radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
ބުރުވުން
މ (1) ވިހުރުވުން (2) ހިމުން އެއްޗެހިތަކެއް ނުވަތަ ދިޔާ އެއްޗަކުން ތިކިތަކެއް ބުރުއްސުން (3) ވައިގެ ތެރެއަށް އެއްޗެއްގެ އަސަރު ފެތުރުވުން މިސާލު: )ހ( ހިރަފުސް ބުރުވުން )ށ( ދުން ބުރުވުން
ބުރުދާވެރިން
ނ ބުރުދާ ކިއުމުގެ ހުއްދަ އޮންނަ ބުރުދާކިޔާ އުޅޭމީހުން
ބުރެކި
ނ އެމުގެ ބާވަތެއް މިއީ ހިމަ ދިގުކޮށް ބޯކޮޅަށް ވަށްކޮށް ހުންނަ މަހެކެވެ މަހުގެ ނަގޫ ވަރަށް ބޮޑަށް ކަފިވެފައި ހުރެއެވެ އަދި ނަގޫކޮޅު ހިމަވެގެން ގޮސް ނަރުވާޔަކަށް ބަދަލުވެފައިވެއެވެ މަހުގެ ކަންފަތްގަނޑު ބޮލަށްވުރެ ކުޑަތަންކޮޅެއް ކުރުވާނެއެވެ މަހުގެ ބުރަކަށި މަތީގެ ކުލައަކީ ފެހިކުލައަކަށްދާ ދަނބު ކުލައެކެވެ
ބުރެކިފާނަ
ނ ކަނޑުހާލުގެ ބާވަތެއް. މިއަށް ދޮންބުރެކި ފާނަވެސް ކިޔައިއުޅެއެވެ. މަހުގެ ކުލައަކީ ނާރިނގު ކުލައެވެ. މަހުގެ ބޮލާއި ދެއަރިމަތީގައި ފަނޑުނޫކުލައިގެ ތިކިތަކެއްހުރެއެވެ. ނިގޫފަތުގެ ކޮޅު ހުދު ކުލައިގައި ހުރުމާއެކު ނިގޫފަތް ހުންނަނީ ހަނދުފަޅި ބުރަށް ކަފިކޮންނެވެ
ބުރެކިޕެޑަލް
ނ ބުރެކި ޖެއްސުމަށް އޮބާ ފިޔަވަޅުގަނޑު
ބުރޯޑުކާސްޓު
ނ ރޭޑިޔޯއިން ދުރަށް އަޑު ފަތުރާ ފެތުރުން
ބުރޯޑުކާސްޓު ކުރުން
މ ރޭޑިޔޯއިން ދުރަށް އަޑު ފެތުރުން
ބުޅަލުބުޑުގައި އުނބުން ޖެހީމާ ދާހެން ދިޔުން
)މިސާލުބަހެއް( (1) ބިރުން ފަސްބަލައިނުލައި ހަރުކޮށް ދުވެފައި ދިޔުން (2) ފަސްބަލައިނުލައި ދުވެފައިދިއުން
ބުޅާކުޅުވުން
މ (1) ފިހިކޮޅެއްފަދަ އެއްޗެއްގައި ރޮއްޖެއްބައްދައިގެން ޅަބުޅަލުގެ ކުރިމަތިން ބިންމަތީގައި ދެކޮޅަށް ކާއްތައިގެން އެޔާ ކުޅޭން ފަރިތަކުރުވުން (2) މަޖާޒު: ނުވިސްނޭވަރުގެ ކުޑަކުދީން ޝަހުވާނީ އެދުމަށް ހޭނުވުން
ބުޅާފިލާ
ނ ފަތްފޮށި ވަކަރުމަތީ އަރިޔަށް އިންދައިފައި އޮންނަވަކަރު
ބުޅިފަނި
ނ އެއްކޮޅުބުޅިޔެއްހެން ހުންނަ ފަންޏެއް މިއީ ވަރަށް ކުޑަކުޑަ ފަންޏެކެވެ މި އުޅެނީ ބިމުގެ ތެތްކޮށްހުންނަ ތަންތަނުގަ އެވެ ހަށިގަނޑަށް މިފަނި ވަންނަނީ ހަމުގެ ތެރޭންނެވެ ވަދެގެންގޮސް އުޅެނީ ގޮހޮރުގެ ތެރޭގައެވެ
ބުޅިފޮށި
ނ މަސްބާނާ ބުޅިއާއި މިޔަވާއްޔާއި ކިރިލި ފަދަތަކެތި އަޅަން މަސްފިލާގަނޑުގައި ކަނޑައި ފައްތައިފައި ހުންނަ ފޮށި
ބުޅިދު
ނ )ބދ ( މޮޔަ
ބުޅިތުނބި
ނ ގޮނޑުދޮށު ދޫނީގެ ބާވަތެއް މިއީ އޮޅުކޮށްގެން ގޯތިތެރޭގައި ގެންގުޅޭ އުމުރު ދިގު ދޫންޏެކެވެ މީގެ ދެތިން ވައްތަރެއް އުޅެއެވެ މިދޫނީގެ ތުން ހުންނަނީ ދިގުކޮށް ގުދުކޮށްނެވެ ފައިދިގުވާނެއެވެ ފަތްތަކުގައި ދޮން ކުލައަކާއި ގަދަ މުށިކުލައަކުން ދެފަތް ކިރުޅިވެފައި ހުރެއެވެ ބަނޑުދަށް ފަރާތް ހުންނަނީ ހުދުކުލައެއްގައެވެ މިއީ ބައެއް ދުވަސްވަރަށް ގިނަގިނައިން ގޮވާލަގޮވާލާ އިންނަ ދޫންޏެކެވެ އެގޮތަށް ގޮވަން ފެށީމާ ވިއްސާރަ މޫސުން ކައިރިވަނީކަމަށް ލަފާކޮށް "ފެނަށްގޮވަނީއޭ" ދިވެހިން ކިޔައިއުޅެއެވެ
ބުޅިގަނޑުމިޔަރު
ނ ދަތްބުޅި މިޔަރު
ބުޅިޖެހުން
މ (1) މަސްބާނާ ބުޅިހެދުން (2) ދޮށީގެ މިޔަވާލީގައި ލައިފައި އޮންނަބުޅި މަސްބޭނުމަށްޓަކައި ހޫރައިފައި ކަނޑަށްޖެހުން
ބުއިން
މ (1) ބޯންގެންގުޅޭ ދިޔާ އެއްޗިހި. (2) ދިޔާތަކެތި ދިރުވުން. (3) ލޮވުން. (4) ފަންޏާއި މާބުރުފަދަ ތަކެތި ލަކުޑިއާއި ހިކިތަކެތި އެތެރޭގައި ހޮއިހެދޭ ގޮތަށް ކެއުން. (5) އޮށްވަޅު ކުޅުމުގައި ހިނދޭވަޅާ ދިމާވާގޮތަށް އަނެއްފަރާތު ވަޅުގައި ހުންނަ ފުއްތައް ނެގުން. (6) ދިޔާ އެއްޗެއް ހިކި އެއްޗެއްގެ ތެރެއަށް ދެމުން. (7) ބިޑި ސުއްޓާ ސިގިރެޓް ގުޑުގުޑާ ފަދަ ތަކެތިން ދުން އަނގަޔަށް ދެމުން (8) އެއްޗެއްގައި ނުވަތަ ތަނެއްގައި އަނގަ ޖަހައިގެން އެތެރެއަށް ދެމުން (9) އެއްޗެއްގާ ހުރި ހިމަލޯވަޅަކުން އޭގެ ތެރެއަށް ފެންވަނުން )01( ލަކުޑިގަނޑެއް ހުޅުރޯނުވެ ވަކިގޮތަކަށް އަނދަމުން ދިއުން
ބުއްފުޅި
ނ ކުޑަ ކުދިންނަށް ދިޔާ ތަކެތި ދޭން ބޭނުންކުރާ ފުޅި
ބުއްދިބޯ
ނ (1) ވިސްނުންތެރިޔާ (2) ތިމާ ބޭނުންވެގެން އުޅޭކަމެއް ހާސިލުކޮށް ގަތުމަށް ކުޅަދާނަ މީހާ (3) ހީލަތްތެރިޔާ (4) މަކަރުވެރިޔާ
ބުއްދިވެރިޔާ
ނ ވިސްނުންތެރިޔާ