radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
ކަރަންޓީނުވުން
މ (1) ގައިންގަޔަށް އަރާ ނުރައްކާތެރި ބައްޔެއް އުޅޭ ރަށަކުން އަންނަ އުޅަނދު ފަހަރުގައި އެފަދަ ބައްޔެއް ޖެހިފައި ހުރި މީހަކު ހުރިތޯ ބެލުމަށް އެއުޅަނދަކަށް މީހުން އަރާ ފޭބިއަނުދީ އެހެން އުޅަނދު ފަހަރާ ދުރުގައި ވަކި މުއްދަތެއް ވަންދެން ބަންދުވުން (2) ބޭރު ރަށަކުން އަންނަ އުޅަނދެއްގައި ގައިން ގަޔަށް އަރާ ބައްޔެއް ޖެހިފައިވާ މީހަކު ހުރިނަމަ އެއުޅަނދަކުން މީހުން އަރާ ފޭބިޔަނުދީ އެހެން އުޅަނދުފަހަރާ ދުރުގައި ވަކި މުއްދަތެއް ނިމެންދެން ބަންދުވުން (3) ނުރައްކާތެރި ރޯގާއެއް އުޅޭ ރަށްރަށަށް މީހުންއަރައި ފޭބިޔަނުދީ ވަކި މުއްދަތެއް ވަންދެން އެރަށްރަށް ބަންދުވުން
ކަރުފައި އަޅާވަރިވުން
މ މަޖާޒު: ފިރިމީހާގެ ގާތުން ގަދަކަމުން ވަރިވުން
ކަރުފަތުވިހަ
ނ (1) ކަރުގެ ބައްޔެއް މިއީކަރާއި ކަތުރު ކަށިގަނޑަށްވީ ހިސާބު ދުޅަވާ ބައްޔެކެވެ މި ބަލިޖެހުމުން ވަރަށް ގަދައަށް ކަރުގައި ރިއްސާނެއެވެ ބައެއް ފަހަރު ކަރުތެރެ ބެދޭގޮތްވެއެވެ (2) ތާފަތުވިހަ (3) ކަރުތާ ފަތުވިހަ (4) ކަށު ފަތުވިހަ
ކަރުދަންޖެހުން
މ މަޖާޒު: ތިމާގެ އަބުރަށް ނުވަތަ ހަށިގަނޑަށް ގެއްލުން ލިބޭ ހިސާބަށް ކަމަކާހެދި އުޅުމަށް ބުނެ އުޅޭ ބަހެއް
ކަރުދެމުން
މ (1) މާބޮޑަށް ބޭނުންވެފައިވާ އެއްޗަކާ ދިމާއަށް ހަރުކޮށް ހިނގައިފައި ނުވަތަ އުދުހިފައި ދިއުން (2) މަޖާޒު: މާބޮޑަށް ބޭނުންވެފައިވާ އެއްޗެއް ނުލިބިގެން އެ އެއްޗެއް ފެންނަ ހިސާބުގައި ބަލަ ބަލައިފައި އެނބުރުން
ކަރުގައިއެޅުން
މ (1) ދިރުވާލި އެއްޗެއް ކަރުތެރޭގައި ތާށިވުން (2) ކަނދުރާގައި އެއްޗެއް އެލުވުން (3) މަޖާޒު: ނުރުހެވޭ ކަމަކާ ހަވާލުވާން ޖެހުމުން ބުނެއުޅޭގޮތް
ކަރެވިޔާއްދަ
ނ )ގ ( ކަރުގެ އެތެރޭގައި މުލިހިފާޑަށް ދުޅަވާ ބައްޔެއް މިބަލީގެ އެންމެ މަތީ ދަރަޖަޔަށް ދިޔައިމާ ބޭރުން ރަތްވެ ދުޅަ ބޭރަށް ދައްކައެވެ ފަޅައިގެން ދާނީ އެތެރެއަށެވެ
ކަރެދާހެމަލާ
ނ )ގ ( ތުނޑު ކުނަލުގައި ޖަހާމަލެއް
ކަބީލާ
ނ އޮޑިދޯނި ފަހަރު ބަނުމުގައި ދެލަކުޑިގަނޑު ހަރުކުރާންޖަހާ މަޢްދަނީ އިއްޔެއް މިހަރުކުރަނީ ވަސަރު ލައްވައި މަލަރުކޮށް ގެންނެވެ
ކަބީލާފުލުސް
ނ ދެއެއްޗެއް ގުޅުވަން ކަބީލާޖަހާ މަލަރު ކުރާއިރު ކަބީލާގެ ތުނޑު ކޮޅަށް އަމުނާ ލޯފޮތި
ކަޅަށް ޖެއްސުން
މ މަޖާޒު: ހިލޭއަންހެނުން ހޯދަން ރޭގަނޑު ގޭގޭދޮށަށް ދިއުން
ކަޅާކުރުން
މ މަޖާޒު: ބައްކުރުން
ކަޅިހި
ނ (1) ފިލޮޅުގެ ބާވަތެއް މިމަހުގެ ކުލައަކީ މަޑުވައިލެޓުކުލައާ ގުޅޭ މުށިކުލައެކެވެ މަހުގެ ތުންފަތް ހުންނަނީ ފިޔާތޮށި ކުލައެއްގައެވެ މަހުގެ ކަރުތާފަތްގަނޑުގައި މަތީ ތުން ކައިރީގައި ރަތްކުލައިގެ ލަފެއް ހުރެއެވެ (2) ކިއްސަރުވަޑާން ކުރާ މީހުން ފާހަގަ ލާން ދެލިޖައްސާ ކަށަވަރު
ކަޅިހިއަބު
ނ ދެއެއްޗެއް ހިމުން ކުރަން އެކަތި އަނެކައްޗާއި ގާތްކޮށް އެކަތީގެ އަރިމަތި ހުންނަގޮތަށް އަނެކަތީގެ އަރިމަތި ހެދުމަށް ކަޅިހި އަޅާއިރު ދެއެތިގަނޑު ދޭތެރެ އެއްވަރު ކުރުމަށްޓަކައި ދެއެތިގަނޑު ދޭތެރެ ދުރުކުރުމަށް ދެއެތިގަނޑު ދޭތެރެއަށްޖަހާއަބު
ކަޅިއެރުން
މ މަޖާޒު: (1) ކަޅިހުއްޓުން (2) ކަމަކަށް އެދުންވެރިވެގެން އެކަމަށް ފެން ބޮވައިގަނެގެން އުޅުން
ކަޅިފުށީކަލޭގެކޮކަޑި
ނ )މިސާލުބަހެއް( ކުރާކަމަކުން ނުކުންނަންވީ ނަތީޖާއެއް ނުނިކުތީމާ ޖަހައި އުޅޭ މިސާލެއް
ކަޅުބިލަމަސް
ނ (1) ކަނޑުމަހުގެ ބާވަތެއް. މިއީ ދޮށީގެ މަސްވެރިކަމުގައި ރާއްޖެއަށް އެންމެ ގިނައިން ބާނާމަހެވެ. މިމަހުގެ ބަނޑުދޮށުގައި މަހުގެ ދިގަށް ކަޅުކުލައިގެ ރޮނގުތަކެއް ހުރެއެވެ. މަހުގެ މަތީބައިގެ ކުލައަކީ ގަދަނޫކުލައެވެ ބަނޑުދަށް ފަރާތުގައި ހުންނަނީ ރިހި ހުދުކުލައެވެ (2) ފަސްރޮނގުމަސް
ކަޅުކޫޑި
ނ ގަސްގަހަށް ޖެހޭ ބައްޔެއް މިބަލިޖެހުމުން ގަހުގެ ފަތްތަކާއި ގޮފިތަކުގައި ހުންނާނީ ކަޅު ތިއްތިއް ޖަހައިފައި ހުންނަ ގޮތަށް ކުދިކުދި ކޫޑިތަކެއް އަޅައިފައެވެ ގިނައިން މިބަލިޖެހެނީ ލުނބޯ ގަހަށެވެ
ކަޅުވުން
މ (1) ކަޅުކުލަޖެހުން (2) ކުލަ އަނދިރިވުން
ކަޅުމީހުން
ނ (1) ގައިކުލަ ކަޅުމީހުން (2) މަޖާޒު: ޔޫރަޕް ނޫންތަންތާނގެ މީހުން