radheef.info
ރަދީފު


ތޮށި
ނ (1) ރަށެއްގެ ވަށައިގެން ނުވަތަ ރަށުގެ އެއްފަރާތެއްގެ މޫދުތެރޭގައި ގަލުން ލެވިފައިވާ ނުވަތަ ލައިފައިވާ ފާރު (2) ފަރު (3) ގަސްގަހާއި މޭވާގެ ބޭރުގައި ހަރުކޮށް ހުންނަފަށަލަ (4) ބިސްއަޅާ ތަކެތި އަޅާ ބިހުގެ ބޭރުގައި ހަރުކޮށް އޮންނަބައި (5) ބައެއްމީހުންގެ ހަންރާޅުވުމުގެ ސަބަބުން ހުޅުނބުހެން ހަމުގައި ހެދިފައި ހުންނަ އެތިއެތިކޮޅު (6) ވެލަ އާއި އިއްސާއި ކަކުނިފަދަ ދިރޭ ތަކެތީގެ ހަށިގަނޑުގެ ބޭރުގައި ހަރުކޮށް އޮންނަބައި
ފާކުރުން
މ (1) ވަކިވަރަކަށް ދޮންވެފައި ހުންނަމޭވާ ފައްކާވެގެން މަޑުވާނެ ގޮތް ހެދުން (2) ބަނބުކެޔޮ ވަޅުލައިގެން މަޑުވާގޮތް ހެދުން (3) ކެކުރި ފިތައިގެން މަޑުވާގޮތް ހެދުން (4) ދަނޑި ފަދަ އެއްޗެހި މޫދު އަޅައިގެން ތޮށި މަޑުކުރުން (5) އޮޅުގައި ނުވަތަ މޫދުގައި އަޅައިގެން ބޮނބި މަޑުކުރުން (6) މަޖާޒު: ތިމާކުރަންޖެހޭ ކަމެއް ބޮލުން ނައްޓައިލައިގެން އަނެކެއްގެ ބޮލުގައި އެޅުވުން (7) އުނދަގުލެއް ޖެއްސުން
ފުޅަލި
ނ ރުއްރުކުގެ އެތުގެ ވަށައިގެން އޮންނަ ބޯ ތޮށިގަނޑު
ތޮށިނުލާބިސް
ނ ވެލާ ނުވަތަ ކުކުޅުގެ ބަނޑުތެރޭގައި ތޮށިހަރުނުވެ ހަރުތޮށީގެ ބަދަލުގައި ދުއްޔެއް ބޭރުގައި ލެވިފައިވާ ބިސް
ތޮށިބޭލުން
މ )ހ ( ގަހެއްމަރައިލުމަށްޓަކައި އެގަހުގެ ވަކިހިސާބަކުން ތޮށިނެއްޓުން
ތޮށިކަން
ނއނ އިންސާނުންގެ ހަމުގައި ތޮށިގޮތް ހުންނަކަން
ތޮށިއެރުން
މ ގަސްގަހާ ގެހީގެ ރޯތޮށިގަނޑު ކަނޑައިލައިގެން ނަގައިފައިހުންނަ ތަނަށް އަލުން ތޮށިއަރައިބެދުން
ތޮށިވުން
މ އިންސާނުންގެ ހަމުގައި ތޮށި އުފެދިފައިހުރުން
ތޮށިމެށުން
މ ތޮށި ހުންނަ ތަކެތީގެ ތޮށީގެ ބޭރުފަށް ތޫނުއެއްޗަކުން އެއާ ވަކިކުރުން
ތޮށިފިލުން
މ ގޮދަނާއި ހަނޑުލާއި ބަދަންފަދަ އެއްޗެހިން ތޮށިގޮސް ސާފުވުން
ތޮށިފިލުވުން
މ (1) ގޮވާމާއި ބަދަންފަދަ ތަކެތީގައި ހުންނަތޮށި އެތަކެއްޗާވަކިކުރުން ނުވަތަ ތޮށި ނެއްޓުން (2) ލޮނުމެދާއި ފިޔާފަދަ ތަކެތީގެ ބޭރުގައި ހުންނަ ހިކިތޮށި ނެއްޓުން
ތޮށިފެޑުން
މ )ޏ ( ތޮށިފޮޅުން
ތޮށިފޮޅުން
މ (1) ގައިގެހަން ތޮށިތަކެއްހެން ނެއްޓުން (2) ގަސްގަހުގެ ތޮށި ހިކިގެން އަމިއްލައަށް ނެއްޓުން
ތޮށިދިއުން
މ ތޮށިފިލުން
ތޮށިދެމުން
މ ރޯދަނޑިއާއި މުރަނގަތޮޅި ފަދަ ތަކެތީގެ ބޭރުގައި ހުންނަ ތޮށިފަށް ދަމައި ވަކިކޮށްލުން
ތޮށިތެޅުން
މ (1) ދިޔަވަރު ހިކިފައި އޮންނައިރު ފަރުމަތިން މަސްހިފުން (2) މުރަނަތޮށި ހުންނަ ދަނޑިފަދަ ތަކެތީގެ ތޮށި އެއްޗަކުން ތަޅައިގެން ނެއްޓުން
ތޮށިލީބިސް
ނ ކުކުޅާއި ވެލާފަދަ ތަކެތީގެ ބަނޑުގައި ހުންނަ ބިހުގެތެރެއިން ތޮށިހަރުވެފައި ހުންނަބިސް
ތޮށިލުން
މ (1) ތޮށިހެދުން (2) ކުކުޅުފަދަ އެއްޗެހީގެ ބަނޑުގައި ހުންނަ ބިހުގައި ހަރުތޮށި އުފެދުން
ތޮށިޖެހުން
މ (1) އޮޑިދޯނިފަހަރު ބާލައި އެހެލާއިރު ފަށަންދަށަށް ރޯގަހުގެ ތޮށިލެއްވުން (2) ވަޅިއެއްގެ ބޭނުންކޮށްގެން ދަނޑިއަކުން ތޮށިފިލުވުން (3) މަޖާޒު: )ސ ( އަނެކަކާބެހޭ ޝަކުވާކުރުން
ތޮށީކޮލި
ނ ތޮށިލާންވީމާ އެކަން ޢާންމުންނަށް އެންގުމަށްޓަކައި ލާ ކޮލި
ތޮށްޓަށްއެރުން
މ ތޮށިލާން މޫދަށްދިއުން