radheef.info
ރަދީފު


ލެއް
ނ ކުޅިވަރެއްގެ ނަން މިއީ ބިންމަތީގައި ދިގަށާއި ހުރަހަށް ރޮނގުތަކެއް އަޅައިގެން ކުޅޭ ކުޅިވަރެކެވެ މި ކުޅިވަރު ކުޅޭނީ ޢީދުތެރޭގައެވެ
ބިނާކުރުން
މ (1) ޢިމާރާތްކުރުން (2) ތަނެއްރާނައި ހިޔާކުރުން މަޖާޒު: (3) އަސްލެއްގެމައްޗަށް ބުރަވެހުރުން (4) އަސްލެއްގެމައްޗަށް ލެނބިހުރުން
ބިނާވުން
މ (1) އިމާރާތްވުން (2) ތަނެއްރާނައި ހިޔާވުން މަޖާޒު: (3) އަސްލެއްގެ މައްޗަށް ބުރަވުން (4) އަސްލެއްގެ މައްޗަށް ލެނބުން
ބިންމާ
ނ ހަންޑިހަތްފަޅާހެން ބިމުންފަޅާ އެއްޗެއް މިހުންނާނީ މަލެއްގެ ސިފައިގައެވެ މީގާ މީރުވަހެއް ހުންނާނެއެވެ
ބިއްލަޑީ
ނ އެއްތަނުން އަނެއްތަނަށް ގެންދާމުދާ އެމުދަލެއް އުފުލާ އުޅަނދަކަށް އެރުވިކަން ޔަޤީންކޮށްދީފައި ދޭ ލިޔުން މިލިޔުންދޭނީ މުދާއަރުވާ އެޖެންޓްގެ ފަރާތުންނެވެ
ބިލަވެޔޮ
ނ ބިމުގައި ދުވާ ފަތް ކުދި ވެލެއް މީގައި ނޫކުލައިގެ މަލެއް އަޅައެވެ
ބިލަތްތޮނަ
ނ ކަނދޮޅުފަތުގެ ބައްޓަމަށް ފަތް ހުންނަ މިނައެވެ ބިލެއް ކުރި އިންދައިފައިވާ ތަންތާނގައި މިވިނަ ހައްދާއުޅެއެވެ
ބިލާހު
ނ (1) ހަޤީޤަތެއް ނުވާކަމެއް (2) އަޞްލެއްނުވާ ފެނުމެއް
ބިލެއްކައްޓަލަ
ނ ބިލެތާ ވައްތަރުގޮތަކަށް ފަތްހުންނަ ވެލެއްގައި އަޅާ ހިމަ ދިގު ތަރުކާރީއެއް މިވެލުގެ ގޮނޑިޔަށްވެސް ކިޔަނީ މިނަމުންނެވެ
ބިލެތް
ނ (1) ދުފަންގެންގުޅޭ ފަތެއް މިއަޅަނީ ވެލެއްގައެވެ (2) އެއްޗަކަށް އަރުވައިފައި ހުރިބިލެތް
ބިލެތްމާ
ނ (1) ބިލެތްވަޅުލައި އަޅާމައު މިހުންނާނީ ވަކިފުޅެއްގެ ސިފައިގައެވެ (2) ދެނަނު އެއްކުރުމަށް ބިލެއްމަލެއްގެ ސިފައިގައި ލާފައްތަރު
ބިލެތްގަސް
ނ އައްޑުހު ދުޢާފަދަ ބައެއްރަސްމީ ކެއުމުގައި ކޭން ކާމީހުންނަށް ލިބޭ ބިލެތްތަކުން އެމީހުންގެ ގޭގެޔަށް ފޮނުވުމަށް މަލެއްގެ ސިފައިގައި ރާވައިފައި ހުންނަ އެއްޗެއް
ބިސްބޯކިބާ
ނ ބިސްއަޅައިގެން ކުދިކޮށް ފިހާ ބޯކިބަލެއް މިއެންމެ ވައްތަރުވާނީ ޒީނާރާއެވެ
ބުންބާތާކިހާ
ނ މަޚުމާފޮތިން ފަހައިފައި އަގުޅިވަށްކޮށް ހުންނަތިރި ތާކިހަލެއް މިތާކިހާ ހުންނާނީ ކަސަބުން ޖަރީކޮށްފައެވެ
ބުރަނދަ
ނ (1) ބޮނޑު ނަގުލަށް އޮންނަ ގޮނޑިޔެއް ފައިބާ ބިމުގައި ފެތުރެމުން ދުވާ ވެލެއް (2) )ބދ ( ތިރިފަތި
ބުރުދާވަކަރު
ނ އުސްކޮށްހެދޭ ގަހެއްގެ ލަކުޑި. މިގަހުގެ ފަތުގެ ތަނޑިދިގުވާނެއެވެ ފަތް ހުންނަނީ ތުނޑުތުނޑުލައިފައެވެ މިއީ ހުދުކުލައިގެ މަލެއްއަޅާ ގޮފިބަލިގަހެކެވެ މިގަހުގެ އާރު ހުންނަނީ ދޮންމުށިކުލައެއްގައެވެ އާރުގައި މާޒާން ކުރެހުންހުރެއެވެ އާރުގެ ބޭރުއޮޅުފަށްހުންނަނީ ދޮންހުދުކުލައެއްގައެވެ ލަކުޑިގަނޑު މަށައިލުމުން މީރުވަހެއް ދުވާނެއެވެ
ބުރުޖެހުން
މ (1) ދައުރުވުން ނުވަތަ ދައުރުކުރުން. (2) ގެއެއްގެ ދޮށުން ނުވަތަ ތަނެއްގެ ކައިރިން ސައިކަލެއް ފަދަ އެއްޗެއްގައި ގިނަގިނައިން ދުއްވުން ނުވަތަ ހިނގުން. (3) އެންމެން ހިމެނޭގޮތަށް ފަހަރަކު މީހަކަށް ޖެހޭގޮތަކަށް ކަމެއް ހިނގަމުން ދިއުން. (4) މުނިފޫހި ފިލުވުމުގެ ގޮތުން ނުވަތަ ވަކިކަމަކު ރަށުތެރޭގައި ދުއްވައިލުން ނުވަތަ ހިނގައިލުން
ބުޅަލުލޯ
ނ ޖަވާހިރެއްގެ ނަން މިހުންނާނީ ބުޅަލެއްގެ ލޯހެންނެވެ މީގެ ކުލައަކީ މަޑުނޫކުލައެވެ އަނގޮޓީގައި ޖަހާ އެހަކަށް މިބޭނުންކޮށް އުޅެއެވެ
ބުޅާނިގޫ
ނ (1) ބުޅަލެއްގެ ނަގޫހެން ހުންނަ ހިމަދިގުރަތްމަލެއް (2) މިމާ އަޅާ ގަސް
ބުޅިހޫލަ
ނ ނަކަތްތެރިން ގެންގުޅޭ ތާވަލެއް
ބެރުން
މ (1) ވެޔޮވަޅުފަދަ ތަންތަނަށް އެއްޗެތި އަޅާ ފޮރުވައިލުން (2) ކައްޕިއަށް ވާލެއްވުން