީ ކޮލި ބޮޑުކޮންނެވެ. މިއީ ފަލިޖަހައިގެން ނުވަތަ ރިތުގެ ބޭނުންކޮށްގެން ދުއްވާ އެއްޗެކެވެ މި ކުރިން ޢާއްމުކޮށް ބޭނުންކޮށް އުޅެނީ ދަތުރުވެރިން އޮޑިފަހަރަށް އަރާ ފޭބުމަށެވެ މީގައި ކުނބެއް ހުންގާނެއް ނުހުންނާނެއެވެ
ބޮއްފަނި
ނ ފަނީގެ ބާވަތެއް މިއަށް އަޅާ އުފުލި ހަދައިފައި ހުންނަނީ ނަގޫ ނުވެއްޓޭ ބޮކެއްގެ ސިފައިގައެވެ މިއުފިލި ހަދަނީ ފުށުންނެވެ
ބޮއްފަތި
ނ (1) ވިހައިފައި ވަކިވަކި ނުވެ ހުންނަ ޅަބޮއްތައް (2) މަޖާޒު: ޅަކުދިންތަކެއް
ބޮވުން
މ (1) ބޯހިތްވުން (2) ބޯންބޭނުންވުން (3) ތިމާގެ އިޚުތިޔާރަކާ ނުލައި ދިޔާއެއްޗެއް އަރުތެރެޔަށް ދިއުން (4) ބޮއިނިމުން (5) )ޏ ސ( މަޅިމެހުން
ބޮލަށްކޮށްޕި
ނ (1) ބޮލުގައި އަޅާން ކައިރީގައި ރޫޖައްސައިފައި ގޮނިކޮށް ފޮތިން ފަހައިފައި ހުންނަ އެއްޗެއް. (2) މޫނު ފިޔަވައި ބޮލާއި ކަނދުރާޔާއި ކަރާއެކު ނިވާވާނޭހެން ބޮލަށް ފައްތާން ވިޔެފައި ހުންނަ އެއްޗެއް
ބޮލާކީން
ނ ތެތްފިނިކަމުން ސަލާމަތްކުރުމަށް ބަތާނެއްގެ ގޮތުގައި ލާން ގެންގުޅޭ ކަލުކުލައިގައި ހުންނަ ދަވާދުފާޑު ގެ ތަތް އެއްޗެއް
ބޮލާއެޅުން
މ (1) ގުޑިފަދަތަކެތި އަރުވައިފައި ހުއްޓާ ބޯކޮޅު ވަތަށް ތިރިޔަށް އައުން މަޖާޒު: (2) މީހެއްގެ ނަސީބު ދެރަވާން ފެށުން (3) ފަސޭހަނުވާނެޔޭ ހީވާވަރުގެ ބައްޔެއް ޖެހުން