radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
ކަތިވުން
މ (1) އަރިވުން (2) ގަތުލުވުން (3) މަޖާޒު: މާބޮޑަށް ތަނެއްކެނޑުން
ކަތިފަތޮޅު
ނ މަޑުލެއްގެ ދެކޮޅުގެ ތުން މަހުފުލަށް ކަނޑައި ޖައްސާ ހިންމި
ކަތިލުން
މ (1) ތޫނުއެއްޗަކުން ވައިނޮޅި ބުރިކޮށްލުން (2) މަޖާޒު: އެލަންގަލަން ކުޅޭ ކުދިންކުރެ އިލޮށި ހިފައިގެން ހުންނަ ކުއްޖާ އެހެން ކުއްޖެއްގެ ގައިގައި އިލޮށި ޖެއްސުން
ކަތީބު
ނ (1) މާލެފިޔަވައި ރާޖޭގެމީހުންއުޅޭ ރަށްރަށުގެ ވެރިކަމާ ހަވާލުކުރައްވައިފައި ހުންނަމީހާ. (2) އިހުގައި ހުކުރުނަމާދާއި އީދުނަމާދު އިމާމުވެކޮށް މަރުވާމީހުން ވަޅުލައިހެދުމަށް އިސްކޮށްފައިހުންނަ މީހާ
ކަތީބުކަން
ނ (1) މާލެފިޔަވައި ރާއްޖޭގެމީހުންއުޅޭ ރަށްރަށުގެ ވެރިކަމުގެ ވަޒީފާ. (2) އިހުގައި ހުކުރުނަމާދާއި ޢީދުނަމާދު އިމާމުވެކޮށް މަރުވާމީހުން ވަޅުލައިހެދުމަށް އިސްކޮށްފައިހުންނަ ވެރިޔާގެ މަޤާމު
ކަތުރުމަސް
ނ ކަނޑުގައިއުޅޭ ބިޔަމަހެއް މިމަހުގެ ތުންގަޑުދިގުވެފައި ފަތިވާނެއެވެ ތުންގަޑުވައްތަރުވާނީ ހިބަރުގެ ތުނބާއެވެ މިމަހުގެ ތުންގަޑުގައިޖެހުނު ކޮންމެއެއްޗެއް ބުރިކޮށްލާނެއެވެ
ކަތުރުފަނި
ނ (1) ތުންރަތްކޮށް ހުންނަ ހުދުކުލައިގެ ފަންޏެއް މިއީލަކުޑިއާއި ކަރުދާސް ފަދަތަކެތީގައި އަޅާފަންޏެކެވެ އަދި ފިޔަލައިގެން އުދުހޭ އެއްޗެކެވެ (2) މަޖާޒު: ދެމީހެއްގެ ދެމެދުގައި ފިތުނަ އުފައްދާ މީހާ
ކަލައިކުރުން
މ ދަގަނޑުން ހަދައިފައިހުންނަ އެއްޗެހީގައި ދަބަރުޖެހިޔަ ނުދިނުމަށް ތުތިޔާއަށް ލުން މިކަންކުރަނީ އެ އެއްޗެއް އަލިފާން އާވީގެ ތެރެއަށް ލައިގެން ސާފުކުރުމަށްފަހު މޫސަދަރު ހާކައި އެއަށްފަހު ކުޑަކޮށް ހޫނުކޮށްފައި ވިރުވައިފައިހުރި ތުތިޔާގެ ތެރެއަށް ލައިގެންނެވެ ތުތިޔައިން ނަގައި މޫސަދަރުކޮޅެއް އެއެއްޗެއްގެ މައްޗަށް އެޅުމުން ތުތިޔާ ހުންނާނީ އެއެއްޗެއްގައި ހަރުލައިފައެވެ
ކަލިމަތިމުގުރު
ނ )ހ ( ވަޑާންކަށީގައި ޖަހާން ގެންގުޅޭ ކުޑަ މުގުރު މިއީ ވަޑާންކުރާއިރު ގެންގުޅޭ އަތްމަތީ މުގުރެވެ
ކަލިޔާ
ނ (1) ގިތެޔޮ އަޅައިގެން ކައްކާބަތެއް މި ފޮނިކޮށް ވެސް ލޮނުކޮށް ވެސް ކައްކައެވެ ޢާންމުގޮތެއްގައި މިއީ ރަށްމާލޫދުގައި ހުންނަ އެއްޗެކެވެ (2) ބަށްޓާއި ކޭލުގައި އެއްގަމު ޖަނަވާރުގެ މޭބިސްކުރަނޑި އަޅައިގެން ކައްކާ ހިކިރިހައެއް
ކަލޭގެ
ނ (1) ނަމުން ނުބުނެ ފިރިހެނަކާ ދިމާއަށް ބުނާގޮތެއް މިގޮތަށް ކިޔައިއުޅެނީ އާދައިގެ ފިރިހެނުންނާ ދިމާއަށެވެ (2) އުޅަނދުމަތީގެ ދަރަޖައެއް ލިބިފައިވާ މީހާ
ކަލޭގެފާނު
ނ (1) އިހުގައި މަޖިލީހަށް އެރީމާ ލިބޭ ލަޤަބު ލިބިފައިވާ މީހާ. (2) މާތްކުރުމުގެ ގޮތުން ނަބިއްޔުންނަށާއި ވަލިއްޔުންނަށާއި ޢާލިމުންނަށާއި އެދުރުންނަށް ކިޔާގޮތް
ކަލޯ
ނ (1) ފިރިހެނެއްކަން ދަލީލުކުރާނަމެއް (2) ތިމާޔަށްވުރެ ހަގު ގާތްތިމާގެ ފިރިހެނުންނަށް ލޯބިން ކިޔާނަމެއް (3) ދެރަކޮށް ނިކަމަތިކޮށްލުމަށް ފިރިހެނުންނާ ދިމާއަށް ބުނާގޮތް (4) މުސްކުޅިބަހުގައި މާތް ފިރިހެނުންނަށް ކިޔާގޮތެއް (5) ބައެއް ކަހަލަ ޖަނަވާރާއި ދޫނިސޫފާސޫފީގެ ނަމުގެ ފަހަތަށް ގެންނަބަހެއް މިސާލު: )ހ( ބުޅާކަލޯ )ށ( މާކަނާކަލޯ
ކަސަބުމުންޑު
ނ އަތްދުތާ މުޅި މުންޑުގައި ކަސަބު ޖަހައިފައި ހުންނަ މުންޑެއް
ކަސިޔާރު
ނ (1) އެކަތި އަނެކެއްޗާ ދިމާވާންޖެހޭ ދޭއްޗެއް ދިމާނުވާ ދިމާނުވުން (2) ސީދާނުވާ ނުވުން
ކަސިޔާރުވުން
މ (1) އެކަތި އަނެކައްޗާ ދިމާވާންޖެހޭ ދޭއްޗެއް ދިމާނުވުން (2) ސީދާ ނުވުން
ކަސީދާ
ނ ކަސަބުން ކުރާ ޖަރީ
ކަސީދާކުރުން
މ ކަސަބުން ޖަރީކުރުން
ކަސްބީބަލި
ނ ކިހުނުބަލީގެ އެންމެ ނުރައްކާތެރި ދަރަޖަ
ކަސްއެޅުން
މ ކަހުގެ ބަލިޖެހުން