radheef.info
ރަދީފު


ދެކުނުފަރާތް
ނ (1) އިރުމައްޗަށް މޫނުލައިގެން ހުންނަމީހާގެ ކަނާތް ފަރާތް. (2) އިރުހިނގާ ދަނޑިން ނުވަތަ ރަށެއްގެ ނިސްބަތުގައި ދެކުނަށް އޮންނަތަން (3) މަޖާޒު: އިހުގައި ގޭގޭގައި އަންހެނުން އުޅޭ ފަރާތް
ދެކޮޅަށްދެމުން
މ މަޖާޒު: (1) މީހަކު ނުރުހޭކަމެއްގައި އޭނާގެ ނުޤަބޫލުގައި ހުރިތާކުން އެހެންތާކަށް ގެންގޮސް ގެނެސް ހެދުން (2) އެއްޗެއް ތިމާގެ އެއްވެސް ފައިދާއެއްނެތި އެހެންމީހުންގެ ބޭނުމަށް މާގިނައިން ގެންގޮސް ގެނެސްހެދުމަށް ބުނެއުޅޭ ބަހެއް
ދެކޮޅުއެއްވަރުވުން
މ (1) ދެމީހަކު ނުވަތަ ބަޔަކު ވާދަކޮށްގެންކުރާ ކަންތަކުގައި ވަކިކޮޅެއް މޮޅުނުވެ ނިމުން (2) މަޖާޒު: އަންހެނުން މުސްކުޅިވެ އަނގައިން ދަތްވެރުމުން ބުނެއުޅޭބަހެއް
ދެއައިނަކަށްކުރުއްސައިލުން
މ މަޖާޒު: ދެތަނަކަށް އެއްދިއުމެއްގައި ގޮސްލުމަށް ބުނެއުޅޭ ބަހެއް
ދެއައިނުގައި އެއްކުރަނގި
މަޖާޒު: (1) ދެއަންހެނަކާ ހިތާވެގެން އުޅޭ އެއް ފިރިހެނާ (2) އެއްވަރެއްގެ ބޮޑު ދެމަސްއޫލިއްޔަތެއް އެއްފަހަރާ އެކަކު އަދާކުރަން ޖެހުމުން ބުނެއުޅޭ ބަހެއް
ދެއިރުދޭތެރޭތޮރުފި
ނ ދެއިރުދޭތެރޭގެ ކެއުމެއް މިއީ ސަމާއައިސްގެން އުޅޭއިރު ބެރުވެރިންނަށް ގެންދާ ކެއުމަކަށް ކިޔާނަމެކެވެ
ދެއްވާފަރާތަކަށްމަދެއްނުވާނެ
)މުސްކުޅިބަހެއް( ދީލަތިވުމަށް ހިތްވަރު ދިނުމުގެ ގޮތުން ބުނެއުޅޭ ބަހެއް
ދެއްވިއެއްޗަކާ ހަކުރާކެއުން
މަޖާޒު: އެވަގުތަކަށް ކާންލިބިފައި ހުރި އެއްޗަކުން ފުއްދައިލުމަށް ބުނެއުޅޭ ބަހެއް
ދެވެލިބެދުނުހިސާބު
ނ (1) ހުދުވެއްޔާއި ކަޅުވެއްޔާ ގުޅޭ ހިސާބު (2) ކަޅުފަހާއި ހުދުފަސް ބެދުނު ހިސާބު (3) ދެފަސްދޭތެރެ
ދެމިވޮޑިގެންވުން
މ ދެމިގެންވުން މިބަސް މާތް ﷲއަށް ނިސްބަތްކޮށް ބުނެއުޅޭގޮތް
ދެމީދާފެހިބުޅާހެން
)މިސާލުބަހެއް( އެއްވަގުތެއްގައި އެއްފަހަރާ ނުކުރެވޭ ކަހަލަ ދެކަމެއް ކުރަން ދިމާކުރުމުން އޭގެތެރެއިން އެއްކަމެއްވެސް ނުކުރެވޭނެކަން ބަޔާންކޮށް ދިނުމަށް ބުނެއުޅޭ ބަހެއް
ދެފަހަރަށްގެނައިމާއިންނަހެން
)މިސާލުބަހެއް( މީހަކުކަމަކާ މާބޮޑަށް ގަޔާނުވެ އިންނަން ފެށީމާ އެމީހަކާމެދު ބުނެއުޅޭ ބަހެއް
ދެފަށްދަންމާނުގައި
މަޖާޒު: ގެއެއްގެ ނުވަތަ ތަނެއްގެ ހުރިހާ ކަމެއް އެކަނިމާއެކަނި ކުރަން ޖެހުމުން ބުނެއުޅޭ ބަހެއް
ދެފައިދެރާއްޖޭގައިއެޅުން
ގބ މަޖާޒު: ދެފައި މާދުރުގައި އެޅުމުން ބުނެއުޅޭ ބަހެއް
ދެފޫދޯރި
ނ (1) މަހުފުލަށް ފޭލިއަނދެފައި ހުންނައިރު ހުންނަގޮތް (2) މަޖާޒު: އެއްވާހަކައެއް ދެމީހެއްގެ ގާތުގައި ދެގޮތަށް ދައްކައި އުޅޭ މީހާ
ދެދުނިޔޭން ގެއްލުން
މ މަޖާޒު: (1) ހެޔޮކަމެއްނުކޮށް ހުސްނުބައިކަންތައް ކުރާ މީހުނާމެދު ބުނެއުޅޭ ބަހެއް (2) ދުނިޔެއާއި އާޙިރަތުން ގެއްލުން
ދެލިބޭލުން
މ ކައްކަން ގެންގުޅޭ ތެލިބުރިއާއި ފުފޭފަދަ އެއްޗެހީގެ ބޭރުފުށުގައި ދެލިބޯވީމާ ދެލިއުނގުޅައި ސާފުކުރުން
ދެލިފިހި
ނ އޮޑިދޯނިފަހަރު ބަންނައިރު ވަޑިން ދެލިޖަހަންގެންގުޅޭ ފިހި
ދެލިފޭލި
ނ އޮޑިދޯނި ފަހަރު ބަނުމުގެ މަސައްކަތުގައި އުޅޭއިރު ވަޑިން އަންނަން ދޭފޮށާ ނުވަތަ މުންޑު
ދެލިޖައްސާމުގުރު
ނ އޮޑިދޯނިފަހަރު ބަންނައިރު ގެންގުޅޭ މުގުރެއް މިމުގުރު މާމުގުރަށްވުރެ ކުޑަވާނެއެވެ