radheef.info
ރަދީފު


ގައި
އ ހާލު ނުވަތަ ތަން ނުވަތަ ވަގުތު ބަޔާންކުރުމަށް ބޭނުން ކުރާ އަކުރެއް މިސާލު: )ހ( ހަތްގަޑި ފަނަރައިގައި )ށ( މޭޒުދޮށުގައި )ނ( ބޭރަށް ހިންގުމުގައި
ބުންޅަބުޑި
ނ ގޯސީބުން ފަރާތްފަރާތަށް ދިޔަނުދިނުމަށް ފަހަތުކޮޅުގައި ދެފަރާތަށް ހުންނަ ޔާރީ
ބުންވަރު
ނ މަސައްކަތެއް ކުރުމަށް މީހާގައި ދެމިހުންނަބާރު
ބުންވުން
މ (1) އަޑުބަރުވުން (2) އަޑުގެ ބުންކަން އިތުރުވުން މަޖާޒު: (3) ރުޅިމައްޗަށް ގޮސްގެން އަނގައިން ނުބުނުން
ބުންދު
ނ އޮޑިފަހަރުގެ ދެތަލުގެ ދެފަރާތުގައި ހުންނަ ކަލިވަތް
ބުންލަބުޑި
ނ ގޯސީގެބުން ފަރާތް ފަރާތަށް ދިއަނުދިނުމަށް ފަހަތުގައި ހުންނަޔާރީ
ބުންޓަކި
ނ ލަވަޔާ ހަމަވާގޮތަށް ބެރުގެ ބުންކޮޅުގައި ޖަހައިލުމުން ނުކުންނައަޑު
ބުރަނދަ
ނ (1) ބޮނޑު ނަގުލަށް އޮންނަ ގޮނޑިޔެއް ފައިބާ ބިމުގައި ފެތުރެމުން ދުވާ ވެލެއް (2) )ބދ ( ތިރިފަތި
ބުރަނދު
ނ މޫދުގައިއުޅޭ ކުޑަމަހެއް މަހުގެ ކޯތާފަތްމަތީގައި ތިން ބަރިއަށް ހުޅުނބުހުރެފައި ކޯތާފަތްގަނޑާއި ދިމާއިން ބަނޑުދޮށް ފަރާތުގައި ހުންނަ ކޮތަރީގެ ދިގުމިން މަހުގެ ކަންފަތް ގަނޑާއި އެއްވަރުވާނެއެވެ މަހުގެ ހުރަހަށް ރީނދޫ ކުލައިގެ ރޮނގުތަކެއް ހުރުމާއެކު ކަންފަތްގަނޑު ފަޅައިފައިވާ ހިސާބުގައިވެސް ކަޅުލަފެއްހުރެއެވެ
ބުރަކިބޯޅަ
ނ (1) ކްރިކެޓް ކުޅޭއިރު ފެނުޖެހިފައި ވަކިދިމާއަކަށް ބޯޅަދާގޮތަކަށް އަނބުރައިފައި އެއްލާބޯޅަ (2) ޓެނިހާއި ޓޭބަލްޓެނިސް ކުޅުމުގައި ބޯޅަވަކިއަތަކަށް އެނބުރޭގޮތަށް ޖަހާބޯޅަ
ބުރަކިކުރުން
މ (1) ކުރިކެޓް ކުޅޭއިރު ފެނުޖެހިފައި ވަކި ދިމާއަކަށް ބޯޅަދާގޮތަށް އަނބުރައިފައި ބޯޅައެއްލުން (2) ޓެނިހާއި ޓޭބަލްޓެނިސް ކުޅުމުގައި ވަކިއަތަކަށް އެނބުރޭގޮތަށް ބޯޅަޖެހުން
ބުރަކިޖެހުން
މ އެއްގަމުގައި ދުއްވާ އިންޖީނުލީ އެއްޗެއްސާއި ބައިސްކަލު ފަދަ ތަކެތި މަޑުކުރުމަށް ބުރަކީގެ ބޭނުން ކުރުމުން ހުއްޓުން
ބުރަކެޓު
ނ (1) ލިޔެކިޔުމުގެ ނިޝާނެއް މިއީ ލިޔުމުގައި ބޭނުން ކުރާ ބަހެއްގެ އިތުރު ތަފުޞީލު އޭގެތެރޭގައި ލިޔުމަށް ބޭނުންކުރާ ނިޝާނެކެވެ (2) ޤައުސު
ބުރަފަތި
ނ (1) ހިމަދިގު އެއްވަރުގެ ދޭތިކޮޅުވާކާލި (2) ވައިގެބާރުން ނުވަތަ އިންޖީނުގެ ބާރުން އެނބުރޭ ފިޔަފަތް (3) ފަރިވަޅުމަތީ ބާއްވާން ކާލިކޮން ފަންވަތުން ވިޔެފައި ހުންނަ އެއްޗެހި (4) ބޮލުގައި ހުންނަ ކާފަ
ބުރަފަތިވިނަ
ނ ދަނޑުމަތީގައި ހެދޭ ވިނައެއް މި މަލުގެ ތަނޑުވަރަށް ދިގުވާނެއެވެ މީގެ މާ ހުންނާނީ ބުރަފައްޗެއްގެ ސިފައިގައެވެ
ބުރަފަތިލަފުޒުގެ އަރަތް
ނ ހުދުގޮޅިއާއި ކަޅުގޮޅި ޖަހައިފައި ހުންނަކުރެހުމެއް. މިއީ ދީފައި އޮންނަ ތަޢާރަފަކާ އެއްގޮތަށް ހުދުގޮޅިތަކުގައި މަތިންތިރިއަށާއި ހުރަހަށާއި ކަނުން ކަނަށް އަކުރުލިޔެގެން ބަސްބަސް ހަމަޖައްސާގޮތަށް އޮންނަ އަރަތެކެވެ
ބުރާލު
ނ (1) ނަވުގެ ދިޔަބަލާން ވައްޓައިލާފަތި ގަނޑުގައި ކަނޑައިފައި ހުންނަ މިންތަކުގެ ތެރޭން މިނެއް (2) ހިންޗި
ބުރި
ނ (1) ފުރަގަސްފަރާތު ދޮރު (2) ދިގުއެއްޗެއްގެ ބައެއް (3) ހުރަހަށް ބުރިކޮށްލި އެއްޗެއްގެ އެއްބައި (4) ޢިމާރާތެއްގައި އެއްބައިގެ މައްޗަށް އަނެއްބައި ހުންނަގޮތަށް އިތުރު ކޮށްފައި ހުންނަ ބައި
ބުރިހަންނެގުން
މ ބަނޑު ބިންމަތީޖައްސައިގެން ހަތަރުފަށް އެއްތެލުން ބުރިކަށީގައި ތެޅުން މިއީ އިހުގައި ސިޔާސީ ކުށްކުށަށް ދައުލަތުން ދެއްވި އެންމެބޮޑު ޢުޤޫބާތެވެ
ބުރިކަށިޖެހުން
މ ގަދަބައްޔަށް ހިފައި އޮޅުލުމުގެ ތެރޭގައި ބަލިވިމީހާގެ ބުރިކަށި ބިންމަތީގައި ޖެހުން
ބުރިކަށީފަތި
ނ ފިރިހެނުންލާ ލިބާހުގެ ފުރަގަހު ބަދަނުގެ މެދުގައި ދިގަށް ހުންނަ ފަތި