radheef.info
ރަދީފު


ނުވަތަ
އ (1) ނޫންނަމަ (2) އެހެންނާ (3) އެހެންޏާ
ފެނަށްލުން
މ (1) ހަށިގަނޑުގެ ބޭރުގައި ހަލާކުވާ ތަންތަން ސާފުކުރުމަށާއި އެފަދަ ތަންތާ އަޅާ ބޭސް ނެއްޓުމަށް ފޫއްދުމަށްޓަކައި ފެނުގެ ތެރެއަށް ބޭނުން. (2) މާމެލާ މެލިފަދަ ތަކެތި ވަޅޯވިއަ ނުދިނުމަށްޓަކައި ފެނުގައި ބެހެއްޓުން. (3) އެއްޗެހި ފޯކުރުމަށްޓަކައި ނުވަތަ ސާފުކުރުމަށްޓަކައި ފެނަށް އެޅުން ނުވަތަ ފެނުގައި ބެހެއްޓުން
ފެނުން
މ (1) ލޮލަށް އިހްސާސްވުން (2) ސިކުނޑިއަށް ނުވަތަ ހިތަށް އެއްޗެއް ނުވަތަ ކަމެއް ސިފަކުރެވުން (3) ކުރިން ހުރިކަން އެނގިފައި ނުވާ އެއްޗެއް ހުރިކަން އެނގުން މިސާލު: ތެޔޮ ފެނުން (4) ގެއްލިފައިވާ އެއްޗެއް ނުވަތަ މީހެއް ހުރިތަން ނުވަތަ އޮތްތަން އެނގުން (5) ބުއްދިއަށް ލަފާކުރެވުން
ފެނުޖެހުން
މ (1) ދަގަނޑުން ހަދައިފައި ހުންނަ އެއްޗެއްސަށް ހަރުކަން ގެނައުމަށްޓަކައި ދޮންކޮށްފައި ވަކިގޮތަކަށް ފެނުގައި ޖެއްސުން. (2) ބާރަށް ކުރިއަށްދާ އެއްޗެއް ފެންގަނޑުގެ މަތީގައި ނުވަތަ ބިމުގައި ޖެހިފައި ނައްޓާލައިގެން ކުރިޔަށް ދިއުން
ފެން ބަންދުކުރުން
މ ފެންނާންނަގޮތް ނުވަތަ ފެންނުލިބޭގޮތް ހެދުން
ފެންހިންދާވަޅުގަނޑު
ނ (1) ވަޅުގަނޑެއް ކޮނެ އާނުކަނޑައި ވަށައިގެން ރާނައި މައްޗާ ހަމަކޮށް އަޑިއަށް އަކިރި އަޅައިފައި ހުންނަ ވަޅު (2) ތިލަކޮށް ކޮނެލައިފައި އަކިރި ނުވަތަ ގައު އަޅައިފައި ހުންނަ ތަން
ފެންހިންދުން
މ (1) ބަތް ފަދަ ތަކެތި ކައްކާއިރު ފެން ހުސްވަންދެން ކެއްކުން (2) ތަނަކުން ނުވަތަ އެއްޗަކުން ފެން ހިނދި ހުސްވާނެގޮތް ހެދުން
ފެންހިކުން
މ (1) ތެމިފައިވާ ނުވަތަ ތެތްކަން ހުރި އެއްޗަކުން ފެނުގެ އަސަރުކެނޑުން (2) އެއްޗެއް ނުވަތަ ތަނަކުން ފެން ހިނދުން
ފެންހިއްކުން
މ (1) ފެންހުރި އެއްޗަކުން ނުވަތަ ތަނަކުން ފެން ނަގާ ހުސްކުރުން (2) ތެތްއެއްޗެއްގައި ހުރި ތެތްކަން ކަނޑުވައިލުން (3) ގައި ހިއްކުން
ފެންހެދުން
މ (1) ބިންބިމުގައި ފެން އުފެދުން ނުވަތަ އުފެދިފައި ހުރުން (2) ފާރުގަނޑުގައި ފެން އުފެދުން
ފެންނުކުތުން
މ (1) އެއްޗަކުން ނުވަތަ ތަނަކުން ފެންއައުން (2) ފެން ފާޅުކުރެއްވުން
ފެންނެތްބޮޑުކާށިބިނުން
މ )މުސްކުޅިބަހެއް( އެމީހަކަށް ނުވެވޭ ވަރުގެ ކަމެއް ކުރިކަމަށް ނުވަތަ ކުރާނެކަމަށް ވާހަކަދެއްކުން
ފެންނެގުން
މ (1) ފެނާއި އެހެން އެއްޗަކާއި އެކުވެފައިވަނިކޮށް އެއިން ފެންވަކިކުރުން (2) ފެންހުރިއެއްޗަކުން ނުވަތަ ތަނަކުން ފެންނެގުން (3) ވާރޭވެހޭ ވަގުތު ކަންވާރު ފަދަ އެއްޗިއްސަށް ފެންއެޅޭގޮތް ހެދުން
ފެންބޮވުން
މ (1) މީހަކު ނުވަތަ ދިރޭއެއްޗެއް ފެނަށް ބޭނުންވެފައިވުން މިސާލު: މިއީ ވަރަށް ފެންބޮވާ ދުވަހެކެވެ (2) އިޚްތިޔާރަކާނުލައި އެތެރެހައްޓަށް ފެން ވާޞިލުވުން (3) މަޖާޒު: އެދުންވެރިވުން
ފެންބޮޑުވުން
މ ވާރޭވެހިގެން ނުވަތަ އެނޫންވެސް ގޮތަކުން ތަނަކަށް ފެން ޖަމާވެ ގިނަވުން
ފެންކަރު
ނ ފެންވައިރު ކުރާއިރު ބޭނުންކުރާ ފަސޭހައިން ގޮތްގޮތަށް ލެނބޭ ހޮޅިއެއް. މިއެލްމެނިއަމުންވެސް ޕްލާސްޓިކުންވެސް ހަދައިފައި ހުރެއެވެ. މިބޭނުން ކުރަނީ ފެން ފޮނުވާދޭ ހޮޅިއާއި އަތް ދޮންނަ ތަށީގެ އިސްކުރާއި ނުވަތަ ފާޚާނާތަށީގެ ތާނގީއާއި ގުޅުމަށެވެ
ފެންކައްކާބޮލި
ނ (1) ބޮލީގެ އެންމެ ބޮޑެތި ވައްތަރު މިބޮއްޔަށް ފެންކައްކާ ބޮއްޔޭ ކިޔަނީ ކަރުވިހަ ފަދަ ވިހައަށް ބޭސްފެނެއް މިބޮއްޔަށް އަޅައިގެން ކައްކާތީއެވެ މިއީ ވިލުދޮޅީގައި ނުވަތަ ދޮންފަޅުގައި އުޅޭ ބޮއްޔެކެވެ މިބޮލީގެ ތުންފަތަށްވާ ހިސާބު )މަސްގަނޑު އަރާ ހިސާބު( ހުންނާނީ ރަތްކުލައެއްގައެވެ ބޭރުތޮށިގަނޑުގައި އުންތަކެއް ހުންނާނެއެވެ (2) މަޖާޒު: އެމީހެއްގެ ބޭނުމެއް ޖެހުނީމާ ކަމޭ ހިތައިގެން އުޅެފައި ބޭނުން ކެނޑުނީމާ އަޅާ ނުލައި ތިބޭ މީހުންނާމެދު ބުނެއުޅޭ ބަހެއް
ފެންކުލަ
ނ ފެން އަޅައިގެން ކުލަ ޖެއްސުމަށް ނުވަތަ ފާރުގައިލުމަށް ހަދައިފައި ހުންނަ ކުލަ
ފެންކޮށާވަޅި
ނ ވިހައިގެން ހަތްދުވަސްވެގެން ބޭރަށްލާއިރުގައްޔާއި ސާޅީހަށް ފެންއަޅާއިރު ފަންޑިތަ ހަދައިފައި އަންހެން މީހާގެ އަތަށް އެދުރުމީހާދޭ ކޮށާވަޅި ނުވަތަ ފިޔޮހި
ފެންއިސްކުރު
ނ ފެން އަންނަ ގޮތަށާއި ފެން ބަންދުވާގޮތަށް ފެން އަޅާ އެއްޗަކާ ނުވަތަ ހޮޅިޔަކާ ގުޅުމަށް ހަދައިފައި ހުންނަ އެއްޗެއް
ފެންއުޅާލި
ނ ފެންކޮށް ހަދާ އުޅާލި. )ހަނޑުލުފުށް ނުވަތަ ގޮދަން ފުށް މޮޑެފައި ހިމަކޮށް ފޯލިވާގޮތަށް ދަމައި އެކިގޮތްގޮތަށް އަޅައިފައި ތެލުލައިފައި ހުންނަ ހެދިކާ އެއްޗެއް