radheef.info
ރަދީފު


ނުވަތަ
އ (1) ނޫންނަމަ (2) އެހެންނާ (3) އެހެންޏާ
ފެންޖެހުން
މ (1) ފެންޖެހުމަށް ތައްޔާރުކޮށްފައި ހުންނަ ހޮޅިފަދަ އެއްޗަކުން ވިނަ ހައްދައިފައިވާ ތަންތަނަށާއި ގަސްގަހާގެއްސަށް ފެންދިނުން (2) މަގުމަގާއި އެކިއެކި ތަންތަނުގެ ހިރަފުސް ބޯވުމުން ފެންޖަހާ ހޮޅިން ނުވަތަ ފެންދޭ އެތިގަނޑުން ބިންގަނޑުތެންމުން (3) ފެންއުކުން (4) ކާށީގެ ދިޔަޖެހުން
ފެޅުން
މ (1) އެއްޗަކުން ޖެހިގެން ބޯ ފަދަ ތަނެއް ހަލާކުވުން (2) ފުނާއަޅާއިރު އިސްތަށިގަނޑު ބައިކުރުން (3) މުޅޮއެއް ފަދަ އެއްޗަކުން ލަކުޑި ކުދިކުރުން (4) އޮށުން ނުވަތަ މުލުން ގަސްނުކުތުން (5) ކެފުން މިސާލު: ބޯކިބާކެފުން )ފެޅުން( (6) ބައެއްކަހަލަ މޭވާ ދޮންވެ ފައްކާ ވެގެން ގޮސް ތޮށިގަނޑު ކެނޑުން (7) ދަތް ނުވަތަ އިސްތަށި ފަދަ ތަކެތި ނުކުތުން (8) ކަންވާރު ފަދަ ތަކެތީގައި ރެނދުއެޅުން (9) އިރުން )01( އޮޕަރޭޝަން ކުރުން (11) މަޖާޒު: ތަސައްރަފު ނުފުދޭ ކުޑަ އަންހެން ކުއްޖެއްގެ ޢިއްފަތްތެރިކަން ނަގައިލުން
ފެކުސް
ނ (1) ފެކްސް މެޝިން. (2) ފެކްސް މެޝިނުން ލިބޭ ލިއުން ނުވަތަ ފޮޓޯ ނުވަތަ ކުރެހުން
ފެކުސްމެޝިން
ނ (1) ލިޔުމެއް ކުރެހުމެއް ނުވަތަ ފޮޓޯއެއް ފަދަ އެއްޗެއް ނަރެއްގެ ޒަރީޢާއިން ނުވަތަ ރޭޑިޔޯ ސިގްނަލްގެ ގޮތުގައި ފޮނުވާލުމުން އަޞްލާއެއްގޮތަށް އަނެއްކޮޅަށް ކޮޕީކޮށްދޭ މެޝިން (2) މިގޮތަށް ތަކެތި ފޮނުވައި ދޭ މެޝިން
ފެކުޓަރީ
ނ (1) ވަކި ބާވަތެއްގެ އެއްޗެއް ނުވަތަ ވަކި ބާވަތެއްގެ އެއްޗެހިތަކެއް އެތަނަކުން އުފައްދާ ޢިމާރާތެއް ނުވަތަ ޢިމާރާތްތަކެއް (2) ކާރުޚާނާ
ފެއްތުން
މ (1) ފެންގަނޑެއްގެ ނުވަތަ ކަނޑުގެ އަޑިޔަށް ގެންބުން (2) ބާރުކޮށް ހުންނަ ގޮތަށް އެއްޗެއްގެ ތެރެއަށް އަނެއްކައްޗެއް ލުން (3) މަޖާޒު: މީހަކު ކުށެއްގައި ބެއްދުން (4) ފެތުން މިބަސް އަނެކަކު ލައްވައި ކުރުވުމުގެ މާނައިގައި ބޭނުންކުރާގޮތް
ފެވުން
މ (1) ކުދިކޮށް ލިޔެފައި ހުންނަ އަކުރު ފަލަކުރުން (2) ހިމަކޮށް ދަމައިފައި ހުންނަ ރޮނގު ފަލަކުރުން (3) އެއްތަނެއްގައި އެކި ކުލަކުލަގޮތް ގޮތަށްލުން (4) ފޭލީގެ ކަޅުކޮށް ހުންނަ ބައިގައި އުޅުނބު ދިޔަހާކައިގެން ކުލަ ގަދަކޮށް ރީތި ކުރުން (5) ރޮނގު ނުވަތަ އަކުރު ފަދަ ތަކެތީގެ ކުލަ ގަދަ ކުރުން (6) މަޖާޒު: މީހެއްގެ ނަން ޚާއްޞަގޮތެއްގައި ފާހަގަކޮށް ލިއުން
ފެތުން
މ (1) ފެންމަތީގައި އޮވެގެން ދެއަތުން ފަލިޖަހައިފައި ކުރިޔަށް ދިޔުން. ނުވަތަ ފަހަތަށް ދިޔުން. (2) ފުރާ ދުއްވާ އެއްޗެހި ފެން އަރައި އަޑިއަށް ދިއުން (3) ގެނބުން (4) އެއްޗެއްގެ ތެރެއަށް އެއްޗެއް ވަނުން މިސާލު: މިއުޅެނީ ގަމީސް ނުފެތިގެންނެވެ މިލަކުޑިގަނޑުގެ ދޫ ކޮރުވަޅު ތެރެއަށް ނުފެތެއެވެ (5) ހަމަޖެހުން މިސާލު: ރާގަށް ފެތުން ވަޒަނަށް ފެތުން (6) މަޖާޒު: ނުބައި ކަމެއްގައި ބެދުން
ފެތުރުން
މ (1) ހާމަކުރުން. (2) މަޢުލޫމާތު ޢާއްމުކުރުން. (3) ތަރަފާލު ކުނާ ސާންތިފަދަ އެއްޗެއް އެޅުން. (4) ފޮތިފަދަ އެއްޗެއް ތަނެއްގައި ނިއުޅައިފައި ބެހެއްޓުން. ނުވަތަ ތަނެއްގައި ބާއްވައި ނިއުޅުން. (5) ރޭޑިޔޯގެ ޒަރީޢާއިން ދުރަށް އަޑުފޮނުވުން. (6) ފުންޏަކަށް ހުންނަ އެއްޗެއް ދުރަށް ބެހިގެން ދިއުން. (7) ބައެއް ކަހަލަ ކަންކަމާއި ތަކެތި ގިނަވަމުން ދިއުން. މިސާލު: ރޯގާފެތުރުން ޚަބަރު ފެތުރުން ފެތުރިއާއި ދަދު ފަދަ ތަކެތި ހެދެމުން ބޮޑުވަމުން ދިއުން (8) ފަތުގައި ނުވަތަ ކަފަފަދަ އެއްޗެއްގައި ވަކިގޮތަކަށް ބޭސް ހޭކުން (9) ތުންތުން މަތިން ވާހަކަ ނަގުލު ކުރުން
ފެލައިލުން
މ (1) އަނބުރައިގެން ނުވަތަ ފިތައި ބާރުކޮށްގެން ފެން ނުވަތަ ދިޔަ ނެރެލުން (2) މަޖާޒު: މީހަކު ހައްލައިލައިގެން އެމީހެއްގެ އަތުން އެއްޗެހި ތަކެއް އަތުލައިގަތުން
ފެލޯޝިޕް
ނ ޔުނިވަރުސިޓީގައި ނުވަތަ ކޮލެޖުގައި އެއްފެންވަރެއްގެ ތަޢުލީމީ މީހުންނާއެކު މަސައްކަތް ކުރުމަށް މާލީ އެހީއާއެކު ލިބޭ ނުވަތަ ދެވޭ ފުރުޞަތު
ފެޔަށްޖެހުން
މ (1) ދުރަށް ޖެހުން (2) އޮޑިދޯނިފަހަރު އެއްޗަކާ ނުވަތަ ތަނަކާ ދުރަށް ގެންދިއުން
ފެޝަން
ނ (1) އެއިރަކު މީހުން ހެދުން އަޅައި އުޅޭގޮތް ނުވަތަ ބޯކޮށައި އުޅޭ ވައްތަރު (2) އެއިރަކު މީހުން އެންމެ ރުހޭ ވައްތަރުތައް
ފޭރާންހެޔޮވުން
މ (1) ވިޔާ އުޅޭ ތަކެތީގެ ވިޔުން ބަދަހިވުން (2) މަޖާޒު: ކުރާ ކަންތައްތަކުގެ ނުވަތަ ހަދާ އެއްޗެހީގެ ފެންވަރު ރަނގަޅުވުން
ފޭރިކެއުން
މ މީހެއްގެ ނުވަތަ ބައެއްގެ މުދާތަކެއް ގަދަކަމުން އަތުލައި ގަނެގެން ބޭނުން ކުރުން
ފޭރޭމީހާ
ނ ހަމައެއް އިންސާފެއް ނުވަތަ ޙައްޤެއްނެތި އަނެކެއްގެ މުދަލެއް ނުވަތަ އެއްޗެއް އަތުލައި ގަންނަ މީހާ
ފޭބުން
މ (1) ތިރިއަށް އައުން (2) އޮހުން (3) ރަށެއް ފަދަތަނަކަށް އެރުން ނުވަތަ އެފަދަތަނެއް ދޫކޮށްލައިފައި ދިއުން (4) މިސްކިތް ފަދަ ތަނަކުން ނުކުތުން (5) ނަމާދުކޮށް އަވަދިވުން (6) ހިކިފަސްތާކު ހުރެފައި ފެންގަނޑަކަށް ނުވަތަ މޫދަށް އެރުން (7) އުޅަނދެއްގެ ފަޅުވެރިންގެތެރެއިން މީހަކު އަމިއްލަޔަށް ވަކިވުން (8) ފަތް ނުވަތަ އިސްތަށި ވެރުން (9) ދުވަސްކޮޅަކަށް ރަށެއްގައި ހުރެލުން
ފޭއްދުން
މ (1) އެއްޗެއްގެ ތެރެއިން އަނެކެއްޗެއް ފާޅުވުން މިސާލު: ވިލާތަކުގެ ތެރެއިން ހަނދު ފޭއްދުން (2) ދިޔާ އެއްޗެއްގެ ތެރޭގައި ހުންނަ އޮލަ ހިމުން ބައި އަޑިޔަށް ފޮނުވަން ބެހެއްޓުން (3) )ހ ( އެއްޗެއްގެ ތެރޭގައި ހުންނަ ރަނގަޅު ނުބައި ނުވަތަ ކުދި ބޮޑު ވަކިކޮށްލުން މިސާލު: ކާށިތަކުގެ ތެރޭގައި ހުންނަ ބޮޑެތި ކާށި ފޭއްދުން (4) ނީރުން
ފޭދުން
މ (1) ތެތްކަން ދުރަށް ފެތުރިގެން ދިއުން (2) ނީރާލުން (3) މީހުންގަނޑުގެތެރެއިން ފުރޭނެމުން ފުރޭނެމުން ނުކުތުން (4) ދިޔާ އެއްޗެހީގެ ތެރޭގައި ހުންނަ ކިލަނބު ނުވަތަ އޮށްޓަރު އަޑިޔަށް އޮބުން
ފޮހޭރަބަރު
ނ ލިޔެފައި ނުވަތަ ކުރަހައިފައި ހުންނަ އެއްޗެހި ފިލުވައިލަން ގެންގުޅޭ ރަބަރު