radheef.info
ރަދީފު


ޓ
ނ ތާނައިގެ ވިހިވަނަ އަކުރު
ދެންނެވުން
މ (1) އެންމެމާތްކޮށް މުޚާޠަބުކޮށް ވާހަކަ ދައްކަންޖެހޭ ފަރާތެއްގައި އެއްޗެއް ބުނުން )ނ ( (2) ގިނަފަރާތްތަކަކަށް ކަމެއް އެންގުމުގެ ގޮތުން ފޮނުވާ ނުވަތަ ބަހައްޓާލިޔުމަކަށް ކިޔާނަމެއް (3) ސަރުކާރުގެ އޮފީސްތަކުން ޗާޕުކުރައްވައިފައި ނެރުއްވާ އެންގުމެއް
ދެރަކުރުން
މ (1) ނިކަމެތި ހާލުގައި ޖެއްސުން (2) ފެންވަރު ދަށަށް ޖެއްސުން (3) އާރާއި ބާރު ނައްތައިލުން (4) ދަށުދަރަޖައަކަށް ވައްޓައިލުން (5) ވާދަޔަށް ކުރާކަމަކުން ދަށް ކުރުން ނުވަތަ ބަލިކުރުން
ދޮޅިދާންގެ
ނ ހިތިވިލޭރެއާއި ޢީދުދުވަހު ރަދުންގެ ދޮޅިދާންކޮޅު ބަހައްޓަން ހަދައިފައި ހުންނަގެ
ދޮޅިޖެހުން
މ ހަމައެކަނި މޫނު ފެންނަގޮތަށް ނަމާދުފޮށާ ބޮލުގައި އެޅޭނެގޮތް ހެދުމަށްޓަކައި ދަތްދޮޅިއާ ހަމައިން ތިރިއަށް ތަންކޮޅެއް ފަހައިލުން ނުވަތަ ދަތްދޮޅިން ފެށިގެން ތިރިއަށް ފަހައިލުން
ދޮލަނގުހެދުން
މ މަޖާޒު: ނަހަމަގޮތުގައި ޖިންސީގުޅުން ބަހައްޓާމީހުންނަށް ކާއެއްޗެހި ތައްޔާރުކޮށްފައި ބެހެއްޓުން
ތޭއްޓަރު
ނ )ބދ ( ފުއްޓަރު
ތޮށަލި
ނ (1) ރުކުގެފަން މެދުން ފަޅައިލައިފައި ފަންވަތްތައް އެއްވަތުމަތިން އަނެއްވަތު ދަށުން ނަގައި ވިޔެފައި ހުންނަ އެއްޗެއް މިއީ ގޭގޭގެ ބިތުގައި ޖެހުމަށާއި ފުރާޅުގައި ލުމަށް ބޭނުންކުރާ އެއްޗެކެވެ (2) ރުކުގެ ފަން މެދުން ފަޅައިލައިފައި ދެފަޅީގެ އޮށިގަނޑު ދެފަރާތަށް ހުންނަގޮތަށް ދެފަޅިއެއްކޮށް ވިޔެފައި ހުންނަ އެއްޗެއް މިއީ މަސް ބެހެއްޓުމަށް ވިޔެފައި ހުންނަ އެއްޗެކެވެ
ތޮށަލިދުޅަ
ނ ތޮށައްޔާއި ސާންޗާއި ސަޓާފަދަ ތަކެތި ވިޔާއިރު އެއްވަތުމަތީން އަނެއްވަތު ދަށުން ވިޔެފައި ހުންނައިރު ހުންނަގޮތް
ތޮށިބޭލުން
މ )ހ ( ގަހެއްމަރައިލުމަށްޓަކައި އެގަހުގެ ވަކިހިސާބަކުން ތޮށިނެއްޓުން
ތޮށިފަރާތް
ނ )ލ ( ފުއްޓަރު ފަރާތް
ތޮށިފިލުވުން
މ (1) ގޮވާމާއި ބަދަންފަދަ ތަކެތީގައި ހުންނަތޮށި އެތަކެއްޗާވަކިކުރުން ނުވަތަ ތޮށި ނެއްޓުން (2) ލޮނުމެދާއި ފިޔާފަދަ ތަކެތީގެ ބޭރުގައި ހުންނަ ހިކިތޮށި ނެއްޓުން
ތޮށިފޮޅުން
މ (1) ގައިގެހަން ތޮށިތަކެއްހެން ނެއްޓުން (2) ގަސްގަހުގެ ތޮށި ހިކިގެން އަމިއްލައަށް ނެއްޓުން
ތޮށިތެޅުން
މ (1) ދިޔަވަރު ހިކިފައި އޮންނައިރު ފަރުމަތިން މަސްހިފުން (2) މުރަނަތޮށި ހުންނަ ދަނޑިފަދަ ތަކެތީގެ ތޮށި އެއްޗަކުން ތަޅައިގެން ނެއްޓުން
ތޮށިގަނޑު
ނ (1) ރަށެއްގެ ވަށައިގެން ނުވަތަ ރަށެއްގެ އެއްފަރާތެއްގެ މޫދުތެރޭގައި ގަލުން ލެވިފައިވާ ފާރުގަނޑު (2) ބިހުގެ ބޭރުގައި އޮންނަ ހަރުބައި (3) ގަސްގަހާއި މޭވާގެ ބޭރުގައި ހަރުކޮށް އޮންނަބައި (4) ވެލަޔާއި އިއްސާއި ކަކުނިފަދަ ދިރޭތަކެތީގެ ހަށިގަނޑުގެ ބޭރުގައި ހަރުކޮށް އޮންނަބައި މަޖާޒު: (5) ޙަޤީޤަތް ފޮރުވުމަށްޓަކައި ބޭރުން ދައްކައިގެންއުޅޭގޮތް (6) މީހެއްގެ ވިސްނުމާއި ޚިޔާލު ގެންގުޅޭ ހަނިދާއިރާ
ތޮށީކޮލި
ނ ތޮށިލާންވީމާ އެކަން ޢާންމުންނަށް އެންގުމަށްޓަކައި ލާ ކޮލި
ތޮނގި
ނ ފުޅަފުގައި ފުޅަލި ހަރުކުރަން ހުންނަދަނޑި މިދަނޑިހުންނާނީ ފުޅަލީގެ އެހެން ދަނޑިތަކަށްވުރެ ތަންކޮޅެއް ދިގުކޮންނެވެ މިދަނޑީގެ ތިރީކޮޅު ހުންނަނީ ފުޅިއެއްގެފޫ ނުވަތަ ނާއްޓެއް ފަދަ އެއްޗެއްގައި ޖައްސައިފައެވެ މަތީ ކޮޅުގައި ފުޅަފުގެ މުޑިޔާއެއްކޮށް ކުސަގަނޑެއ ފުރައިފައެވެ
ގޮޓި
ނ (1) ގޮޓިބައި (2) ޕަޗިސް
ގޮޓިފޮތިގަނޑު
ނ (1) ގޮޓިކުޅެން ހަތަރެސްކަނަށް ގޮޅިޖަހައިފައި އޮންނަ ފޮތިގަނޑު (2) ފަޗިސްފޮތިގަނޑު
ގޮޓެ
ނ )ގ ( (1) ގޮށް (2) ލައްޓި (3) ގެއަށް
ގޯޅި
ނ (1) ބޮޑެތި މަގުތައް ހުރަސްކޮށް ތަންކޮޅެއް ހަނިކޮށް ކުރުކޮށް ހުންނަމަގު (2) ދަގަނޑު އެއްޗެހި ތޮރުފަން ހަދައިފައި ހުންނަ ކައްޓެއް މިކަށިން ތޮރުފަނީ ތޮރުފަން ބޭނުންވާ އެއްޗެއްގައި ތުނޑު ޖައްސައިފައި އަނެއް ކޮޅުގައި އެއްޗަކުން ތަޅައިގެންނެވެ (3) އިމާރާތެއްގެ ތެރޭގައި ނުވަތަ ގޯއްޗެއްގެ ތެރޭގައި ހަނިދިގުކޮށް އޮންނަ ތަން