radheef.info
ރަދީފު


ވ
ތާނައިގެ ނުވަވަނަ އަކުރު
ޙަކީމީބޭސް
ނ (1) ޔޫނާނީބޭސް (2) ދިވެހިބޭސް
ޙަކީމު
ނ ބޭސްވެރިޔާ
ޙައިރާން
ނ (1) ފިކުރުހުސްވެގެން ބުއްދިއަށް އަންނަ އޮޅުން (2) އާދަވެގެން ނުފެންނަ ކަމެއް ފެނިގެންވާ އަޖައިބު
ޙައިރާންވުން
މ (1) ފިކުރުހުސްވެގެން ބުއްދި އޮޅުން (2) ނާދިރުކަމެއް ފެނިގެން އަޖައިބުވުން
ޙައިރާންމާކު
ނ ލިޔެކިޔުމުގައި ބޭނުންކުރާ ނިޝާނެއް. މިނިޝާން ޖަހަނީ ޙައިރާންވާ ކަހަލަ ވާހަކައެއް ނުވަތަ ރުޅިވެރިކަމެއް ނުވަތަ ހިތާމައެއް ނުވަތަ އަމުރެއް ނުވަތަ މަލާމާތެއް ނުވަތަ އިސްތިޙުސާނެއް އެކުލެވޭ ބަސްބަހާއި ޖުމުލައިގެ ފަހަތުގައެވެ
ޙައިވާނިއްޔަތު
ނ (1) ހައިވާނުގައި ހުންނަސިފަތައް (2) އިންސާނިއްޔަތުގެ އިދިކޮޅު
ޙައްމާމު
ނ ފެންވެރުމަށްޓަކައި ވަށައިގެން ބަންދު ކުރެވޭގޮތަށް ހަދައިފައި ހުންނަތަން
ޙައްދުޖެހުން
މ ދީނުގައި ޙައްދު ކަނޑައެޅިގެންވާ ކުށެއްކުރިކަން ސާބިތުވެއްޖެނަމަ ކުރެވޭ ޙުކުން ތަންފީޒުކުރުމަށް ދުއްރައިން ތެޅުން
ޙައްދުޤާއިމުކުރުން
މ (1) ދީނުގައި ވާގޮތަށް ޙުކުމުތައް ހިންގުން (2) ޙައްދު ޖެހުން
ޙައްޖު
ނ (1) ޙައްޖު (2) އިސްލާމްދީނުގެ ފަސްވަނަ ރުކުން
ޙައްޖުމަސް
ނ (1) ހަނދުމަހުގެ 21 ވަނަމަސް (2) ހިޖުރީއަހަރު ނިމޭމަސް (3) އެމަހެއްގައި ޙައްޖު ދުވަސް ހިމެނޭމަސް
ޙައްޤަކަށް އެރުން
މ މީހެއްގެ ހަށިގަނޑަށް ނުވަތަ ޢިއްޒަތާއި އަބުރަށް ނުވަތަ ނަމަށް ނުވަތަ މުދަލަކަށް ގެއްލުމެއް ނުވަތަ އުނިކަމެއް ދިނުން
ޙައްޤުވުން
މ (1) ކަމެއްކުރުން ވާޖިބުވުން (2) ކަމަކަށް އެކަށީގެންވުން (3) އަމިއްލަވުން ނުވަތަ މިލްކުވުން
ޙައްޤުވެރިން
ނ (1) ޙައްޤު ލިބެންޖެހޭ މީހުން (2) ޙައްޤު ލިބިފައިވާ މީހުން
ޙައްޤުވެރިޔާ
ނ (1) ޙައްޤު ލިބެންޖެހޭ މީހާ (2) ޙައްޤު ލިބިފައިވާ މީހާ
ޙަވާރީން
ނ (1) ޢީސާޢަލައިހިއްސަލާމުގެ ޞަޙާބީން އެބޭކަލުންގެ އަދަދެއްކަމުގައި ބުނެވެނީ ބާރައެވެ (2) މީހަކަށް ވަފާތެރިކަމާއެކު ޚިދްމަތްކުރާ މީހުން
ޙަވާލާ
ނ ވަކިމީހަކާ ނުވަތަ ވަކިއެއްޗަކާ ނުވަތަ ވަކިކަމަކާ ގުޅުވައި ބުނާ ބުނުން
ޙަވާލާދިނުން
މ ދައްކާވާހަކައެއްގައި ނުވަތަ ލިޔާއެއްޗެއްގައި އަނެކެއްގެ ބަހަކަށް ނުވަތަ ލިޔުމަކަށް އިޝާރަތްކުރުން
ޙަވާލުކުރުން
މ (1) މީހަކާ އެއްޗެއް ނުވަތަ ކަމެއް މަތިކުރުން (2) މަސްއޫލިއްޔަތު އުފުލާން ޖެއްސުން
ޙަވާލުވުން
މ ތިމާއާއި ޙަވާލުކުރާ ކަމެއް ނުވަތަ އެއްޗެއް ޤަބޫލުކުރުން