radheef.info
ރަދީފު


ސުން
ނ (1) ހިސާބު ޢިލްމުގައި ބޭނުންކުރާ ތިއްކެއް ނުވަތަ ބޮޅެއް މިތިކި ނުވަތަ ބޮޅު އަދަދެއްގެ ކަނާތްފަރާތުގައި ޖަހައިފިނަމަ އޭގެ އަގު ދިހަގުނައަށް އިތުރުކޮށްދެއެވެ ވާތްފަރާތުގައި ޖެއްސަސް އަގު އިތުރެއް ނުވެއެވެ (2) އަގެއްނެތް
ފަހުބުދަފަންސަވީސް
ނކ ނަކަތްތެރިންގެ ބަހުގައި ސުންޕާކަމަށް ނިސްބަތްކުރާ ދުވަހެއް
ފަނިއެޑުން
މ )ޏ.ސ.( (1) ފަނިއެޅުން. (2) ]ޏ.[ ރާފޮނި ހަކުރު އަޅައިގެން ހަދައިފައި ހުންނަ ފަނި އޮއްސުން
ފަންބަނުން
މ (1) ރުއްގުނުމުގައި ގުނަމުންދާ ރުއް ފާހަގަ ކުރުމުގެ ގޮތުން ފަންވަތް އެއްސުން (2) ރޮދު ލުމުގައި ބޭނުންކުރާ ވަލުގައި ފަންއެއްސުން
ފަންކާޖެހުން
މ ކަރަންޓުން އަނބުރާ ފަންކާ އެނބުރޭގޮތް ހެދުމަށްޓަކައި ސުވިޗު ޖެއްސުން
ފަންކުރެހުން
މ ފަން ކިރިއްސުން
ފަންކޯރިބަނުން
މ ފުރާޅުގެ ތެރެއިން މައްޗަށް އަރައިފައި ހުންނަ ގަސްގަހާއި ވަސްމުޑި ފަދަ އެއްޗެހީގައި ބިންފަތްގަނޑެއްގެ ހުނގުލު ރޯނުން ތިރި ފުރާޅުމަތީގައި ޖެހޭނެހެން އެފަންގަނޑެއް އެއެއްޗެއްގެ ވަށައިގެން ބާރަށް އޮޅާ އެއްސުން
ފަންވަތްއެޅުން
މ ފަންޑިތަ ހަދައިފައި ފަންވަތް އެއްސުން
ފަންސުރުޖެހުން
މ ތުނޑު ހުންނަގޮތަށް ފަންސުރުގެ ކޮޅު ފޭއްސުން
ގެޒެޓުކުރެވުން
މ ރައްޔިތުންގެ މަޖްލިސުން ފާސްކުރާ ބިލެއް ރަސްކަލަކު ނުވަތަ ރައީސަކު ތަސްދީޤު ކުރެއްވުމަށްފަހު ދައުލަތުގެ ގެޒެޓުގައި ޝާއިއު ކުރެވުން
ގޭރަށްލުން
މ )ސ ( (1) ގިޔަރަށްލުން (2) ގިޔަރަށް ޖެއްސުން
ސޮއްސައިލުން
މ ސޮއްސުން
ސޯޅިޔާހުނި
ނ (1) ސުންޑެލި. (2) ކާށި ހުންޏަށް ފިޔަޔާއި ރޯ މިރުހާއި ލުނބޯހުތާއި ލޮނާއި ރީނދުލާއި މިތަކެތި ރަހަލާވަރަށް ލައި އެއްކޮށް ތަވައެއް ނުވަތަ ތެއްޔެއްގައި ދަވައިގެން ތައްޔާރުކުރާ ހުންޏެއް ދަވާނީ ހުނިހިކިލާވަރަށެވެ
ފަރުޖައްސާލުން
މ ފަރުޖެއްސުން މިބަސް ލުއިކޮށް ބުނާގޮތް
ފައިކިޔުން
މ ސުންޕާކަމަށް ބުނުން މިސާލު: ތިޔަގޯއްޗަކީ ފައި ކިޔާފައި އޮންނަ ގޯއްޗެކެވެ ތިޔަތާކު މީހަކަށް ނުއުޅެވޭނެއެވެ
ފައިދާލުން
މ އެއްޗެއްގެ އަގު ހަމަޖައްސާއިރު ޚަރަދު ކަނޑައި ނަފާވާގޮތަށް އަގު ހަމަޖެއްސުން
ފައްތަރުމަތި
ނ (1) ދެ އެއްޗެއް ގުޅައިފައި ނުވަތަ ބައްދައިފައި ހުންނަތަން. މިސާލު: ފަރުމާނު ފަދަ އެއްޗެއް ބިންދައިގެން ދިޔައިމާ އޭގެ ދެކޮޅު ޖައްސައިފައި އެ ބިނދުނު ތަނުގެ ވަށައިގެން އޮއްޓު އަޅައިފައި ހުންނަތަން. (2) ދެ މޫސުން ބެދޭ ދުވަސްވަރު. (3) އެއްކަމަކުން އަނެއްކަމަކަށް ނުވަތަ އެއް ޙާލަތަކުން އަނެއް ޙާލަތަކަށް ބަދަލު ވަމުން ދާ ދުވަސްވަރު
ފައްތަރުދެއްކުން
މ އެއްމޫސުން އަނެއް މޫސުމަށް ބަދަލުވާއިރު އުދަރެހުން ވިލާތައް ނެގުން
ފަތެޅެހެދުން
މ )ޏ ސ ( އޮޑިދޯނި ފަހަރުގެ މަޑޫ ޖަހަމުން ދާއިރު ދެމަޑޫ ބުރީގެ ދެކޮޅު ހިމުންކޮށް ޖެއްސުން
ފަލިބަނުން
ނ (1) މެއްކުގައި ފަލިއެއްސުން (2) ފަލިތަނޑުގައި ދޫއެއްސުން
ފަލިލުން
މ (1) މެއްކުގައި ހުންނަ ޅާނބުގެ ތެރެއަށް ފަލީގެ ތަންޑު ވެއްދުން (2) މެއްކުގައި ފަލިއެއްސުން