radheef.info
ރަދީފު


ދ
ނ (1) ތާނައިގެ ބާރަވަނަ އަކުރު (2) ދިވެހި ވިޔައަކުރުގެ ތިނެއް
ސިދުރިޔާ
ނ ފިރިހެނުން ހެދުމުގެ ބޭރުންލާ އަތް ނުހުންނަ ކޯޓެއް
ސިދުރިޔާކޮޅު
ނ ސިދުރިޔާއަށް މާތްކޮށް ކިޔާގޮތް
ސިދުރިޔާކޮތަރު
ނ ކޮތަރުގެ ބާވަތެއް. ކޮތަރުގެ ކަރުދޮށުން ފެށިގެން ފިނދުފަތާ އެކު ހަށިގަނޑުގެ ހުރިހައިތަނެއް ހުދުކޮށް ހުރެފައި ތަލަ މަތީން ބުރަކަށި މައްޗާއި ފިޔަގަނޑު ކަޅު ނުވަތަ މުށި ނުވަތަ އަޅިކުލައިގައި ހުންނަ ކޮތަރު
ސިލިންޑަރު
ނ (1) އިންޖީނެއްގެ ފިސްޓަން ލައްވާތަން (2) މަޢުދަނީ އެއްޗަކުން ވައްކޮށް ދިގުކޮށް ހަދައިފައި ހުންނަ އެއްޗެއް މިއީ ގޭސްފަދަ އެއްޗެހި އަޅަން ހަދައިފައި ހުންނަ އެއްޗެކެވެ
ސިލު
ނ ތަކެތި ބަންދުކޮށްފައި ޖަހާސިއްކަ ނުވަތަ ނިޝާން
ސިލުނބު
ނ ގުޑުގުޑާއިން ދުންބޯއިރު ދުންފަތް އެޅުމަށްޓަކައި މުށިން ހަދައިފައި ހުންނަ އެއްޗެއް މި ހުންނަނީ އަބުނައިގެ ކޮޅުގައި ހުންނަ ސަދަބަށް ޖެހޭގޮތަށެވެ
ސިލުވާނަށްތެޅުން
މ އިހުގައި މީހެއްގެ އަންބަކު ހިލޭ ފިރިހެނަކާ ހުއްދަ ނޫން ގުޅުމެއް ހިންގުމުން އެ ފިރިހެން މީހާގެ ގައިގައި ބޮންތި އަކުން ތިނެތިފަހަރު ޖެހުމަށް އެކަނބުލޭގެ ފިރިމީހާއަށް ފަނޑިޔާރު ގެއިން ނުވަތަ ނައިބުގެއިން ހުއްދަ ދީގެން ޖަހާ ތިނެތި ފަހަރު ޖެހުން
ސިލުވާނާއެރުން
މ ސިލުވާން ކުރަންޖެހޭ ފަދަ ގުޅުމެއް މީހެއްގެ އަނތްބަކާމެދު ހިންގުން
)ސިލުވާނަށް ތެޅުން ބަލާ!( ސިލުވާނު
ނ އިހުގައި މީހެއްގެ އަނތްބަކާ ހުއްދަނޫން ގުޅުމެއް ހިންގުމުން އެ ގުޅުމެއް ހިންގި ފިރިހެނަކަށްދޭ އަދަބެއް
ސިލޭހަ
ނ ލޮންސިއާ އެއްވައްތަރަށް ހަދައިފައި ހުންނަ ހަތިޔާރެއް
ސިލޭހަހިފުން
މ ކީރިތި މަހާރަދުން ރަސްމީ ޢިއްޒަތުގައި ތަންތަނަށް ވަޑައި ގަންނަވާއިރު ސިލޭހަ ހިފައިގެން ރަދުންގެ ދެފަރާތްޕުޅުގައި ދެސަފަށް ތިބުން
ސިލޭހަބަތް
ނ އިހުގައި ރަދުންގެ އަރިހުގައި ސިލޭހަ ހިފައިގެން ހުކުރަށްދާ ހަނގު ބޭކަލުންނަށް ގަނޑުވަރު ތެރެއިން ދެއްވާ ބޮނޑިބަތެއް
ސިލްސިލާ
ނ (1) ޗޭނު. (2) އެކައްޗެއްގެ ފަހަތުން ވިދިގެން އޭގެ އަނެކައްޗެއް އަންނަ ގޮތަށް ހުންނަ އެއްޗެހި މިސާލު: )ހ( ފޮތުގެ ސިލްސިލާ )ށ( މަޒުމޫނުތަކުގެ ސިލްސިލާ )ނ( ފިލްމުގެ ސިލްސިލާ
ސިލްޖެހުން
މ އެއްޗެއް ބަންދުކޮށްފައި ޖަހާ ސިއްކަ ނުވަތަ ނިޝާން ޖެހުން
ސިޓީ
ނ އަނެކަކު ގާތުގައި ދައްކަން ބޭނުންވާ ވާހަކަތަކެއް ލިޔެފައިވާ ލިއުން މި ލިއުން ފޮނުވާނީ ޕޯސްޓު ނުވަތަ މީހަކު މެދުވެރިކޮށެވެ
ސިޓީބިޓީ
ނ ސިޓީޔާ އެފަދަ ތަކެތި
ސިޓީއުރަ
ނ ސިޓީފަދަ ތަކެތި ލުމަށް ހަދައިފައި ހުންނަ އުރަ
ސިޓީލުން
މ (1) ކަމަކަށް އެދި އެކަމާބެހޭ އިދާރާއަށް ސިޓީއެއް ހުށައެޅުން (2) ރަސްމީ ފަރާތަކަށް ޝަކުވާއެއް ހުށައެޅުމަށް ސިޓީއެއް ފޮނުވުން
ސިޔާސަ
(1) ބަސް ގަބޫލު ނުކުރާ (2) ލާނެތް (3) ނ )ބދ ( ގަދަފަދަ ކަމާއި ބާރު
ސިޔާސަކަން
ނއނ (1) ބަސްގަބޫލު ނުކުރާކަން (2) ލާނެތްކަން (3) )ބދ ( ގަދަފަދަ ކަމާއި އާރާއިބާރުހުރިކަން