radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ފަނިޔާރަން
ނ ހަނޑޫ ނުވަތަ ގޮދަން ފުށުގައި ހުނި ހަކުރު ފަތަފޮޅިއާއި ވައްތަރުގޮތަކަށް ތުން އަނބުރައިފައި ހަދާ އެއްޗެއް މީގެ ތެރެއަށް އަޅައިފައި ހުންނާނީ ތާޑުކިޔާ ފޮނިއެއްޗެކެވެ
ފަނީފަނީކުޅުން
މ (1) ކުޑަކުދިންކުޅޭ ކުޅިވަރެއް މިކުޅިވަރު ކުޅޭއިރު ބައިވެރިވާން ބޭނުން ހުރިހާ ކުދިންގެ ތެރެއިން ދެކުއްޖަކު ނުކުމެ އެއްކުއްޖަކު "ފަނީ ފަނީ ކޮން އެއްޗެއްހޭ"؟ ބުނާއިރަށް އަނެއްކުއްޖާ "މަޅިފައްޗޭ" ބުނެފައި ދުއްވައި ގަންނަނީއެވެ އެއީ ފަނި ހިފައިގެން ދިއުމެވެ އޭނާގައިގައި އަތްލުމުން ފަނިލިބުނީއެވެ
ފަނޯތްގޮވުން
މ ފަންކުޅޭއިރު އިދިކޮޅުބައިގެ މީހަކަށް އަތުނުވެގޮސް ފަނަކަށް ހުންނަމީހާ ގައިގައި ނުވަތަ ބަހައްޓައިފައި ހުރި އެތީގައި އަތްލައިފައި "ފަނޯތް" މިހެން ގޮވާލުން މިހެންވުމުން ފަނޯތް ގޮވި ބަޔަކަށް ޕޮއިންޓެއް ލިބުނީއެވެ
ފަން
ނ (1) ރުކޭ ކިޔާ ގަސްގަހުގެ ފަތް. (2) ކުޅޭ ކުޅިވަރެއް. )ފަންކުޅުން ބަލާ!( (3) ނއ. އިސްތަށިގަނޑަށް ދެވޭ ސިފައެއް. މިސިފަދެވެނީ ބުޅިކަމެއް ރާޅުބާންޏެއް ނެތް އިސްތަށިގަނޑަށެވެ މިސާލު: ފަންބޮލެއް ފަން އިސްތަށިގަނޑެއް
ފަންހިބަރު
ނ ކަނޑުގައި އުޅޭ ހިބަރުގެ ބާވަތެއް މީގެ ބުރަކަށިމަތީގައްޔާއި ބަނޑުދަށް ފަރާތުގައި ދެކޮތަރިބައި ހުރެއެވެ ބުރަކަށިމަތީގެ ކުލައަކީ ކަޅު ނޫ ކުލައެވެ ބަނޑުދޮށް ފަރާތް ހުންނަނީ ހުދުކުލައެއްގައެވެ ދެއަރިމަތީގައި ފަނޑުނޫ ކުލައިގެ ލައްތަކެއް ރޮނގަކަށް ވާގޮތަށް މަހުގެ ހުރަހަށް ހުރެއެވެ
ފަންހިތި
ނ ގާތްގަނޑަކަށް ފޫޓެއްގެ އުސްމިނަށް ހެދޭ ރުކުގެ ފަނެއްހެން ފަތް ހުންނަ ގަހެއް މިގަހުގެ ފަތްތައް ހުންނާނީ ކުދިކޮށެވެ ކޮންމެ ފަތެއްގެ ބުޑުގައި ކުދި އޮށްތަކެއް ހުންނާނެއެވެ މީގެ އޮށެއްވާނީ ބޮޑު ރެވިފުކެއްވަރެވެ
ފަންކާކިނާރި
ނ ކަސަބުން ވިޔެފައި ހުންނަ ކިނާރިއެއް. މިހުންނާނީ ވަށްބުރެއްގެ ދެފަޅިކޮށް އެއްފަޅިހެން ހުންނަ ފުއްޕުންތަކަކުން އެކުލެވިގެންވާ ފަންކާތަކެއް ހެންނެވެ. ކަސަބު ބޯވަޅު އެޅިދުވަސްވަރު ވައް ބަގިޔާގެ ބަދަލުގައި މީގެ ފަށެއް ތިރީ ކައިރީގައި ޖައްސައިގެން އަޅާ އުޅުނެވެ
ފަންކާކޮތަރު
ނ ކޮތަރުގެ ބާވަތެއް މިބާވަތުގެ ކޮތަރުގެ ފިނދުފަތް ހުންނާނީ އަތުން ވިހޭ ފަންކާއެއް ހެންނެވެ
ފަންކުޅުން
މ ދިވެހި އަންހެނުން ކުޅޭ ކުޅިވަރެއް މިއީ ކުޅޭ މީހުން ދެބަޔަށް ބަހައިލައިގެން ގިނަ ބަޔަކު ކުޅޭ ކުޅިވަރެކެވެ މިކުޅިވަރު ކުޅޭއިރު ކޮންމެ ކޮޅެއްގައިވެސް ފަނަކަށް ބަހައްޓާ މީހެއްގެ ގައިގާ ނުވަތަ އެއްޗެއްގައި އަތްލައިފައި "ފަނޯއި" މިހެން ގޮވުމުން ލަނޑެއް ދެވުނީއެވެ
ފަންދަނޑި
ނ ލިޔެލާޖަހާއިރު ލާއެއްވަރުކުރަން ގެންގުޅޭ ދަނޑިކޮޅު މިދަނޑިކޮޅު ހަދައިފައި އޮންނަނީ ހިކިއިހަލުގެ ގޮނޑިންނެވެ
ފަންތޮށިމުގުރާން
ނ މުގުރާމުގެ ބާވަތެއް މިހުންނަނީ ރަތްމުށިކުލައިގެ ދިގު ރޮނގު ތަކެއް ދަމައިފައެވެ
ފަންތޮށިދަޅު
ނ ތާރުކު ފަންތޮށިން ހަދައިފައި ހުންނަދަޅު. މީގައި ހުންނަނީ ލާޖަހައިފައެވެ. މިއީ އިހުގައި އިންޑިޔާއިން ގެންނަ ދަޅެކެވެ. ގިނައިން ހުންނަނީ ދެފަށް ލާޖަހައި ކުރަހައިފައެވެ
ފަންގަނޑުތޮޅި
ނ ފަތިކޮށް ދިގުކޮށް ހުންނަ މަހެއް. މިއީ ތޮޅީގެ ބާވަތެކެވެ. މިއީ އެހެން މަސްމަހާ ޚިލާފަށް ބަނޑުދަށް ފަރާތުގެ ކޮތަރި ބައިނަގޫފަތާ ވަރަށް ކައިރީގައި ހުންނަ އަދި ކަންފަތްވެސް ބަނޑުދަށް ފަރާތުގައި ހުންނަ މަހެކެވެ މިމަސް މާކަނޑުތަކުގައި އުޅޭތީ މަދު ފަހަރެއްގައި ނޫނީ ނުބޭނެއެވެ
ފަންގަސް
ނ (1) ބެކްޓީރިއާއެއްގެ ސަބަބުން އެއްޗެއްސަށާއި ތަންތަނަށް އަންނަ ބަދަލެއްގައި ލޮލަށް ފެންނަގޮތް. މިސާލު: އެއްޗެހީގައި ޖަހާ ފޫ ފާރުގައި ޖަހާފެހި އެއްޗެހީގައި ޖަހާފީ. )ހަންޑިކުޑައިގެ ބާވަތްތަކާއި ބުޅާކަންފަތްވެސް ހިމެނެނީ މީގެ ތެރޭގައެވެ ( (2) ހަމުގެ ބައްޔަކަށް ކިޔާ ނަމެއް
ފަންގިއެޅުން
މ އަނގަމަތި ދޯނީގައި ވަގުތީ ހިޔާއެޅުން
ފަންގިލީބަތް
ނ އިހުޒަމާނުގައި ގެއެއް ހިޔާކޮށް ނިމުނީމައި އެމަސައްކަތުގައި އުޅުނު މީހުނަށްދޭ ކެއުން
ފަންގޮވި
ނ ދިރޭ އެއްޗެއް. މިއީ މަޑުފިޔާތޮށި ކުލައިގައި އޮއްޓުދެފައި ހުންނަ ފުމޭ އެއްޗެކެވެ. މިގިނައިން އުޅޭނީ ދަރު ފަން ފަދަ އެއްޗެހި ހުންނަ ތަންތާނގައެވެ
ފަންޏަށްލުން
މ (1) ދުވަސް ނުފުރާ ވިހާ ކުއްޖާއަށް ނުވަތަ ވިހާއިރު ވަރުދެރަ ކުދިންނަށް ހޭހަން ކުރުމަށް ހަކުރު ފަނީގައި ބޭއްވުން (2) ޣުލާބުޖާނު ފަދަ ފޮނިކާއެއްޗެހި ފަނީގައި ބެހެއްޓުން
ފަންޑިތަހުސްވެފައިހުރިއެދުރުބޭކަލެއްހެން
)މުސްކުޅިބަހެއް( މީހަކަށް ކެއްސެއްދޭން ތިމާ ނުބައިރޭވުމެއް ރާވައިފިނަމަ އެރޭވުމުން އެންމެފަހުން ގެއްލުންލިބޭނީ ތިމާއަށޭ ބުނުމަށް ބޭނުންކުރާބަހެއް )މިސާލުބަހެއް( ގޮތް ހުސްވެފައި ހުންނަ ހުރުމަށް ބުނެއުޅޭ ގޮތެއް
ގެޒެޓު
ނ (1) ޝާއިއުކުރެވޭ ޤާނޫނީ ލިޔުން (2) ޤާނޫނީ އެކިއެކި މަޢުލޫމާތު ޝާއިއު ކުރާ ނޫހެއް