radheef.info
ރަދީފު


ވ
ތާނައިގެ ނުވަވަނަ އަކުރު
ހޭރޭމިޔަރު
ނ ބާވަތެއްގެ މިޔަރެއް މީގެ ބުރިކަށިމަތީގައި އެހެންމިޔަރަށްވުރެ އެއްއުރަހަ ގިނަވާނެއެވެ މި މިޔަރު ބޭނުމަށްފަހު ހޭރޭނެއެވެ
ހޭބަލިވުން
މ (1) ނިދުމަކާ ނުލައި ހުރިހައި ޙިއްސުތައް ބަންދުވުން (2) ވާނުވާނޭނގުން
ހޭބުއްދި
ނ (1) ވިސްނުން (2) ބުއްދި
ހޭބެލުން
މ (1) ކަނޑު ދަތުރުކުރުމުގައި ފަރަކާ ކައިރިވެގެން އަންނައިރު ވަތްހޭލާތޯ ބެލުން (2) މަޖާޒު: ނުރައްކައުތެރިކަމެއް ލިބިދާނޭ ފަރާތް ފަރާތަށް ވިސްނުން
"ހޭބޯއެރުން" ބަލާ! ހޭބޯ
ނ (1) ވިސްނާވިސްނުން (2) ޚިޔާލު މިބަސްބޭނުން ކުރަނީ ވަކިވަކި ޚާއްޞަ މަޤާމުގައެވެ
ހޭބޯނާރައިއުޅުން
ކއ އެހެން އެއްވެސް ކަމަކާ ފިކުރު ނުކުރެވޭވަރަށް ކަމެއްގައި އަވަދިނެތި އުޅުން
ހޭބޯނޭރުން
މ (1) ކަމެއްގެ ފޯރީގައި އެހެން ކަންތައްތައް ހަނދާން ނެތުން (2) އަވަދިނެތުން
ހޭބޯއެރުން
މ ވިސްނުން ބެހެއްޓުން މިބަސް ބުނެއުޅެނީ ކަންތައްގަނޑެއްގެ ތެރޭގައި ނުވިސްނައި އަވަސް އަރައިގެން އުޅޭއިރުގައެވެ މިސާލު: ނިކަން " ހޭބޯއަރައިގެން އުޅޭށޭ" ބުނެފިނަމަ އެބުނަނީ އެކުރާ ކަންތައް ގަނޮޑެއްގެ ތެރޭގައި ވިސްނުން ބަހައްޓައިގެން ކަންތައް ކުރާށެވެ
ހޭޅި
ނ (1) ރަށްރަށުގެ ދެވެލި ބިންފަށުގައި ހެދިފައިވާ ގަސްތައް (2) ހޭރި
ހޭޅިފަށް
ނ ރަށްރަށުގެ ގޮނޑުދޮށުން ހޭޅިޔަށް ވީ ހިސާބު
ހޭކުން
މ (1) އެކަތި އަނެކަތީގައި ކޭއްތުން. (2) ދިޔާއެއްޗެއް ހިކިއެއްޗެއްގައި ނުވަތަ ތަނެއްގައި އުނގުޅުން (3) )ހ ( އެއްޗެއްގެ ތެރެއަށް އަނެކައްޗެއް ބާނައިގެން ހެލުވުން (4) މަޖާޒު: ނުނިމޭ ގޮތަށް މަސައްކަތުގައި އުޅުން
ހޭކުޑައިވުން
މ (1) ތަންދޮރުކުޑަވުން (2) ކަމަކާމެދު ހިތްއަވަސްވެގަނެގެން ގޯސްހެދޭ ހިސާބަށް ތެޅިފޮޅި ގަތުން
ހޭއަރުވައިލުން
މ (1) އިޝާރާތުން ވިސްނާލަދިނުން (2) ކުޑަގޮތަކަށް ހޭއެރުވުން (3) މަޖާޒު: މީހަކަށް ހަނދާން ހުންނަވަރުގެ ބޮނޑިއެއް ދިނުން
ހޭއެރުން
މ (1) ވާނުވާ ނޭނގުމަށްފަހު ވާނުވާ އެނގުން (2) ތަންދޮރު އެނގުން (3) ނިދީން ހޭލެވުން (4) ހަމަބުއްދި ލިބުން (5) ވަތް ހޭލާން ފެށުން (6) ކަމެއްގެ މައްޗަށް ވިސްނުންތެރިވުން މިސާލު: އޭނާއަކީ ވިޔަފާރިއަށް ހޭއަރާ މީހެކެވެ
ހޭއެރުވުން
މ (1) ނިދާފައިވާ މިހާ ހޭލެއްވުން (2) ހޭނެތިފައިވާ މީހާ ހޭޖެއްސުން (3) ނަސޭހަތަކުން ނުވަތަ އަދަބަކުން ކަމެއްވިސްނައިދިނުން (4) ވާންއުޅޭ ގެއްލުމެއް ނުވަތަ އަންނާން އުޅޭ ނުރައްކަލެއް ކޮންމެވެސް ގޮތަކުން އަންގައިދިނުން (5) ވަތް ހޭލާ ހިސާބަށް ގެންދިއުން
ހޭއް
)ލ ( އަންހެނަކުނަމަ އޭއްޔޭ ގޮވާލާގޮތް
ހޭވަރި
ނ (1) ހަމަބުއްދި (2) ތަންދޮރު ވަކިވުމުގެ ބާރު
ހޭވަރިވުން
މ (1) ހަމަބުއްދިވުން (2) ތަންދޮރު ވަކިވުމުގެ ބާރު ލިބުން
ހޭވައްލާ
އ ކަމަކަށް ތައްޔާރުވެހުރިކަން އެންގުމަށްބުނާ ހިތްވަރުގެބަހެއް
ހޭވައްލާތައްޔާރު
އ އަމުރަކަށް އިޖާބަ ދިނުމުގެ ގޮތުން ފޯރިއާއެކު އެކަމަކަށް ތައްޔާރުގައި ވާކަން ދޭހަކޮށްދިނުމުގެ ގޮތުން ބުނާބަހެއް