radheef.info
ރަދީފު


ގައި
އ ހާލު ނުވަތަ ތަން ނުވަތަ ވަގުތު ބަޔާންކުރުމަށް ބޭނުން ކުރާ އަކުރެއް މިސާލު: )ހ( ހަތްގަޑި ފަނަރައިގައި )ށ( މޭޒުދޮށުގައި )ނ( ބޭރަށް ހިންގުމުގައި
ބުޅާކުޅުވުން
މ (1) ފިހިކޮޅެއްފަދަ އެއްޗެއްގައި ރޮއްޖެއްބައްދައިގެން ޅަބުޅަލުގެ ކުރިމަތިން ބިންމަތީގައި ދެކޮޅަށް ކާއްތައިގެން އެޔާ ކުޅޭން ފަރިތަކުރުވުން (2) މަޖާޒު: ނުވިސްނޭވަރުގެ ކުޑަކުދީން ޝަހުވާނީ އެދުމަށް ހޭނުވުން
ބުޅާކޯޅުން
މ (1) ދެބުޅާރުޅިއައިސްގެން އަރައިރުންވުން (2) ދެބުޅާ ޖޯޑުވުމުގައި ހޭރިގަނެ ވަކި އަޅައިގަތުން
ބުޅި
ނ ކޮޅު ގުދުކޮށް އޮންނަ އޭގައި އެއްޗިހި އަޅުވަން ބޭނުންކުރާ އެއްޗެއް މިސާލު: މަސްބާނާބުޅި ފުރާޅުގެޓިނު ހިފަހައްޓާން އަޅުވާބުޅި
ބުޅިފޮށި
ނ މަސްބާނާ ބުޅިއާއި މިޔަވާއްޔާއި ކިރިލި ފަދަތަކެތި އަޅަން މަސްފިލާގަނޑުގައި ކަނޑައި ފައްތައިފައި ހުންނަ ފޮށި
ބުޅިތުނބި
ނ ގޮނޑުދޮށު ދޫނީގެ ބާވަތެއް މިއީ އޮޅުކޮށްގެން ގޯތިތެރޭގައި ގެންގުޅޭ އުމުރު ދިގު ދޫންޏެކެވެ މީގެ ދެތިން ވައްތަރެއް އުޅެއެވެ މިދޫނީގެ ތުން ހުންނަނީ ދިގުކޮށް ގުދުކޮށްނެވެ ފައިދިގުވާނެއެވެ ފަތްތަކުގައި ދޮން ކުލައަކާއި ގަދަ މުށިކުލައަކުން ދެފަތް ކިރުޅިވެފައި ހުރެއެވެ ބަނޑުދަށް ފަރާތް ހުންނަނީ ހުދުކުލައެއްގައެވެ މިއީ ބައެއް ދުވަސްވަރަށް ގިނަގިނައިން ގޮވާލަގޮވާލާ އިންނަ ދޫންޏެކެވެ އެގޮތަށް ގޮވަން ފެށީމާ ވިއްސާރަ މޫސުން ކައިރިވަނީކަމަށް ލަފާކޮށް "ފެނަށްގޮވަނީއޭ" ދިވެހިން ކިޔައިއުޅެއެވެ
ބުޅިގޮށް
ނ އެއްފަޅި އަނެއްފަޅީގައި އެޅުވޭގޮތަށް ދެފަޅިން ހަދައިފައި ހުންނަ ގޮށް
ބުޅިގޮޅަޔާ
ނ )ގ ( ބުޅިއުނބު )މިހުންނަނީ މަސްދޯނީގައި ބުޅިއަޅާށެވެ
ބުޅިޖެހުން
މ (1) މަސްބާނާ ބުޅިހެދުން (2) ދޮށީގެ މިޔަވާލީގައި ލައިފައި އޮންނަބުޅި މަސްބޭނުމަށްޓަކައި ހޫރައިފައި ކަނޑަށްޖެހުން
ބުއިން
މ (1) ބޯންގެންގުޅޭ ދިޔާ އެއްޗިހި. (2) ދިޔާތަކެތި ދިރުވުން. (3) ލޮވުން. (4) ފަންޏާއި މާބުރުފަދަ ތަކެތި ލަކުޑިއާއި ހިކިތަކެތި އެތެރޭގައި ހޮއިހެދޭ ގޮތަށް ކެއުން. (5) އޮށްވަޅު ކުޅުމުގައި ހިނދޭވަޅާ ދިމާވާގޮތަށް އަނެއްފަރާތު ވަޅުގައި ހުންނަ ފުއްތައް ނެގުން. (6) ދިޔާ އެއްޗެއް ހިކި އެއްޗެއްގެ ތެރެއަށް ދެމުން. (7) ބިޑި ސުއްޓާ ސިގިރެޓް ގުޑުގުޑާ ފަދަ ތަކެތިން ދުން އަނގަޔަށް ދެމުން (8) އެއްޗެއްގައި ނުވަތަ ތަނެއްގައި އަނގަ ޖަހައިގެން އެތެރެއަށް ދެމުން (9) އެއްޗެއްގާ ހުރި ހިމަލޯވަޅަކުން އޭގެ ތެރެއަށް ފެންވަނުން )01( ލަކުޑިގަނޑެއް ހުޅުރޯނުވެ ވަކިގޮތަކަށް އަނދަމުން ދިއުން
ބުއް
ނ (1) އަންހެނުންގެ އުރަމަތި (2) ކުޑަކުދިންގެ ބަހުރުވައިގައި ކިރު
ބުއްލަބުޑި
ނ އޮޑިފަހަރުގެ މަތީ ރިޔަލުގެ ބުންފަރުމާނުގެ ކޮޅުގައިޖަހައިފައި ހުންނަވާ އައްސައިފައި ހުންނައެތި މިއީ ހުންގާނުގޭ ގެދެފަރާތުގައި މައްޗަށް އުފުލިފައި ހުންނަގޮތަށް ހަރުކޮށްފައި ހުންނަ ދެގަނޑު ވަކަރެކެވެ
ބުއްޑާ
ނ ހުތުރުބަހުގައި މުސްކުޅި ފިރިހެނާ މިބަސް ނަންއިތުރަކަށްވެސް ހިމެނެއެވެ
ބުމަ
ނ ލޮލާ ދިމާ މަތީގައި ފަޅައިފައި ހުންނަ އިސްތަށިފަށް
ބުމަރު
ބިންމަތީގައި އަނބުރާން ގެންގުޅޭ އެއްޗެއް. މީގެ ކިތަންމެ ބާވަތެއް ހުރެއެވެ. މިސާލު: ތަޅާބުމަރު ކަށިބުމަރު ފިހިގަނޑުބުމަރު
ބުމަރު ޖަހައިގެންއިނުން
)މިސާލުބަހެއް( އެއްދިމާއެއް ބަލަހައްޓައިގެން އަނގައިން ނުބުނެ ހައިރާންވެފައި އިންނަ އިނުމަށް ބުނާބަހެއް
ބުދައަނބުރައިލުން
މ (1) ބުދަދުވަހުގެ ކުރަން ހަމަޖައްސައިފައި ވާކަމެއް ދިމާވިގޮތަކުން އެހެން ދުވަހެއްގައި ކުރުން. (2) ވަކިދުވަހެއްގައި ކޮށްއުޅޭކަމެއް ނުވަތަ ކުރަން ހަމަޖެހިފައިވާ ކަމެއް އެހެން ދުވަހެއްގައި ކުރުން
ބުދި
ނ (1) ބޮލީގެ ބާވަތެއް (2) ބައެއް ރުއްގަހުގައި ގަންނަ ތަކެތީގެ ތެރޭން ހުލިވެ ކަމުނުދާގޮތް ވެފައި ހުންނަ ތަކެތި
ބުދު
ނ ދިރޭ އެއްޗެއްގެ ސިފައިގައި ހަދައިފައި ހުންނަ ސޫރަ
ބުލޫކިޔާ
ނ ފަތް ހިމަދިގު ކޮށް ކައިރީގައި ތުނޑު ތުނޑު ލައިފައި ހުންނަ ވައިފިލާޒާތުގެ ތޮޅިއެއް މިއީ ވާކޮށްހެދޭ ކުޑަގަހެކެވެ
ބުލެކުބޯޑު
ނ (1) މަދަރުސާފަދަ ކިޔަވައިދޭ ތަންތާނގައި ދަރިވަރުންނަށް މަށިފޯލިން އެއްޗެތި ލިޔެދޭން ހުންނަ ކަޅުފިލާގަނޑު (2) ވަގުތީގޮތުން އެކިއެކި ތަކެތިލިޔެ އިޢުލާނު ކޮށްހެދެމަށް މަށިފޯލިން ލިޔާން ބަހައްޓައިފައި ހުންނަ ކަޅުފިލާގަނޑެއް