radheef.info
ރަދީފު


ޔާ
އ ނަމަވުމުގެ އަކުރު މިސާލު: )ހ( ދިނިއްޔާ )ށ( އައިއްޔާ
ފަސްފުޅިދުމާދިއުން
މ އިހުގައި ގަނޑުވަރު ތެރޭގައި ހުންނަ ދަމުއަށީގެ ލޯގަނޑުން ފަސް ފުޅިޔަށް ޖެހީމާ )ރޭގަނޑު އެގާރަޖެހީމާ( އަލިފާން އަޅައިފައި ހުންނަ މުޖުމަރާއަކަށް ދުން އަޅައިގެން ކުދިބޭކަލަކު އެހިފައިގެން ހިއްތަން ދޮރާށިން ނުކުމުގެން މެދުޒިޔާރަތް ދޮށަށްގޮސް އެތާނގައި ދުޢާވެރިކަން ކިޔަވަން ތިބޭ މީހުންގެ ގާތުގައި ބެހެއްޓުން
ފަސްގަނޑު
ނ (1) ބިންގަނޑު (2) އުސްކޮށް ހުންނަ ވެލިގަނޑު (3) ކުޅި ޖެހުމަށާއި ހިފައި އޮޅުލުމަށް ތައްޔާރު ކޮށްފައި އޮންނަތަން (4) ގުޅަ ކުލޭ ފަސްގަނޑު
ފަސްގަނޑުހެދުން
މ (1) މަހާނަމަތީ ވެލިގަނޑު ވަކިގޮތަކަށް ހެދުން (2) ގަސް އިނދާ ތަން ތައްޔާރު ކުރުން
ފަސްގަނޑުޖެހުން
މ އުދަލިން ތަޅައިގެން ބިންގަނޑު މަޑުކޮށް ފަސްގަނޑު ތައްޔާރުކުރުން
)މިސާލުބަހެއް( މީހާކޮންމެ ތަނެއްގައި ހުއްޓަސް އެމީހާ މަރުވާން އިރާދަ ކުރައްވާ ތަނަކަށް ގެންދަވާނެކަން ބަޔާން ކުރުމަށް ބުނެއުޅޭ ބަހެއް ފަސްގަނޑެއް ނުދާނެއެވެ ދާނީ މީހާއެވެ
ފަޑި
ނ (1) އެނދާއި އުނދޯލި ފަދަ ތަކެތީގެ ދެކޮޅާއި ބިތްދޮށުގައި ހުރަސް ތޭރިމައްޗަށް ފަތިހަރުކޮށް ހަދައިފައިވާ ބައި (2) ފުރާދުއްވާ އުޅަނދު ފަހަރުގެ ދެއަރިމަތީގައްޔާއި އަރާފައިބަން ހަދާފައިވާ ސިޑި ފަދަތަންތާނގެ އަރިމަތީގައި ހިފޭ ގޮތަށް ހަދައިފައިވާ ބައި
ފަޑިޔޭކާލަ
ނ )ގ ( އޮޑިދޯނި ފަހަރުގެ މަތިކަން މަތީގައި ވަކި ހިސާބެއްގައި އަޅާ ފަޑިއެއް ހަރުކުރުމަށް މަތިކަނާ ފަޑިޔާ ދޭތެރެއަށް ލައްވައިފައި ހުންނަ ތޭރި
ފަޓުލޫނު
ނ ދެފަޔަށް ވަކިން މެހިފައިއުނަގަނޑަށް ހިފެހެއްޓިފައި ހުންނަ ގޮތަށް ފަހައިފައި ހުންނަ ފޭރާމެއް މީގެ ދެފަރާތު ގައްޔާއި ފުރަގަހުގައި ތަފާތު ގޮތްގޮތަށް ޖީބުލައިފައި ހުރެއެވެ ގޮށްފޮތި ހުންނާނީ ކުރިމަތީގައެވެ
ފަޓުލޫނުފޮތި
ނ ފަޓުލޫނު ކަނޑަން ތައްޔާރުކޮށްފައި ހުންނަ ފޮތި
ފަޗިސް
ނ ގޮޓިކިޔާ ކުޅިތަކަކާއި އެތެރެއަށް ތިމަރަ އަޅައިފައި ހުންނަ ރިހާކުރު ބޮލީގެ ހަ ބޮލިން ވަކިގޮތަކަށް ހަދައިފައި އޮންނަ ފޮތި ގަނޑެއްގެ މަތީގައި ކުޅޭ ކުޅިވަރެއް. މިއީ ހަތަރު މީހުން ބައިވެރިވެގެން ކުލޭ ކުޅިވަރެކެވެ
ފަޗިސްކުޅިބައި
ނ ރާޒުވާ ފަދައިން ލިޔެލާ ޖަހައިފައި ހުންނަ ގޮޓިއޭ ކިޔާ ކުޅިތަކެއް މި ހުންނާނީ ހަތަރު ކުލައިގައެވެ ދެން އޮންނާނީ އެތެރެއަށް ތިމަރަ އަޅައިފައި އޮންނަ ރިހާކުރުބޮލީގެ ކުދިވަރުގެ ހަ ބޮއްޔެވެ
ފަޗިސްކުޅުން
މ (1) ފަޗިސް ކިޔާ ކުޅިވަރު ކުޅުން (2) ގޮޓި ކުޅުން
ފާނދޫސޮރު
ނ )ދ ( ކަނޑުގައި އުޅޭ ކަމަށް ބުނާ ޚިޔާލީ ފުރޭތައެއް
ފާނަމުޑުގައު
ނ )އ ( ތޮށިމަތީގައި ހުންނަ ވަކިފާޑެއްގެ ކުދި ސައިޒެއްގެ ގަލަކަށް ކިޔާނަމެއް
ފާރުދޮށުކޭން
ނ އިހުގައި ބޮޑުފާރުދޮށް ނޮޅާމީހުނަށް ގެންދާ ކޭން. މިކޭމުގައި ހުންނާނީ ބަތާއި ހަނާކުރިމަހާއި ލޮނުލުނބޮޔާއި އުއްސަކުރެވެ
ފާޅަ
ނ ފެންފޯޢްރުކުގެ ފަނުގެ ތިރީބައި މިބައިހުންނާނީ ރުކުގައި ހިފާފައެވެ ފަން ދޮންވެގެން ވެއްޓޭއިރު ވެއްޓޭނީ މިބަޔާއެކުގައެވެ
ފާއްދައިލުން
މ (1) އަލިކަމެއް ފާޅުވުން (2) ނިވަލެއްގެ ތެރެއިން ހާމަވުން (3) ދިޔާ އެއްޗެއްގެ ތެރޭގައި ހުންނަ އޮލަ ހިމުން ބައި އަޑިއަށް ފޮނުވައިލުން (4) )ހ ( އެއްޗެއްގެ ތެރޭގައި ހުންނަ ރަނގަޅު ނުވަތަ ކުދި ބޮޑު ވަކި ކޮށްލުން (5) ނީރާލުން
ފާދަލުން
މ (1) އުފުލިލުން (2) )ސ ( ފާދަ ތައްޔާރުކުރުން (3) ކަނދި ނުވަތަ ފަނިފަދަ ތަކެއްޗަށް ފާދައެޅުން
ފާތިހާރުއް
ނ (1) އިހު ޒަމާނުގައި މީހުން މަރުވީމާ އެމީހުންގެ ޢާއިލާގެ ފަރާތުން އެމީހާ ވަޅުލި މިސްކިތުގެ ނަމަށް ނިސްބަތްކޮށް އެމިސްކިތަށް ހަދިޔާ ކުރާ ރުއް (2) ކަށަވަތުރުއް
ފާތިޙާމަލާފަތް
ނ (1) މެދުމަލާފަތް (2) ފަތިޙާއަށް ތައްޔާރު ކުރާ ތަކެތި ލާ މަލާފަތް