radheef.info
ރަދީފު


ލުން
މ (1) އެއްޗެއްގެ ތެރެއަށް އެއްޗެއް ވެއްދުން ނުވަތަ އެއްޗެއްގެ ތެރެއަށް އެއްޗެއް ވައްޓައިލުން (2) ވަކިކަހަލަ މަސައްކަތެއް ކުރުމަށް ބުނެއުޅޭ ގޮތެއް މިސާލު: )ހ( ކަރަންޓުލުން )ށ( ފާޚާނާލުން )ނ( ބޯފެންލުން )ރ( ފަންގިލުން )ބ( ދަވާދުލުން (3) ގަޔަށްމެހުން މިސާލު: )ހ( ގަމީސްލުން )ށ( ގަންޖުފަރާސްލުން (4) ބައެއްކަހަލަ ކަންތައް ކުރުމުގެ މާނައިގައި ބުނެއުޅޭ ގޮތެއް މިސާލު: )ހ( ދޫލުން )ށ( ތަޅުލުން )ނ( އަޑުލުން (5) މަޖާޒު: ޖިމާޢުވުން
ޒިކުރުކުރުން
މ ހިތާއި ދުލުން މާތްﷲ ހަނދުމަކުރުން
ޒިޔާރަތް
ނ (1) ނަބީ ރަސޫލު ބޭކަލުންނާއި ވަލީވެރިންނާއި ރަސްރަސް ކަލުންގެ ބިސްތާނު (2) މީހަކާ ބައްދަލުކުރާ ބައްދަލު ކުރުން (3) ތަނަކަށްދާ ދިއުން
ޒިޔާރަތްފުޅުލާރި
ނ (1) އިހުގައި ނަދުރު ބުނެގެން ޒިޔާރަތްފުޅަށް ހަދިޔާ ކުރާ ލާރި މިކަން ކުރާ ގޮތަކީ ރަބީޢުލް އައްވަލް މަހުގެ 21 ވަނަދުވަހު ގޭގޭގައި ޞަލަވާތް ކިޔަވާއިރު އެކި ޢަދަދަށް ބޮޑުލާރި ވަކިވަކިން ހުދުފޮތި ކޮޅަކަށްލައި އެލާރި ނުވެއްޓޭގޮތަށް ފޮތިކޮޅުގައި ގޮށެއް ޖަހައި އެލާރިތައް ޞަލަވާތް ކިޔަވާއިރު ބަހައްޓައިފައި ހުންނަ ފެންތައްޓަށް އަޅައި ސަލަވާތްކިޔަވާ ނިމުމުން އެތަށިން އެލާރިތައް ނަގައި ގޭގެ ކުދިންގެ އަތުގެ މުލައްދަނޑީގައި ބަންނަނީއެވެ. މިލާރި 3 ދުވަސް ފަހުން ކުދީންގެ އަތުން ނަގައި ގޭގެ ހުރަސް ނުވަތަ ތާވަކަރުގައި ބަނދެފައި ބެހެއްޓުމަށްފަހު ސަރުކާރު މެދުވެރިކޮށް ޒިޔާރާތްފުޅަށް ފޮނުވަނީއެވެ (2) ރަސްރަސްކަލުންނާއި އެފަދަ ބޭފުޅުން ނަދުރު ވިދާޅުވެގެން ޒިޔާރަތްފުޅަށް ފޮނުއްވަން ބަހައްޓަވާލާރި
ޓަނު
ނ (1) ވިހި ހަންދަރުގެ ބަރުދަން (2) އުޅަނދުފަހަރުގެ ބަރުދަން ހިފާ މިންވަރު ބެލުމުގައި ސަތޭކަ ކޮޑިފޫޓްގެ މިންވަރު (3) މުދަލުން ނާލު ނެގުމުގައި 04 ކޮޑިފޫޓްގެ މިންވަރު (4) ރާއްޖޭގެ ފުރާދުއްވާ އުޅަނދުފަހަރުގެ ތެރެއިން މުދަލާއި މީހުން އުފުލާ އުޅަނދު ފަހަރަށް ދީފައިވާ ރަޖިސްޓަރީ
ޓަނުނެގުން
މ ކަސްޓަމަށް ދައްކައިފައިވާ ޓަނު )އުޅަނދުފަހަރުގެ ރަޖިސްޓަރީ( އަތުލުން
ޓެކުން
މ ކެހިވެރިގޮތުން މީހުންގެ އަތުން ފައިސާ ނުވަތަ ތަކެތިއަތުލުން
ޓެލިގްރާމް
ނ ވަޔަރުހެލުން ލިބޭ މެސެޖް
ޓޮސްކުރުން
މ (1) ކަމެއް ފަށަންވީ މީހަކު ނުވަތަ ބަޔަކު ބެލުމަށްޓަކައި ފައިސާ ފޮއްޗެއް މައްޗަށް އެއްލައިގެން ބެލުން (2) ގުރުއަތުލުން
ޕުރޫފުބެލުން
މ ޗާޕަށް ލިޔެފައިވާ ލިޔުމެއް ނުވަތަ ފޮތެއް ނުވަތަ ކުރެހުމެއްގެ އަޞްލުގައި ކުށެއް ލިޔެވިފައިވޭތޯ ބެލުން
ޕޯސްޓުކުރުން
މ ޕޯސްޓްމެދުވެރިކޮށް ފޮނުވުމަށް ބޭނުންވާ ތަކެތި ޕޯސްޓަށް ލުން ނުވަތަ ޕޯސްޓް އޮފީހާ ހަވާލުކުރުން
ޖަހަތުންކަނޑައިލުން
މ އެއްވެސް ގުޅުމެއް ނުވަތަ ގާތްކަމެއް ނޯންނަ ގޮތަށް ގުޅުން ނުވަތަ ގާތްކަން ކަނޑައިލުން
ޖަހާހަނގުބޭކަލުން
މ އިހުގައި ކިލެގެ ބޭކަލުންގެ ތެރެއިން ރަދުން ހޮއްވަވާ ޚާއްޞަ ބޭފުޅުން ކޮޅެއް މިބޭފުޅުންނަކީ ރަދުން މަޝްވަރާ ކުރެއްވުމަށާއި ރަސްމީ އިއްޒަތްތަކުގައި ބައިވެރިވެ ވަޑައިގަތުން ފަދަ ކަންތައްތަކަށް ޚާއްޞަކުރެވޭ ބައެކެވެ
ޖައްސައިލުން
މ (1) ދެކޮޅުވެރިކަމުގެ ގޮތުން މީހަކާ ދިމާކޮށްލުން. މަޖާޒު (2) އޮށޯވެލުން (3) ޒިޔާރަތްކޮށްލުން
ޖާނުހުސްކޮށްލުން
މ މަޖާޒު: ކަމަކަށްޓަކައި އަތްމަތި ހުސްކޮށްލުން
ޖާފަތް
ނ (1) ކެއުމުގެ ދަޢުވަތު (2) ގޮވާލުން މިބަހުގެ ދެވަނަ މާނަބަލާ
ޖީބަށްޖެހުން
މ ބޭރަށް ފެންނަން ހުންނަގޮތަށް ޖީބަށް އެއްޗެއްލުން
ޖެހިވަޅަށްޖެހުން
މ މަޖާޒު: ވަރިކުރިމީހާއާ އަލުން އިނުން
ޖެހިތަދުވުން
މ ތަނެއްގައި ޖެހިގެން ނުވަތަ އެއްޗަކުން ޖެހިގެން ހަށިގަނޑުގައި ވޭނެއް ހަރުލުން
ޗާބީދިނުން
މ (1) ޗާބީން ގަޑިފަދަތަކެތީގެ ކެނބު ބާރުކުރުން (2) މަޖާޒު: ރުޅިއަރުވައިލުން
ޗިސް
ނ (1) ފިތިގެންވާ ފިސް (2) ދިޔާއެއްޗެއް ކުއްލިޔަކަށް ނުކުންނަ ނުކުތުން މިސާލު: އޭނާގެ ލޮލުން ޗިސް ލައިފައި ކަރުނަ އަތުވެއްޖެއެވެ (3) ތަތްކަމެއް ނުވަތަ ތެތްކަމެއް ހުރި މުރަނަކަމެއް ނެތް އެއްޗެއްވާ ކުދިކުދި