radheef.info
ރަދީފު


ލޯ
ނ (1) ދިރޭ އެއްޗެހީގެ ހަށިގަނޑުގައި ލައްވައިފައިވާ ފެނުމުގެ ބާރު އެކުލެވޭ ގުނަވަން. (2) ލޮއި. (3) ކާށީގެ މޫނުމަތީގައި ވަށްކޮށް ހުންނަ ތިންތަން ރުއް ފަޅަނީ މި ތިން ތަނުން ކުރެ ބޮޑުކޮށް ހުންނަ ތަނުންނެވެ
ކަންނެލި
ނ ކަނޑުމަހުގެ ބާވަތެއް. މިއީ ލައްޓިއާއި ވައްތަރު ލައްޓީގައި ހުންނަގޮތަށް ތިކިނުހުންނަ އެއަށްވުރެ ބޮޑެތިވާ މަހެކެވެ. މީގެ ދެތިންވައްތަރެއް ހުރެއެވެ. މީގެ ތެރޭގައި ލޯބޮޑުކަންނެއްޔާއި ނިގޫ ދިގުކަންނެއްޔާއި ރީނދޫ އުރަހަކަން ނެލިހިމެނެއެވެ
ކަންބަޅި
ނ (1) ބަކަރީގެ ބާވަތެއް މިއީ އޭގެ ކެހެރިޔާ މަހުގެ ބޭނުމުގައި ގެންގުޅޭ އެއްޗެކެވެ މީގެ ކެހެރި ހުންނާނީ ވަރަށް ބޯކޮށެވެ (2) ފުރާދުއްވާ އެއްޗެހީގައި ލޯޖަހާއިރު ބަތާނައަކަށްލާ ތަރުފާލު
ކަބީލާފުލުސް
ނ ދެއެއްޗެއް ގުޅުވަން ކަބީލާޖަހާ މަލަރު ކުރާއިރު ކަބީލާގެ ތުނޑު ކޮޅަށް އަމުނާ ލޯފޮތި
ކަޅަލިބިބީ
ނ ބިބީގެ ބާވަތެއް މިމަހުގެ ވަށައިގެން ހުންނަނީ ރީނދޫކުލައެވެ މަހުގެ އަރިމަތި ހުދުވެފައި ކަޅުކުލައިގެ ރޮނގުތަކެއް ހުރެއެވެ ކޮތަރިބައިގެ ކުރީކޮޅުން ބަނޑުދަށް ފަރާތުގައި ކަޅުކުލައިގެ ލަފެއް ހުރެއެވެ މަހުގެ ލޯހުރަސްކޮށް ކަޅުކުލައިގެ ފުޅާ ރޮނގެއް ހުރެއެވެ
ކަޅިއުކުން
މ އެތަން މިތަނަށް އަވަސް އަވަހަށް ލޯހިންގުން
ކަޅިއެޅުން
މ އެއްޗަކާ ދިމާއަށް ޙާއްސަގޮތަކަށް ކަޅިހުއްޓައިލައިގެން ބެލުން. މިގޮތަށް ގިނައިން ބަލައިއުޅުނީ ލޯބިވެރި ކަމުގައްޔާއި އެދުންވެރި ކަމުގައްޔާއި ރުޅިވެރި ކަމުގައެވެ
ކަޅިމަތި
ނ (1) ލޯމަތި (2) ބެލުންހުރި ފަރާތް
ކަޅުބަބުރު
ނ (ހއ) ބަބުރުލޯފިނދު
ކަޅުއޮށް
ނ ފަރުމަހުގެ ބާވަތެއް މިމަހުގެ ކުލައަކީ ކަޅުރަތްކުލައެވެ ބަޑުދަށް ފަރާތުގައި މިކުލަ ހުންނަނީ ވަރަށް ފަނޑުކޮށްނެވެ މަހުގެ ތުނބުން ފެށިގެން ލޯހުރަސްކޮށް ދެވަނަ ކޮތަރިބައި ނިމިފައިވާ ހިސާބަށް ކަޅުކުލައިގެ ރޮނގެއް ހުރެއެވެ މިރޮނގުގެ ފަހަތުން މަހުގެ ނަގޫކޮޅުގައި ކަޅުކުލައިގެ ލަފެއް ހުރެއެވެ މަހުގެ ތުނބުގައި ދެނަރުވާ ހުންނާނެއެވެ
ކަކުނި
ނ (1) އާންމުކޮށް ގޮނޑުދޮށުގައި ހަރުކޮނެގެން އުޅޭ ދިރޭ އެއްޗެއް މީގައި ހަރުތޮށިގަނޑެއް އޮވެފައި އަށްފައާއި ދެދަތްގަނޑު ހުރެއެވެ މީވަކި ބޮލެއް ނުހުންނަ ހަށިގަނޑުން ބޭރަށް ދެލޯ ނުކުމެފައި ހުންނަ އެއްޗެކެވެ މީގެ ތަފާތު ބާވަތްތައް ހުރެއެވެ (2) އެއްޗެހީގައި ހިފަން ގެންގުޅޭ ދަގަނޑު އާލަތެއް މީގައި ދެފައިކަށި އޮވެފައި މޮހޮރުފަދަ އެއްޗެތީގައި ހިފޭކަހަލަ ގުދުކޮށްފައި އޮންނަ ދެދަތްގަނޑު ހުރެއެވެ
ކައްޓެޅި
ނ ފަރުމަހުގެ ބާވަތެއް މިއީ ދިގުކޮށް ފަތިކޮށް ހުންނަ މަހެކެވެ އަނގައާއި ލޯބޮޑެވެ މަހުގެ ދަތްތައް ކޮޅަށް އޫވެފައި ވަރުގަދައެވެ މަހުގެ ކުލައަކީ ގަދަމުށިކުލައެވެ މުޅި މަހުގައި ވައިލެޓު ކުލައިގެ އޮފެއް ހުރެއެވެ
ކަވައްކެނޑުން
މ ފޮނުވަތުން ތޮރުފާއިރު ވައްކޮށް ރީތިކޮށް ލޯވަޅު ހުންނާނޭހެން ފޫދުއްވައިލުން
ކަވާޖެހުން
މ ކުރަފަތަކުން ޖަހައި ލޭކޮށައިލުމަށްފަހު އެތާނގެ ހަންގަނޑުގައި ކަވާފުޅި ހިއްޕައި ފުޅީގައި ހުންނަ ލޯވަޅުގައި އަނގަޖަހައި ނުބައިވެފައި ހުންނަ ލެޔާއި ނުބައި މާއްދާތައް ދަމައިގަތުން
ކަފުލޯ
ނ މަޢުދަނީ ދެތިންބާވަތެއް އެއްކޮށްގެން ހަދާލޯއެއް
ކަފުލޯއަޑު
ނ (1) ކަފުލޯގަނޑެއްގައި ޖަހައިލީމާ ނުކުންނައަޑު. (2) ހިމަ ރީތި ތޫނު އަޑު
ކަދާ
ނ (1) ފެން ބޯން ގެންގުޅޭ ލޯވަށި (2) ފޫލީ ބޯތަށްޓެއްގެ ސިފައިގައި ކަފުލޯއިން ހަދައިފައި ހުންނަކަންވާރެއް
ކަދާއަޑި
ނ ކަދާބަހައްޓާން ކޯދޮންނަ ލޯގަނޑެއްގެ ސިފައިގައި ހަދައިފައި ހުންނަ އެއްޗެއް
ކަދާމާލި
ނ ކުޅުދުއްފުށީގައި "ދަމުހިނގުމޭ" ކިޔާކުޅިވަރުގައި ބައިވެރިވާނަށާ މީހުން. މިމީހުންތިބޭނީ "މާލިހެދުމޭ" ކިޔާ ހެދުންއަޅާފައެވެ. މިއިން ކޮންމެ މާއްޔެއްގެ އަތުގައި ކަދާމައްޗަކާއި ލޯ ކައްޓަކާ އޮންނާނެއެވެ. އެމީހުން ނަށާއިރު އެކަށީން މަތިގަނޑުގައި ލަވަހަމަކޮށް ޖަހާނެއެވެ. މާލިތައްތިބޭނީ ފޭލިއަނދެފައި ކަކުލައިހަމަޔަށް ހުންނަވަރުގެ އަތްދިގު ހުދުލިބާހެއްލައިފައި އުނަގަނޑުމަތީ ތެޔޮރުމާލެއް ބަނދެލާފައެވެ. އަދިއުނަގަނޑާ ހަމަޔަށް އެލިފައިއޮންނަވަރުގެ ހުދުފޮށައެއް ބޮލުގައި އަޅުވައި އޭގެމަތިން ރަތްރުމާލެއް )ކަނުންކަނަށް ފަތްޖަހާފައި( ކަނދުރާމަތިން ގެނެސް ކަރުގައި ބައްދާފައި އޮންނާނެ އެވެ
ކަލޯ
ނ (1) ފިރިހެނެއްކަން ދަލީލުކުރާނަމެއް (2) ތިމާޔަށްވުރެ ހަގު ގާތްތިމާގެ ފިރިހެނުންނަށް ލޯބިން ކިޔާނަމެއް (3) ދެރަކޮށް ނިކަމަތިކޮށްލުމަށް ފިރިހެނުންނާ ދިމާއަށް ބުނާގޮތް (4) މުސްކުޅިބަހުގައި މާތް ފިރިހެނުންނަށް ކިޔާގޮތެއް (5) ބައެއް ކަހަލަ ޖަނަވާރާއި ދޫނިސޫފާސޫފީގެ ނަމުގެ ފަހަތަށް ގެންނަބަހެއް މިސާލު: )ހ( ބުޅާކަލޯ )ށ( މާކަނާކަލޯ
ކަސްބޯވަ
ނ ފައިތަކުގައި ކަށި ލޯލިތަކެއް ހުންނަ ކަޅުކުލައިގެ ކުޑަ ބޯވައެއް