radheef.info
ރަދީފު


ތަންފުކެއް
ނ (1) ކުޑަކުޑަތަންކޮޅެއް (2) އތ ކަމެއްނުވަތަ އެއްޗެއްގެ މިންވަރު ދެއްކުމަށް ބުނެއުޅޭ ބަހެއް މިސާލު: ތިޔަވަރު ތަންފުކެއްބޮޑެވެ
ތަންގަނޑުމީހުން
ނ (1) އަވަށްޓެރިން (2) އެމީހަކު ދިރިއުޅޭހިސާބު ގަނޑުގައި އުޅޭމީހުން
ތަރަތަރަ
ނއ (1) ކެކިއެރުން މިސާލު: )ހ( ތެޔޮތާހަށް ފެންޖެހީމާ ދިޔައީ ތަރަތަރަ ޖަހައިގެންނެވެ )ށ( އެއްވެފައިވާ މީހުންތައް ރުޅިއައިސްގެން ތަރަތަރަ ލަނީއެވެ (2) އެއްޗެއްގައި ހުންނަ ދަޅައިގެ ސަބަބުން ނުވަތަ ގަދަ އައްޔެއްގެ ސަބަބުން ބަލަން ނުކެރޭ ނުކެރުން (3) ރުޅިއައިސްގެން ލާ ހަޅޭއް
ތަރަތަރަލުން
މ (1) ކެކިއެރުން (2) އަލީގެސަބަބުން ނުވަތަ ދަޅައެޅިފައި ހުރުމުގެ ސަބަބުން ލޮލަށް އުނދަގޫވުން (3) ރުޅިއައިސްގެން ހަޅޭއްފަޅޭއްލުން
ތަރަތަރަޖެއްސުން
މ ރުޅިއައިސްގެން ހަޅޭއްފަޅޭއްލުން
ތަރާފަތް
ނ ތާހެއްހެން މެދަށްއަޑިކޮށް ލޮއިން ހަދައި ދެއުޅައްލައިފައިހުންނަ އެއްޗެއް. މިއީރާކެއްކުމާއި މެޓާހިލުންފަދަ ކަންކަމަށް ގެންގުޅޭ އެއްޗެކެވެ
ތަރާދު
ނ (1) ރަންރިހިފަދަ އަގުހުރި އެއްޗެއްސާއި ބޭސްފަދަ ތަކެތީގެ މަދުމިންވަރެއް ކިރަންގެންގުޅޭ ވަރަށް ކުޑަ ތިލަފަތެއް (2) އަންހެނުންގެ ލިބާސް ކަނޑާފޮތި ވިޔުމުގައި ކުލަ ބަދަލުވެލައިފައި ހުންނަތަން
ތަރި
ނ (1) ޖައްވުގައިވާ އެތިކޮޅުތައް އެއްވެގެން އުފެދިފައިވާ ބޮޑުއެއްޗެއް މީގައި އަމިއްލަޔަށް ދިއްލޭފަދަ ގޭސްތަކެއް އެކުލެވިފައިވެއެވެ މީގެބައެއް އެއްޗެހި ދުނިޔެއަށްވުރެ ބޮޑެއްޗެވެ އަނެއްބައި އެއްޗެހި ދުނިޔެ ދަތުރުކުރާ ބުރަށްވުރެވެސް ބޮޑެއްޗެވެ މީގެސިފައަކީ ޢާއްމުކޮށް ވަށް ބޯޅައެއްގެ ސިފައެވެ މިއީ ރޭގަނޑު އުޑުން ފިޔަޖަހައި އަލިކަން ފޯރުވާ އެއްޗެކެވެ (2) ފަސްފިޔަ ނުވަތަ ހަފިޔަހުންނަގޮތަށް ހަދައިފައިވާ ނުވަތަ ކުރަހައިފައި ހުންނަ އެއްޗެއް (3) އިއްޒަތުގެ ނިޝާނެއްގެ ގޮތުން ކޮނޑަށް ނުވަތަ މޭ މައްޗަށް އަރާ ނިޝާނެއް މަޖާޒު: (4) ކަމަކުން މަޝްހޫރުވެފައިވާ މީހާ (5) ތަމްސީލުގައި ނުވަތަ ފިލްމުގައި މައިގަނޑު ބައިތައް ކުޅޭމީހުން
ތަރިބޭލުން
މ މަޖާޒު: ހިތާވެގެން އުޅޭ މީހެއްގެ ގާތުގައި ފިރިހެނަކު ދައްކާ ފޮނި ވާހަކަތައް ދެއްކުން
ތަރުވާޒު
ނ ބުނަން ބޭނުންވާ ވާހަކައެއް ބުނުމުގެ ކުރިން އެކަމާގުޅޭގޮތުން ދައްކާ އިތުރުވާހަކަ
ތަބުލާ
ނ މިޔުޒިކުކުޅޭއިރު ބެރުޖަހާގޮތަށް ޖަހަން ގެންގުޅޭ އެއްޗެއް މިޖަހާއިރު ގެންގުޅެނީ މީގެދޭއްޗެވެ މިހުންނަނީ ބޮޑު އުނބެއްގެ ސިފައިގައެވެ މަތީގައި ހަންއަޅައިފައެވެ ތަބުލާޖޯޑުގެ ދޭތީގެ ސިފަ ތަފާތެވެ
ތަޅަންމަތި
ނ ގޭގެ އަންހެނުންއުޅޭ ފަރާތުގެ ފެންޑާ
ތަޅާއަޅައިފައިދިއުން
މ މަޖާޒު: މާބާރަށް ދާދިއުމަށް ބުނެއުޅޭ ގޮތެއް
)ރަންގަހުރަންގަނޭހޭ( ތަޅޭ
އ ސުވާލުކުރުމުގެ ގޮތުން ބުނާބުނުމެއް މިސާލު: ރަންގަހު ރަންގަނޭތަޅޭ
ތަކަ
ނ ދާބަންނަ ރޮދި އަނބުރަން ގެންގުޅޭ އެތި
ތަކަފިލޯށި
ނ ބޮޑުބަޑީގެ ނިވާލިގަނޑު ނެރެންގެންގުޅޭ އެއްޗެއް މިހުންނާނީ ބަޑީގެ ތެރެއަށް ވައްދައި އެނބުރޭވަރުގެ ދޫކޮށް އޮންނަ ދަނޑިއެއްގެ ކޮޅުގައި އެނބުރިފައި އޮންނަ ނަރުގަނޑެއްލައިފައެވެ
ތަކުރުފާނު
ނ (1) ފިރިހެނުންނަށް ކިޔައިއުޅޭ ނަމެއް (2) ތަކުރު މިބަހުގެ މާތްގޮތް (3) މަނިކު ކިޔާމީހަކަށް ކޮއްޔެއްލުމުން ނުވަތަ މަޖިލީހަށް އެރުވުމުން ނުވަތަ ޒިކުރަށް އެރުވުމުން ކިޔާގޮތް
ތައުބާގެދޮރުޖެއްސެވުން
މ (1) އަސްތަޣުފާރުކޮށް ތައުބާވުމުގެ ވަގުތު ދިއުން )މުސްލިމުން ޤަބޫލުކުރާގޮތުގައި ޤިޔާމަތަށް ފެށުމުން ތައުބާގެ ދޮރު ބަންދުކުރައްވާނެއެވެ ( (2) މަރަށް ޙާޟިރުވެ ނޭވާހޮޅިޔަށްއެޅޭ ހިސާބަށްދިއުން
ތައުޙީދު
ނ (1) ﷲ އެއްކައުވަންތަކަން އަންގައިދޭ ޢިލްމު (2) އިހުގައި ދީނުގެ ވާހަކަ ލިޔެގެން ގެންގުޅޭ ރައިވަރުފޮތް
ތައްކަށި
ނ ތައްޖަހަން ގެންގުޅޭ އެއްޗެއް މިއީ މުށްގަނޑެއްލައި ފިލިއަޅައިފައި އޮންނަ ދަގަނޑު ހޮޅިބުރިއެކެވެ