radheef.info
ރަދީފު


ވުން
މ (1) ހުރުން (2) އުފެދުން (3) ފަހިވުން (4) ނިމުން
ފަޖުރުލުން
މ (1) ފަޖުރު ތަރިއެރުން (2) ފަތިހުގެ އަލިކަން ފާޅުވުން (3) ފަތިހަށް ދޮންވުން
ފަޗަސްވުން
މ ފަތާވުން
ފަޚުރުވެރިވުން
މ (1) މާތްވުން (2) މަތިވެރިވުން (3) ނަފްސުގެ ޤަދަރާމެދު ހިތްހަމަޖެހުމުގެ އިޙްސާސްވުން (4) ރަނގަޅު ކަންތައް ކުރެވިގެން ހިތްހަމަޖެހުމާއި އުފާ ލިބުން (5) ޤަދަރުވެރިވުން
ފަޤީރުވުން
މ (1) އަތްމަތި ދަތިވުން (2) ފޯރުންތެރިކަން ނެތުން
ފަޟީޙަތްވުން
މ (1) ބޭޒާރުވުން (2) ބަދުނާމުވުން
ފާހަގަކުރުން
މ (1) ވަކިތަނެއް ވަކިކޮށް ދެނެގަތުމަށްޓަކައި ނިޝާނެއް ޖެހުން (2) ތަންތާނގެ އިން ވަކިކުރުމަށް އެއްޗެހި ޖެހުން (3) ވަކިތަނެއް ދެނެގަތުމަށްޓަކައި ފޮތެއް ފަދަ އެއްޗަކަށް އެތިކޮޅެއްލުން (4) ވަކި ބޭނުމަކަށްޓަކައި ވަކިކަމަކަށް ނުވަތަ އެއްޗަކަށް ނުވަތަ މީހަކަށް ސަމާލުކަންދީ ހިތުގައި ބޭއްވުން (5) ވަކި ކަމެއްގެ ނުވަތަ ވަކި ދުވަހެއްގެ ހަނދާން ދިރުވުން
ފާހަގައެޅުން
މ (1) ފާހަގަޖެހުން (2) އަންހެނުން ވިހަން ކައިރިވުމުގެ ޢަލާމާތެއްގެ ގޮތުން ފެން ނުވަތަ ލޭފާޅުވުން
ފާހަގަވުން
މ ވަކިކުރަން އެނގޭގޮތްވުން
ފާހިލުން
މ (1) އެއްނަރު ފައްޓަރު ފަދަ ތަކެތީގައި ފާހި ހަރުކުރުން (2) ވަކިގޮތަކަށް ހަދައިފައި ހުންނަ މަޅިއެއްގެ ޒަރީޢާއިން އެއްނަނު އަނެއް ނަނާ ގުޅުވުން (3) ފާހިހެދުން
ފާނިވުން
މ )ޏ ( ފަނިވުން
ފާންވުން
މ (1) އަލިވުން (2) ވައިހިނދި ދަހަނގުވެފައި އޮތުމުގެ ސަބަބުން ކަނޑުގެ ބައެއް ތަންތަން އޮމާންވުން (3) އަޑި އެނގޭގޮތް ހެދުމަށް ކަނޑަށް ތެޔޮ އެޅުމުން އެހިސާބުގަނޑު އޮމާންވެ އަޑިއެނގުން
)މަތީގައި ހޭކުން( ފާރުވުން
މ (1) ގައިގެ ތަނެއް ހަލާކުވުމުގެ ސަބަބުން އެތާގެ ހަންގަނޑު ނެތިގޮސް ނުބައިވުން (2) ޒަޚަމްވުން (3) މަޖާޒު: ހިތި އަސަރު ކުރުން މިސާލު: ހިތް ފާރުވުން (4) )ބދ ( މަތީންމެކުން
ފާބަޑަވުން
މ )ސ ( ކޮރުވުން
ފާޅު
ނ (1) ސިއްރުގެ އިދިކޮޅު (2) އެނގިގެންވާ (3) މަޝްހޫރު (4) ހާމަ (5) އުފަން މިސާލު: ދުނިޔެއަށް ފާޅުކުރެއްވުން އޭނާ އެހެރީ ހަމަ ފާޅުކުރެއްވި ގޮތަށެވެ
ފާޅުކުރެއްވުން
މ (1) ދުނިޔެއަށް އައުން (2) "ފާޅުކުރުން" މިބަސް މާތްކޮށް ބުނާގޮތް (3) ހާމަކުރެއްވުން
ފާޅުވުން
މ (1) ސިއްރުވެފައިވާ ކަމެއް އެނގުން (2) ނިވައިވެފައިވާ އެއްޗެއްގެ ނިވާކަން ކެނޑުން (3) ހާމަވުން
ފާޅުވެއެނގުން
މ ވަންހަނާއެއް ނެތި ކަމެއް ސާފުވުން
ފާކުރުން
މ (1) ވަކިވަރަކަށް ދޮންވެފައި ހުންނަމޭވާ ފައްކާވެގެން މަޑުވާނެ ގޮތް ހެދުން (2) ބަނބުކެޔޮ ވަޅުލައިގެން މަޑުވާގޮތް ހެދުން (3) ކެކުރި ފިތައިގެން މަޑުވާގޮތް ހެދުން (4) ދަނޑި ފަދަ އެއްޗެހި މޫދު އަޅައިގެން ތޮށި މަޑުކުރުން (5) އޮޅުގައި ނުވަތަ މޫދުގައި އަޅައިގެން ބޮނބި މަޑުކުރުން (6) މަޖާޒު: ތިމާކުރަންޖެހޭ ކަމެއް ބޮލުން ނައްޓައިލައިގެން އަނެކެއްގެ ބޮލުގައި އެޅުވުން (7) އުނދަގުލެއް ޖެއްސުން
ފާއިތުވުން
މ (1) ވޭތުވުން (2) ވަގުތު ދިއުން
ފާއްދައިލުން
މ (1) އަލިކަމެއް ފާޅުވުން (2) ނިވަލެއްގެ ތެރެއިން ހާމަވުން (3) ދިޔާ އެއްޗެއްގެ ތެރޭގައި ހުންނަ އޮލަ ހިމުން ބައި އަޑިއަށް ފޮނުވައިލުން (4) )ހ ( އެއްޗެއްގެ ތެރޭގައި ހުންނަ ރަނގަޅު ނުވަތަ ކުދި ބޮޑު ވަކި ކޮށްލުން (5) ނީރާލުން