radheef.info
ރަދީފު


މަޖާ
ނ (1) އުފާވެރިކަން އެކުލެވިފައިވާ ކަންތައްތައް. (2) ރިހާކުރާއި ހުތާއި ގިތި ފަޅޯ ފަދަ އެއްޗެހި އެއްކޮށްގެން ހަދާ ވަރަށް ކުޅިގަދަ އެއްޗެއް (3) ނއ އުފާވެރިކަން އެކުލެވިފައިވާ
ގެއަށްފޮނުވައިލުން
މ މަޖާޒު: (1) އަނބިމީހާދެކެ ކަމަކާ ރުޅިއައިސްގެން ވަރިނުކޮށް ފިރިމީހާގެ ގެއިންނެރެ އަނބިމީހާ މައިންބަފައިންގެ ގާތަށް ފޮނުވައިލުން (2) ގޭގައި ބެހެއްޓުން
ގޮށަޖެހުން
މ (1) ނަނާއިރޮދިފަދަ އެއްޗެހީގެ ދެކޮޅުގުޅުވުމަށް ބާރުވާ ގޮތަށް މަޅިޔެއް ޖެހުން (2) ގޮށަކަށް ހެދުން (3) މަޖާޒު: ކާވެނީގެ ގޮތުންގުޅުން
ގޮށްރާޅު
ނ (1) އޮޔާ ވަޔާ އިދިކޮޅުވުމުގެ ސަބަބުން އެގޮތް މިގޮތަށް އުފެދިފައި ހުންނަ ރާޅު (2) ގޮށްގޮށަށް ހުންނަރާޅު (3) މަޖާޒު: މަސައްކަތެއްގެ ތެރޭގައި މީހަކު އުފައްދާ ހަމަނުޖެހުން
ގޮށްބުރި
ނ (1) ގަހަކުން ކަނޑައިލައިފައިއޮތް ގޮށްހުރި ބައެއް (2) މަޖާޒު: ވަށްއަގުޅި އަޅައިފައި އޮންނަ ކަންނެޔޮބުރި (3) ކުރުކޮށް ފަލަކޮށް ތިބޭމީހުން
ގޮށްމާވަޑި
ނ (1) އޮމާން ކަމެއްނެތި ކަސްކޮށް ލަކުޑިކޮށް އެއްޗެހި ހަދާމީހާ (2) މަޖާޒު: އާޑެއް ފާޑެއް ނެތްގޮތަށް ކަންތައްކުރާ މީހާ
ގޮށްމުށުބާރު
ނ މަޖާޒު: ނަހަމަގޮތުގައި ބޭނުންކުރާ ބާރު
ގޮށްމޮހުން
މ މަޖާޒު: (1) ކާވެނިރޫޅުން (2) ގުޅުންކެނޑުން
ގޮނޑިހޫނުކުރުން
މ މަޖާޒު: (1) ތަނަކަށް ގޮސް ކަމެއް ކުރަންޖެހޭ މީހަކު ކަމެއް ނުކޮށް ވަގުތު ބޭކާރު ކުރުން (2) ކޮމިޓީ ތަކާ މަޖިލީސް ތަކުގައި އެއްޗެއް ނުބުނެ ތިބޭ މީހުންނާ މެދު ބުނެއުޅޭ ބަހެއް
ގޮނޑިފޮއިއެޅުން
މ (1) ގޮނޑިފޮއި ބޭނުންކޮށްގެން އަލިފާން އެޅުން (2) މަޖާޒު: ލައްޒަތު ނުލިބޭ ވަރުގެ ކުޑަ އަންހެން ކުއްޖަކާ ބޮޑު ފިރިހެނަކު ޖިމާޢުވާން އުޅުން
ގޮނޑީގައިޖަހާ ކޮޅުންއަޑުއެހުން
މަޖާޒު: މީހަކު ބުނާ އެއްޗެއް ބުނިގޮތް ނޫންގޮތްގޮތަށް އަޑު އިވޭ މީހުންނާ މެދު ބުނެއުޅޭ ބަހެއް
ގޮނޑުދޮށަށްއެރުން
މ މަޖާޒު: (1) ކުޑަކަމު ނުވަތަ ބޮޑުކަމު ދިއުން (2) އަތިރިއަށް ދިއުން
ގޮނޑުދޮށަށްފޭބުން
މ މަޖާޒު: ގޮނޑުދޮށަށް އެރުން
ގޮނޑެއްނެގުން
މ މަޖާޒު: މީހަކު މާގިނަ އެއްޗެހި އެއްފަހަރާ ކާން އިންދައި ފެނުމުން ބުނުއުޅޭ ބަހެއް
ގޮނީފުލަށްފޭބުން
މ (1) މަސްބައްދާއިރު މަސްބައްދާ ގޮނީގެ ފުލަށް އެރުން (2) މަޖާޒު: މަސައްކަތް ކުރާހާ ވަރުނެތް މީހުންނާމެދު ބުނެއުޅޭބަހެއް މިސާލު: މޫސަބޭދެން މިހާރު އެހެރީ ގޮނީ ފުލަށް ފައިބައިފައެވެ
ގޮންޏަށްދިއުން
މ މަޖާޒު: މަސްހިފަން ދިއުން
ގޮންޖެހުން
ނ (1) އަންހެނުން އިހުގައި އީދުތެރޭގައި ކުރާކަމެއް. މިކަންކުރާގޮތަކީ ފަހަތުން ދުވެފައިގޮސް "ޢީދުބޮލަށްގޮން" މިހެން ކިޔައިފައި އެ ފިރިހެން މީހާގެ ބޮލުގައި ނުވަތަ ކޮނޑުގައި އަތުން ޖަހައިފައި ދިއުމެވެ. މިއީ އަންހެނުންގެ ކެރޭކަން ދައްކަންކުރާ ކަމެކެވެ. (2) ވާދަކުރުން. (3) މަޖާޒު: މީހަކު ނުވަތަ ބަޔަކު ކަމެއް ކުރުމުން އެހެން މީހަކު ނުވަތަ އެހެން ބަޔަކު އެކަމެއް އެއަށްވުރެ މޮޅަށް ކުރާނެކަމަށް ބުނުން
ގޮރުބުޑު
ނ މަޖާޒު: ކޮންމެވެސްވަރަކަށް ގޮރުވަސް ހުންނަ ނުތާހިރުކޮށް ތިބޭޅަދަރިމައިން ނުވަތަ އެފަދަމީހުން ދެރަކޮށްލުމުގެ ގޮތުން ބުނެއުޅޭބަހެއް
ގޮރުލޯގަނޑަށްވެއްޓުން
ގބ މަޖާޒު: ޅަދަރިމައި އަންހެނަކާ މީހަކު އިނުމުން ބުނެއުޅޭ ބަހެއް
ގޮބިޔާ
ނ )ގ ( (1) ނިދަންމިޔަރު (2) މަޖާޒު: ނިދިގިނަމީހާ
ގޮޅަޔާ
ނ މަޖާޒު: )ގ ( އުރަވަޅި