radheef.info
ރަދީފު


ދި
ނ އަންހެންދަރި
ކުރަފި
ނ ފައިދިގުކޮށް ފަތިކޮށް ހުންނަ ކަޅުރަތްކުލައިގެ އުދުހޭ ދިރޭ އެއްޗެއް. މީ ގޭތެރޭގައްޔާއި ގުދަންގުދަން ފަދަ ތަންތާނގައި އުޅޭ އެއްޗެކެވެ މީގެ ކިތަންމެ ބާވަތެއް ހުރެއެވެ
ކުރަގަނޑު
ނ ދިރޭ އެއްޗެހީގެ ހަމުގައި ބޯކޮށްލައިފައި ހުންނަ ކުރަ
ކުރާ
ނ (1) ބިންބިއާއި އުރައާއި ކުދިބަތްފަދަ ގަސްގަހާއި އަދި މިގޮތަށް ހެދޭ ބައެއް ވިނަގަސްގަހުގެ އޮށް ހުންނަ މާގަނޑު (2) މިސްކިތު ލާގެ ފަދަ ތަންތާނގައި ނަމޫނާ ކުރައެއްގެ ސިފައިގައި ވައްގަޑު ނެތި ލިޔެފައި ހުންނަ ކުޑަ ތަނބެއް (3) ވައްގަޑުން އެއްޗެހި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު މިސާލު: )ހ( ނަމޫނާކުރާ )ށ( ސައިކުރާ
ކުރި
ނ (1) ކޮޅަށްހުރި އެއްޗެއްގެ މަތީކޮޅު. (2) ގަސްގަހާއި އޮފީގެ މަތީކޮޅުގެ ޅަތަން. (3) ގަސްގަޑުން ފަޅާ ޅަނިރު. (4) މޫނުހުރި ދިމާ. (5) އަންނަން އޮތްތަން. (6) ވޭތުވެދިޔަތަން. )ނއ.( (7) ކަންތަކަށް މޮޅު. (8) ދަރަޖައިން މަތިވެރި. (9) ކުރުން މިބަހުގެ ނިމިނިމުނުކަން
ކުރިބައި
ނ )ޅ.( މަސްއައިނުގައި ކުދިމަސް ބާނަން ގެންގުޅޭ އެންމެ ހިމަ ކުދިދޮށި މަސްއައިނުގައި ދަހިކޮށް ކުދިމަސް ބާނައިއުޅެނީ ކުރިބައިންނެވެ
ކުރިބެއްދުން
މ ކުރިޔަށްދިޔަނުދޭން ކުރިމައްޗަށް އެރުން
ކުރިބެދުން
މ (1) ހެދިހެދިހުންނަ ގަސްގަހުގެ ކުރި ނުނިކުންނަ ގޮތް ވުން (2) ގަސްގަސް ގައިގޯޅިވެގެން ނުވަތަ މަތިބެދުމުގުގެ ސަބަބުން ރުއްގަސް ނުފޯދޭގޮތްވުން (3) ކުރިޔަށް ނުދެވޭގޮތްވުން
ކުރިބޯށި
ނ (1) ބައެއް ގޭގެގެ ފުރާޅުގައްޔާއި ދިދަދަނޑީގެކޮޅުގައި ހަރުކޮށްފައި ހުންނައެއްޗެއް މިހަދައިއުޅެނީ ކޭލުބޯއްޓާއި އެއް ސިފައަކަށެވެ (2) ކުރިބޯށިގޮތަށް ހަދައިފައި ނުވަތަ ކުރަހައިފައި ހުންނަ އެއްޗެހި
ކުރިކިހާއްފިލާ
ނ ވެލަށްހެދޭ ފަތްޕިލާވެލީގެ ބާވަތެއް މިއީ ކުރިގޮބޮޅީގެ ރަހަ ކަހަލަ ރަހައެއްލާ ފަތެކެވެ ފަތުގެ ކުލައަކީ މަޑުފެހިކުލައެވެ މި ފަތް ހުންނަނީ ކޮޅަށް ހިމަކޮށް މެދަށް ފުޅާކޮށެވެ މިއީ ވަރަށް ތުނި ފަތެކެވެ މިވެލުގައި ވައިލެޓު ކުލައިގެ ކުދިކުދި މާތަކެއް އަޅައެވެ
ކުރިކުރުން
މ (1) ދިވެހި ރުކުގެ ކުރިގަނޑު ކަނޑާލައިގެން ކެވޭނެގޮތަށް ސާފުކުރުން (2) ހެދިހެދި ހުރި ރުކެއްގެ ފަންތަކާއި އިހާތައް ކޮށައިލުން (3) މީހެއްގެ ދަރަޖަ މަތިކުރުން
ކުރިކެނޑުން
މ ކުރިމަތިން ހުރަސްކޮށް ދިއުން
ކުރިއެރުން
މ (1) ކަމެއްގައި އަނެކަކަށްވުރެ ނުވަތަ އަނެކައްޗަކަށްވުރެ ކުރިޔަށް ދެވުން (2) މޮޅުވުން (3) މައްޗަށް ދިޔުން (4) ތަރައްޤީވުން
ކުރިމަތި
ނ (1) މޫނާދިމާ (2) މޫނުހުރިފަރާތް (3) މޫނުމައްޗަށް ވީ ފަރާތް
ކުރިމަތިވުން
މ (1) ކުރިމައްޗަށް އައުން (2) އައިސް ދިމާވުން
ކުރިމަތިފަރާތް
ނއ (1) މޫނާދިމާ (2) ކުޑަކަމުދާ ދޮރާ ބެހޭ ހިސާބު (3) ފިރިހެނުންގެ ޒަކަރު (4) އަންހެނުންގެ އިސްމަތި
ކުރިމަތިލުން
މ (1) މޫނާ މޫނު ސީދާކުރުން (2) އެއްޗަކާ ނުވަތަ މީހަކާ ދިމާއަށް ސީދާ ބެލުން (3) އެއްޗެއް ހޯދުމަށް ނުވަތަ ކަމެއްކުރުމަށް ނުވަތަ ކަމެއް ކާމިޔާބުކުރުމަށް ތައްޔާރުވެ މަސައްކަތް ފަށައިގަތުން (4) ދިމާކުރުން (5) ކަމެއް އުފުލައިގަތުމަށް ޢަޒުމު ކަނޑައެޅުން
ކުރިމެރުން
މ (1) މީހަކު ކިޔަމުންދާ ވާހަކައެއްގެ އަންނާން އޮތްތަނުން ތަންތަންކޮޅު އެހެން މީހަކު ކިޔައިދިނުން (2) މީހަކު ނުވަތަ ބަޔަކު ކުރާން އުޅޭ ކަމެއް ވިޔަނުދިނުން
ކުރިގަނޑު
ނ (1) ރުއްރުކުގެ ފަން ހުންނަ ހިސާބު (2) ދިވެހިރުކުގެ ކުރީގެ ކާން ކަމުދާ ޅަތަން (3) ޕޫލްކޮޕީގަހުގެ ފަތްބޮނޑި (4) އިންދަން ގެންދާ ކައްޓަލަކުރީގެ ބޮނޑިވަރު
ކުރިޖެހިބަތް
ނ ޅަކޮށް ކައްކައިގެން ކެޔޮފަތު ހޮޅިޔަށް އަޅައިފައި ހުންނަ ބޮނޑިބަތް. މިހޮޅީގެ ދެކޮޅު ފަތްގަނޑު ހުންނާނީ ބޮނޑިބަތް ރޯލުގެ ކޮޅަށް ވައްދާ ލައިފައެވެ. މީގައި ހުންނާނީ އަށެއް ނުވައެއް އިންޗީގެ ދިގުމިނެވެ. ފަލަ މިނަކީ މެދުމިނު މީހެއްގެ އަތުކުރީގެ ފަލަމިނެވެ. މިއީ އޮލީފަދަ ރަސްމީ ކަންތަކުގައްޔާއި ރަށްރަށުގެ މައުލޫދުގައި ޅެންކިޔާ މީހުންނަށް ހުންނަ ބަތެކެވެ
ކުރީކޮޅު
ނ (1) ފެށޭކޮޅު (2) ފަހަތުކޮޅުގެ އިދިކޮޅު (3) ހިނގަމުންދާ ކަމެއްގެ ފެށުނު ހިސާބު (4) ކޮޅަށް ޖަހައިފައި ހުންނަ އެއްޗެއްގެ މަތީކޮޅު (5) ދުއްވާ މީހާ ދުއްވަން އިންނައިރު ކުރިމަތިލައިގެން އިންނަ ދިމާއިން އެ އެއްޗެއްގެ ކުރި