radheef.info
ރަދީފު


ދ
ނ (1) ތާނައިގެ ބާރަވަނަ އަކުރު (2) ދިވެހި ވިޔައަކުރުގެ ތިނެއް
ޒިކުރުކޭން
ނ ޒިކުރަށް އެރީމާ އާދައެއްގެ ގޮތުންދޭކެއުމެއް
ޒިކުރުވެރިން
ނ (1) އިމާމަކަށް ވެގެން މާލޫދާއި ޒިކުރުލަވަ ފަށައި ހުއްޓުމުގެ ހުއްދަ ސަރުކާރުން ދެއްވައިފައި ތިބޭމީހުން (2) ސަމާތާރަ ޖެހުމާއި އެކަމުގެ ލަވަކިޔާ މީހުންނަށް ކިޔާނަން
ޒިކުރުލަވަ
ނ ޒިކުރު ކުރުމުގައި ކިޔަން ހަދައިފައި ހުންނަލަވަ
ޒިއްމާދާރު
ނ ޒިންމާދާރު
ޒިލޭބި
ނ ގޮދަންފުށް ގިރައި ފުށްގަނޑު ރާމާކޮށްގެން ހަދާފޮނިކާއެއްޗެއް މިހުންނާނީ އުޅާލި ހުންނަގޮތަށް ވަށްކޮށް ހަދައި ތެއްލައި ހަކުރު ފަންޏަށް ލައިފައެވެ
ޒިޔާރަތް
ނ (1) ނަބީ ރަސޫލު ބޭކަލުންނާއި ވަލީވެރިންނާއި ރަސްރަސް ކަލުންގެ ބިސްތާނު (2) މީހަކާ ބައްދަލުކުރާ ބައްދަލު ކުރުން (3) ތަނަކަށްދާ ދިއުން
ޒިޔާރަތްކުރުން
މ (1) ބައްދަލުކުރުން. (2) ތަނަކަށް ނުވަތަ ރަށަކަށް ނުވަތަ ގެއަކަށް ދިއުން
ޒިޔާރަތްއެރުވުން
މ ޒިޔާރަތް ހެދުން
ޒިޔާރަތްފުޅު
ނ ކީރިތި ރަސޫލާގެ ފަސްދާނު ވަޑުވައިފައި ވާތަނުގައި ކޮށްފައިވާ ޢިމާރާތް
ޒިޔާރަތްފުޅުލާރި
ނ (1) އިހުގައި ނަދުރު ބުނެގެން ޒިޔާރަތްފުޅަށް ހަދިޔާ ކުރާ ލާރި މިކަން ކުރާ ގޮތަކީ ރަބީޢުލް އައްވަލް މަހުގެ 21 ވަނަދުވަހު ގޭގޭގައި ޞަލަވާތް ކިޔަވާއިރު އެކި ޢަދަދަށް ބޮޑުލާރި ވަކިވަކިން ހުދުފޮތި ކޮޅަކަށްލައި އެލާރި ނުވެއްޓޭގޮތަށް ފޮތިކޮޅުގައި ގޮށެއް ޖަހައި އެލާރިތައް ޞަލަވާތް ކިޔަވާއިރު ބަހައްޓައިފައި ހުންނަ ފެންތައްޓަށް އަޅައި ސަލަވާތްކިޔަވާ ނިމުމުން އެތަށިން އެލާރިތައް ނަގައި ގޭގެ ކުދިންގެ އަތުގެ މުލައްދަނޑީގައި ބަންނަނީއެވެ. މިލާރި 3 ދުވަސް ފަހުން ކުދީންގެ އަތުން ނަގައި ގޭގެ ހުރަސް ނުވަތަ ތާވަކަރުގައި ބަނދެފައި ބެހެއްޓުމަށްފަހު ސަރުކާރު މެދުވެރިކޮށް ޒިޔާރާތްފުޅަށް ފޮނުވަނީއެވެ (2) ރަސްރަސްކަލުންނާއި އެފަދަ ބޭފުޅުން ނަދުރު ވިދާޅުވެގެން ޒިޔާރަތްފުޅަށް ފޮނުއްވަން ބަހައްޓަވާލާރި
ޒީނަތްތެރިކުރުން
މ ތަނެއް ނުވަތަ އެއްޗެއް ނުވަތަ މީހަކު ނަލަހައްދައި ރީތި ކޮށް ފުރިހަމަކުރުން
ޒީނާރު
ނ ހެދިކާއެއް. މިއީ ހިމުންކޮށް ހަނޑޫފުނޑައި ކާށިކިރުގައި ލޮނުލައިގެން ފުށްގަނޑުގިރައި ބޭނުންބޮޑުމިނަކަށް ހުންނަވަރަށް ތާހަށް އަޅައި މަތިޖަހައިގެން ފިހާއެއްޗެއް
ޒީރު
ނ (1) އިހުޒަމާނުގައި މަތިން ދަތުރުކުރި އުޅަނދެއްކަމަށް ފުލޯކު ވާހަކައިގައި ކިޔާއެއްޗެއް (2) މަކަރު (3) ހިންތާ (4) ހަދާ ހިކުމަތް
ޒީރުހެދުން
މ (1) މަކަރުހެދުން (2) ފަންޑިތަހެދުން (3) ޞިހުރުހެދުން (4) ހިންތާހެދުން
ޒީލަ
ނ (1) ތޫލިކޮށް ގަދައަށް އިވޭއަޑެއް ސިފަކުރަން ބޭނުންކުރާ ބަހެއް މިސާލު: ޒީލައަޑު (2) މަޖާޒު: ރުޅި މިސާލު: އެއީ ވަރަށް ޒީލަގަދަ މީހެކެވެ
ޒީލަކުރުން
މ އަޑުގަދަކޮށް ތޫލިކަން ގަދަކުރުން
ޒީލައަޑު
ނ ތޫލިގަދައަޑު
ޒީލައެރުން
މ މަޖާޒު: ކުއްލިގަދަ ރުޅިގަނޑެއް އައިސްގެން އުޅުން މިބަސް ގިނައިން ބޭނުންކުރަނީ ކުޑަކުދިންނާއި އަންހެނުނަށް ނިސްބަތްކޮށެވެ
ޒީލަގަދަކަން
ނއނ ކުއްލިގަދަރުޅި އަންނަގޮތް ބޮޑުކަން
ޒީލަގަދަވުން
މ ކުއްލިގަދަރުޅި އަންނަގޮތް ބޮޑުވުން