radheef.info
ރަދީފު


ޔާ
އ ނަމަވުމުގެ އަކުރު މިސާލު: )ހ( ދިނިއްޔާ )ށ( އައިއްޔާ
ހިކިއަމުރު
ނ (1) ތިމާޔާ ޙަވާލުވެފައި ނެތްކަމަކަށް ކުރާއަމުރު (2) ނުހިނގާ އަމުރު
ހިކިއަމުރުކުރުން
މ (1) ތިމާޔާ ޙަވާލުވެފައިނެތްކަމަކަށް އަމުރުކުރުން (2) ނުހިނގާ އަމުރު ކުރުން
ހިއާވަހި
ނ ހިޔާވަހި
ހިއާވަހިކަން
ނއނ ހިޔާވަހިކަން
ހިއްލުން
މ (1) ނެގުން. (2) އުފުލުން. މިސާލު: )ހ( މިގާ ހިއްލާލަދީބަލަ! )ށ( ހެދުން ނުހިއްލާ! (3) ނޭވަޔަށް އުނދަގޫވުން. (4) ރިޔާނަގައިގެން ދުއްވާ އެއްޗެހި ވަޔަށް ނެގުން. (5) ވޮލީ ކުޅޭއިރު ސޮޓްޖެހުމަށް ބޯޅަ އުފުއްލައި ދިނުން. (6) ހުޅުވުން (7) މަޖާޒު: ކޮޅުވުން
ހިއްސާދާރު
ނ މުދަލުގެ ނުވަތަ ފައިސާގެ ނުވަތަ އެނޫންވެސް އެއްޗެއް ނުވަތަ ކަމެއްގެ ބައިވެރިޔާ
ހިއްޗަށްވަޑައިގަތުން
މ (1) ރަމަޟާންމަހު 22، 24، 26، 28 މިދުވަސް ދުވަހު ހަވީރު ނުވަތަ މިދުވަސް ދުވަހާއި ވިދިގެން އަންނަ ރޭރޭ ކުރާރަސްމީ ކަންތައް އަދާ ކުރެއްވުމަށް ރަދުން ނުވަތަ ހަތްކޮޅު ނަގާ ބޭފުޅުން އެދުވަހަށް ޚާއްޞަ ވެގެންވާ ޒިޔާރަތެއްގެ ދޮށަށް ރަސްމީގޮތުގައި ވަޑައިގަތުން (2) "ހިތި" ބަލާ!
ހިމަބޯދު
ނ ބޯދީގެ އާއިލާގެ ބާވަތެއް މިއީ އެހެނިހެން ބޯދީގެ ބާވަތްތަކަށްވުރެ ހިމަ އެއްޗެކެވެ މީގެ ބަނޑުދޮށް ފަރާތުން ކަރުތާފަތާ ދިމާ ތިރީގައި ހުންނަ ކޮތަރިބައި ބޮލުގެ ދިގުމިނުގެ ދެބައިކުޅަ އެއްބައިހާ ދިގެވެ މަހުގެ ކުލައަކީ މަޑު ފިޔާތޮށި ކުލައެވެ މަހުގެ ތުނބުން ފެށިގެން ލޯހުރަސްކޮށް މަހުގެ ކަރުތާފަތްގަނޑުގެ ކޮޅަށް ގަދަމުށި ކުލައިގެ ރޮނގެއް ދެމިފައި ހުރެއެވެ
ހިތި
ނ (1) ހަބަރުގައި ހުންނަރަހަ. (2) ބާވަތެއްގެ ފަތްކުދި ބޮޑުގަހެއް. (3) ހިތިގަހުގެ އޮށް. (4) ބަތާލައިގެން ކާން ފުނޑި ހަވާދުނުލާ ކައްކާ ދޮންރީނދޫ ކުލައިގެ ދިޔައެއް. މީގެ ތެރެއަށް ހިތި ދަމުއިލުމީ ކޮންމެހެން ބޭނުން ކަމެކެވެ. (5) ހިޔާނުކޮށް ހުންނަ ފެންގަނޑުގައި އުފެދޭ ދޮން ފެހި ކުލައިގެ ކުދިކުދި ދިރޭއެއްޗެއް. މީގެ ބޮޑުމިންވާނީ ގެރެވިފުކެއް ވަރެވެ. އެކަމަކު އޭގެ ސަބަބުން މުޅި ފެންގަނޑު އޮންނާނީ އޮލަވެފައެވެ. (6) ބަބުކޭލުގެ ތެރޭގައި ހެދިފައި ހުއްޓާ ފެންނަ ފެހިކުލައިގެ ބައްޔެއް. (7) ރަމަޟާންމަހުގެ 22، 24، 26، 28 މިދުވަސް ދުވަހާއި މިދުވަސްދުވަހާއި ވިދިގެން އަންނަރޭރޭ ކޮށްއުޅުނު ރަސްމީ ކަންތައްތަކެއް (8) ނއ ރަހައާއި ގުޅޭ ގޮތުން ބޭނުންކުރާ ނަންއިތުރެއް މިސާލު: ހިތިބޭހެއް (9) މަޖާޒު: ކަމަކުންނުކުންނަ ދެރަނަތީޖާ: މިސާލު ހިތިނަތީޖާ (10) ހިތަށްކުރާ ވޭނީ އަސަރު މިސާލު: ހިތިހިތާމަ (11) "ހިތުން" މިބަހުގެ ނިމިނިމުނުކަން
ހިތިހުންބޭސް
ނ ބޭރުގައި ހަކުރު ނުލާހުންނަ ހުންބޭސްގުޅަ މީގެ ދިޔާ ބޭސްވެސް ހުރެއެވެ އެހުންނާއި މަޑުފިޔާތޮށި ކުލައިގައެވެ
ހިތިވުން
މ (1) ހިތިރަހަދިނުން (2) މަލާއި މޭވާފަދަ ތަކެއްޗަށް ލިބޭ ހާނީކައަކުން އޭގެ ރަހަޔާއި ވަސް ބަދަލުވުން (3) މަޖާޒު: ނުބައިވުން
ހިތިދުވަސް
ނ ރަމަޟާންމަހު 22، 24، 26، 28 މި ހަތަރު ދުވަސް. މިއީ ރަސްމީ ގޮތުން ރަސްކަލަކު ބައެއް ވަލީވެރިންގެ ޒިޔާރަތަށް ފާތިޙާ ވިދާޅުވުމަށް ވަޑައިގަންނަވާ ދުވަސް ދުވަހެވެ. (1) ހެންވޭރު ބޮޑު ހިތީގައި ޙަބްޝީގެފާނުގެ މަޤާމްފުޅަށް. (2) މާފަންނު ބޮޑު ހިތީގައި އަލި ރަސްގެފާނު ޒިޔާރަތަށް. (3) ހެންވޭރު ކުޑަހިތީގައި މެދުޒިޔާރަތަށް. (4) މާފަންނު ކުޑަހިތީގައި ފަޤީހު ސުލައިމާނު ޒިޔާރަތަށެވެ. ފަހުން މިކަމުގެ ރަސްމިއްޔާތު ރޭގަނޑަށް ބަދަލުވީމާ އޮންނަނީ 23، 25، 27، 29 މިރޭ ތަކުގައެވެ
ހިތިގަސް
ނ އުސްކޮށް ބޮޑުތާނގައި ފެތުރިގެންހެދޭ ލަކުޑިމޮޅުގަހެއް. މިގަހުގެ ލަކުޑި ހުންނާނީ މަޑުމުށިކުލައިގައެވެ. މިގަހުގެ ދަނޑިޔާއި ފަތަކީ އެކިކަންކަމަށް ފައިދާހުރިބޭހެކެވެ. ފަތްހުންނާނީ ކުރިޔަށް ހިމަކޮށް ބުޑުދޮށަށް ފަލަކޮށް އަރިޔަށް ލެނބިލައިފައެވެ ފަތުގެކައިރިފަށް ހުންނާނީ ތުނޑުތުނޑުލައިފައެވެ ފަތުގައި ވަރަށް ގިނަ ގަދަ ހިތިރަހައެއް ހުންނާނެއެވެ
ހިތީކިޔެވުން
މ ހިތިދުވަހު އަޞްރު ނަމާދުން ފައިބައިގެން ބޮޑު ކިއެވެނީންނާއި ކަމުވޮށިނުވޮށީން އެދުވަހު ހިއްޗަށް ވަޑައިގަންނަވާ ޒިޔާރަތެއްގެ ކައިރީގައި ފޮތް ފޮއްޓެއް ކިއެވުން
)ހަރުބަހެއް( ބޭނުންނެތް ނަމަ ސާފުކޮށް ބުނުމަށާއި އަނެކާގެ ހިތުގައި ނުޖެއްސުމަށް ނަސޭހަތްތެރި ވުމުގެ ގޮތުން ބުނެއުޅޭބަހެއް ހިތްހިތުގައި ނުޖައްސާށެވެ ހިތްނެތިއްޔާ ނުކުރާށެވެ
ހިތްކާފަރުކުރުން
މ މަޖާޒު: ޝަހްވާނީ ޚިޔާލު ހިތަށް ވެއްދުން
ހިތްކާފަރުވުން
މ މަޖާޒު: ޝަހްވާނީ ޚިޔާލު ހިތަށް ވަނުން
ހިލަކިހުނު
ނ ބައްޔެއްގެ ނަން. މިބަލީގައި ކުޑަކަމުދިއުން ދަތިވެ ބަނޑުގައިރިހި ކުރިމަތި ފަރާތުން ހިލަ ނުވަތަ ވެލިކަހަލަ އެއްޗެއް އަންނާނެއެވެ. އަޞްލުގައި ކިހުނުބައްޔާއި ހިލަ އުފެދޭ ބައްޔާއި މާބޮޑުގުޅުމެއް ނޯވެއެވެ ނަމަވެސް ދެބަލީގައިމެ އަވަސް އަވަހަށް ކުޑަކަމުދާން ޖެހިފައި ކުޑަކަމުދާއިރު ތަދުވާގޮތްވާތީ ހިލަކިހުނޭ ކިޔާފައިވަނީއެވެ
ހިލަފުއްޕުން
މ (1) ހަށިގަނޑުގެ އެކިތަންތާނގެ މަސްގަނޑަށް އަރުވާ ބާރަކުން އާދަޔާ ޚިލާފަށް އެތަންތަން ހަރުކުރުން. (2) ފުލޯކުވާހަކައިގައި އަންނަ ޞިހުރުވެރީން އެއުރެންގެ ހަށިތައް ހަދާގޮތެއް އެހެން ހެދުމަށްފަހު ކަނޑިއެއް ލޮންސިއެއް ނުވަންނަކަމަށް ބުނެވެއެވެ
ހިލިކުސަ
ނ (1) ފޮނިކާއެއްޗެއް (2) މަޖާޒު: ކައްކާންއުޅެ ރަނގަޅަށް ނުކެކިގެން ދެން އެހިލައި ރޯފިލުވީމާ ކިޔާނަން