radheef.info
ރަދީފު


ތޮ
ނ ކަލޭ
ބޮޑުނައިބު
ނ (1) ފަނޑިޔާރުގޭ ނައިބުންކުރެ އިސްނައިބު (2) އަތޮޅުގެ ނައިބުންކުރެ އިސްނައިބު
ބޮޑުބުނުން
މ (1) ބޮޑުތޮޅުން (2) ފޮނިކެނޑުން
ބޮޑުކެކުރި
ނ (1) ކެކުރީގެ ބާވަތެއް މިހުންނާނީ ފޯލިކޮށް ތޮރާހެން އެއަށްވުރެ ފަލަކޮށެވެ (2) ބޯވަޅުއެޅި ލިބާސް ކަނޑާ ފޮއްޗެއްގެ ނަން
ބޮޑުކެޔޮ
ނ ފަތްކޭލުގެ ބާވަތެއް މިއީ ދިގުކޮށް ސީދާކޮށް ވައްތައް ހުންނަ ފޮނިރަހަ މަޑުކޭލެކެވެ ވަކުގެ ތޮށިގަނޑު ހުންނާނީ އަރިއަރިއަށެވެ
ބޮޑުމިރުސް
ނ (1) މިރުހުގެ ބާވަތެއް މިއީ ބޮޑެތިކޮށް ތޮށިބޯކޮށް ހުންނަ ކުޅިރަހަ މަޑު މިރުހެކެވެ މީގެ ދެބާވަތެއް ހުރެއެވެ އެއް ބާވަތެއްގެ މިރުސް ހުންނަނީ ވަށްކޮށެވެ އަނެއްބާވަތް ހުންނަނީ ދިގުކޮށެވެ (2) )ޏ ( ގިތެޔޮމިރުސް
ބޮޑުފާގަ
ނ ފާގައިގެ ބޮޑެތި ވައްތަރު މިހުންނާނީ އާދައިގެ ފާގަޔަށްވުރެ އުންތައް ތަންކޮޅެއް ފަތާކޮށެވެ ބޮޑުމިން އާދައިގެ ތޮރަޔާ ގާތްކުރާނެއެވެ
ބޮޑުފިނިހައް
ނ ފިނިހަކުގެ ބާވަތެއް. މިހުންނަނީ ފޫއެނބުރި ފާޑަށް އެއަށްވުރެ ފަލަކޮށްނެވެ. މިއީ ގަސްގަހަށް ގެއްލުންދޭ އެއްޗެކެވެ. މިފިނިހަކައަކީ ވަރަށް އަވަހަށް ގިނަވާ ވިހަ އެއްޗެކެވެ މީގެ ތޮށިގަނޑު އާދައިގެ ފިނިހަކުގެ ތޮށިގަނޑަށްވުރެ ތުނިވާނެއެވެ މިފިނިކަމުގެ ތޮށިގަނޑުގައި ހުންނަނީ ގަދަމުށިކުލައެވެ ތޮށިގަނޑުގައި ފަނޑު މާޒާން ކުރެހުމެއް ހުރެއެވެ
ބޮޑުދަޅު
ނ ފަންތޮށިދަޅު
ބޮޑުތޮޅި
ނ (1) ފަރުމަހުގެ ބާވަތެއް މިއީ ތުންގަނޑު ކުރުކޮށް ހުންނަ ތޮޅިޔެކެވެ (2) ވަރަށް ބިޔަކޮށް ހެދޭ ލަކުޑި ދެރަ ގަހެއް މިގަހުގެ ތޮޅި މުށެއްހާ ދިގުވާނެއެވެ
ބޮޑެލި
ނ )ސ ( ބޮނޑިބަތްތޮޅި
ބޯށި
ނ (1) ފަތް ކެޔޮގަހުން ނުކުންނަ މާގަނޑު. މިނޫނަސް ބައެއްގަސްގަހުން އަންނަ މާގަނޑަށްވެސް މިނަންކިޔައެވެ. މިސާލު: ކަރަންކާބޯށި. ކަފުރުތޮޅިގަހުބޯށި (2) ކަނޑޫ. ރަނޑޫފަދަ ތަކެތީގެ ތާފަތް. (3) ބޯށިގަސް )މިއީ އާންމުކޮށް ހޭޅީގައި ހެދޭ ބޯކޮށް ފަތްހުންނަ ގަހެކެވެ ( (4) ބޯށިގަހުގެ މާގަނޑު (5) ބޯށި ގަހުގެ އޮށް (6) ބައެއް ޒާތުގެ ކުރެހުމުގައި ކަންކަނުގައި ޖަހާމަލެއް (7) ފައްތަރުލައި ކަފާބިލެތުގެ ހުނގުލުކޮޅުގައިލާ ވަނާއެއް (8) )ހ ( އޮށްނާޅާ ހުކުރަދި
ބޯށިގަނޑު
ނ ވިހައިގެންއުޅޭ މީހުންނަށްދޭ ދިވެހި ބޭހެއް. މިއީ ބޯށިގަހުގެ ޅަމާގަނޑުގެ އޮށާ ކުއްޅަފިލާ ލުނބޯ ނިޔަނދުރު ފަޅޯ މިގަސްގަހުގެ ޅަމުލާ ކުދިކުދިކޮށްކޮށައި މަތިކަރާ ބޭހާ ކަނަހަނދުނާ ފޮނިތޮށި ކާފޫރުތޮޅިޔާ އެއްކޮށްމޮޑެ ފުޑައި ހިމުންކޮށް ޅަރުކުގެ ކުރުއްޕަތަކަށް އަޅައި ބަނދެ އުނދުނުގެއަޅި ގަނޑުތެރޭގައި ވަޅުލައިގެން ފޮޅިކޮށް އަވީލައި ހިއްކައިގެން ހަދާ ބޭހެކެވެ ދުވާލު ދެއިރު މީގެ އެތިކޮޅެއް މާމުއިގާ ވިރުވައިގެން ބޮއެވެ
ޅިސް
ނ (1) ދެގަނޑެއްޗެއް އިންދާއިރު ގަދަކުރާން އެދެގަނޑެއްޗަށް އެތެރޭން ތޮރުފައިފާ ޖަހާ އިލި މީގެ ދެކޮޅުހުންނާނީ ފޭއްސައިފައެވެ (2) ބދ އިލި
ޅިޔަ
ނ (1) ލަކުޑިގަނޑުގައި އުއިނާރާ އޮންނަތަން (2) ގަސްގަނޑުގެތެރެއަށް ތޮށި ވަދެފައި އޮންނަތަން (3) މަސްގަނޑުތެރޭ ހުންނަ ފަށްފަށް (4) ވަކިބާވަތެއްގެ ކުރެހުމަކައި ލިޔުމެއްގެސިފަ (5) މަސްގަނޑުބުރިވެ ވަކިނުވާވަރަށް ވަޅިން އަޅާތަން (6) މަސްގަނޑުގައި ހުރަހަށްއަޅާ ދެޅިޔަދޭތެރޭގެ ފޮތިވަރު (7) ބައެއްތަކެތި ވަކިނުކޮށް ކަފައިފައި ހުންނަ ކެފުން
ކަހަނަލަ
ނ ފުރެއްދެ އަލައިގެ ބާވަތެއް. މިއީ ކެހެނިކަން ގަދަ އަލައެކެވެ. ކެހެނިކަން ބޮޑަށް ހުންނާނީ ތޮށީގައާއި އަލަގަނޑާއި ތޮއްޓާ ގުޅޭ ހިސާބުގައެވެ މިއަލަ ކާން ބޭނުންކުރެވޭނީ ކެހެނި ފިލުވައިގެންނެވެ މީގެ ތަފާތު ވައްތަރުތައް ހުރެއެވެ
ކަށިނޫތޮޅި
ނ ތުންދިގުތޮޅި
ކަށިދިއްގާ
ނ ދިއްގަލުގެ ބާވަތެއް: މީގެ ތޮށި ހުންނާނީ ކުރަކިކޮށެވެ މިގަހުގެ ލަކުޑި މޮޅުވާނެއެވެ
ކަށިތުންފިލޮޅު
ނ ފިލޮޅުގެ ބާވަތެއް މިފިލޮޅުގެ ކަރުތާފަތްގަނޑާއި ބޮލުގެ މަތީބައިގައި ހުޅުނބެއް ނުހުރެއެވެ ކަރުތާ ފަތްގަނޑުގެ މަތީބައިގައި ރަތްކުލައިގެ ލަފެއް ހުރެއެވެ މަހުގެ ކުލައަކީ މަޑު ވައިލެޓުކުލައަކާ ގުޅޭ މުށިކުލައެކެވެ މަހުގެ ތުން ހުންނަނީ ފިޔާތޮށިކުލައިގައެވެ
ކަނޑަދޭހަ
ނ )ސ ( އައިންމަތީ ދޫންޏެއް މިއީ އަތޮޅު އޮބާހައި ހިސާބުދުރުގައި އުޅޭ ދޫންޏެކެވެ މިދޫނީގެ ބަނޑުދޮށް ކަޅުވާނެވެ މިއީ ހޯގުޅާއާ ވައްތަރު ދޫންޏެކެވެ
ކަނޑި މިޔަރު
ނ ނިގޫފަތުގެ މަތީބައި ކަނޑިޔެއްހެން ހުންނަ މިޔަރެއް. ނިގޫފަތުގެ މިބައިގެ ދިގުމިން މުޅިމިޔަރުގެ ހަށިގަނޑުގެ ދިގުމިންވަރުވެއެވެ އާއްމުކޮަށް މިއުޅެނީ އަތޮޅުން ބޭރުގައެވެ މިއީވަރަށް ބާރަށް ދަތުރުކުރާ ވަރުގަދަ މިޔަރެކެވެ