radheef.info
ރަދީފު


ތައް
ނ (1) ތައްކަށިންޖަހާ ފާހަގަ މިފާހަގަ ޖަހަނީ ރުއްގަހުގެ ވެރިފަރާތް ފާހަގަކުރުމަށްޓަކައެވެ ފާހަގަހުންނަނީ ވަށްކޮށް ކަނޑައި ނަގައިފައެވެ (2) ނަން ގިނަކުރުމަށް ބޭނުންކުރާ އަކުރެއް މިސާލު: މޭޒުތައް (3) )ބދ ( އަނގަ މިސާލު: އޭނާއިނީ ތައް ބައްދައިގެންނެވެ
ވޮށްކޮޅުހެދުން
މ ގަނޑުވަރު ތެރޭގައި ދިއްލަން ގެންގުޅޭ ވޮށްތައް ސާފުކޮށް ތެޔޮއަޅައި ފުށްލައި ހެދުން
ވޮށްއެރުވުން
މ (1) ވޮށް ދިއްލުން (2) ވޮށް ދިއްލުމަށް ތައްޔާރުކޮށް އެވޮށެއް ހުންނަންވީތާކު އެވޮށެއް އެލުވުން މިބަސް މާތްކޮށް ބުނާގޮތަކީ "ވޮށްކޮޅު އެރުވުން" މިއެވެ
ވޮށްގަސް
ނ ކުދި އެތައް ވޮށްތަކަކުން ގަހެއްގެ ސިފަގެނެސް ހަދައިފައި ހުންނަ ވޮށެއް
ވޯކްޝޮޕް
ނ (1) އަތްތެރިމަސައްކަތާއި އަތު މަސައްކަތްކޮށް އުޅޭ ތަންތަން (2) މަދު މީހުން ކޮޅަކަށް ވަކިދާއިރާއެއްގައި ދިމާވާ ދަތިތައް ޙައްލުކުރާނޭގޮތް ކިޔަވައިދޭ މަސައްކަތު ބައްދަލުވުން
ހޮބީ
ނ އަދާކުރަން ޖެހިފައިވާ ވަޒީފާ ނުވަތަ ވާޖިބުގެ އިތުރުން ކުރާހިތުން ޝައުޤުވެރިކަމާއެކު ކުރާކަންތައް މިސާލު: މުޙައްމަދުގެ ހޮބީއަކީ އިސްޓޭމްޕު އެއްކުރުމެވެ
ހޮޅި
ނ (1) ފޯލިކޮށް ދިގުކޮށް އެތެރޭގައި ހޮއި އޮންނަ އެތި މިސާލު: )ހ( ބައްތިހޮޅި )ށ( ފެންހޮޅި )ނ( އާގުބޯޓުގެ ދުންހޮޅި (2) ދިގުނޫން ނަމަވެސް މެދުގައި ހޮއިއޮންނަ ބައެއްތަކެތި މިސާލު: )ހ( މޫދުގައި ފަތަން ގެންގުޅޭ ހޮޅި )ށ( ފަންހޮޅި )ނ( ފޮނިރޮށި ކަނޑާ ހޮޅި (3) ލަވަކިޔާ ފޮށީގެ ލަވަ އަޅައިފައި އެއޮންނަ ފަތިބުރު (4) އޮނުފަޅި މިސާލު: )ހ( ހޮޅިކުރަފަތް )ށ( ހޮޅިވަޑާންކަށި (5) ނއ އުތުރުކަރައިގެ މީހުންގެޒާތް (6) ތާކުންތާކުނުޖެހޭ ކަންތައް (7) ތާކުންތާކުނުޖެހޭ ވިޔާނުދާ ވާހަކަ (8) އުތުރު ކަރައިގެ އިސްލާމުންގެ ޖަމާޢަތެއް
ހޮޅިހެދުން
މ )ސ ( (1) ގޯސްހެދުން (2) ތާކުންތާކު ނުޖެހޭކަންތައްތައް ކުރުން
ހޮޅިފަތް
ނ އޮޑިވަޑާމުގައި މަޑޫތައް އިންދާއިރު ޅިހުގެ ބޭރުގައި އޮޅުމަށް ބޮނބިންނަގާ ތުނިފަށް
ހޮޅުންއެޅުން
މ ފަސްއޮށް ކުޅުމުގައި ހުސްފުށަތުން ލައިގެން އޮށްބައި އެކީ ނުހިފިއްޖެނަމަ ހިފުނު އޮށްތައް މައްޗަށް އެއްލައި ނުހިފުނުއޮށްތައް ނެގުމާއެކު ޝަހާދަތް އިގިއްޔާ ބޮޑުވައިއިނގިލީގެ ކުރިގާތް ކޮށްލީމާ އުފެދޭ ލޯވަޅުން މައްޗަށް އެއްލި އޮށްތައް އަތުތެރެއަށް އެޅުން
ހޮވުން
މ (1) ބިމައްވެއްޓިފައި ހުންނަ ބައެއްތަކެތިނެގުން (2) އެތަކެއް ބާވަތުގެ އެއްޗެހި އެއްވެފައި ހުރިތާކުން ވަކިބާވަތެއްގެ އެއްޗެހި ނެގުން މިސާލު: )ހ( ހަނޑޫ ހޮވުން (3) ގެއްލިފައި ހުންނަ ތަކެތި ފެނިގެން ނެގުން (4) ވަކިކަމަކަށް ބަޔަކު ނުވަތަ މީހަކު އިޚްތިޔާރުކުރުން (5) ބައެއް ކުޅިވަރުގައި ކުޅޭ ބައިނޫން އަނެއްބައިގެ މީހުން ކުރާކަންތައް މިސާލު: ކުރިކެޓް ކުޅޭއިރު ބޯޅަހޮވުން މަންޑިކުޅޭއިރު ފޯލި ހޮވުން
ހޯހިރުދު ބެލުން
މ )ސ ( (1) ކަންތައް ނުވަތަ ތަނެއް ހުރި ނެތްގޮތް ބެލުން (2) ސިއްރު ހޯދާ ބެލުން
ހޯނު
ނ (1) ކުޑަކުޑަބޮނޑެއްގެ ސިފައިގައި އޮންނަ ބޮނޑަށްވުރެ އަނގުނުތައް ކުރު ހަން އޮމާން ސޫތްޕެއް ޢާންމުކޮށް މިއުޅެނީ ބިތްބިތާއި ފާރު ފާރުގައެވެ (2) )ބދ ( މަހާނަ
ހޯރަބޯޓު
ނ ތައްޔާރުކޮށްފައިވާ ސާޅަނގައެއްގައި ލައިފައި ފޮނުވައިލުމުން ނުވަތަ އިންޖީނުލީ މަތިންދާބޯޓެއްގައި ކަފުޖަހައިގެން ގެންގޮސް ވައިގެތެރެއަށް ދޫކޮށްލުމުން އިނޖީނު ނުލައި އުދުހޭގޮތަށް ހަދައިފައި ހުންނަ މަތިންދާ ބޯޓު މިވައްތަރުގެ ބޯޓުގައި އިންޖީނެއް ނުހުންނާނެއެވެ
ހޯލު
ނ އިމާރާތެއްގައި ޖަލްސާތަކާއި ބައްދަލުވުންތައް ބޭއްވުމަށް ޚާއްޞަކޮށްފައި ހުންނަ ބޮޑު ކޮޓަރި
ނަހީކަންތައް
ނ ދީނުގައި މަނާކަންތައް
ނަނުބައި
ނ ކެޔޮޅުކަމުދާން ތައްޔާރުކޮށް ގުޅުވައިގެން ގެންގުޅޭ ދެބުރި ނުވަތަ ތިންބުރިނަނު މީގެ އެކިބުރީގެ ފަލަމިން އެކިވަރު ވާނެއެވެ
ނަރު
ނ (1) މަޢުދަނީ ބާވަތަކުން އުފައްދާ ހިމަފަށް. (2) ބޮނބި، ކަށިކެޔޮ، ތޮރާ، މިފަދަތަކެތީގައި ހުންނަ ހިމަ ހަރު ފަށް. (3) މިއުޒިކު ކުޅޭސާމާނުގައްޔާއި ކުޅިވަރުކުޅޭ ބައެއް ކަހަލަ ރެކެޓްގައި ފުރާފައި ހުންނަ ފަށް (4) ހިމަ ފަށްފަށަށް ވާގޮތަށް ތައްޔާރުކޮށްފައި ހުންނަ ބައެއް ކާތަކެތި މިސާލު: (ހ) ހަލުއިދާނަރު (ށ) ފަޅޮލު އަސާރައިގެ ނަރު (5) ވެޔޮވެލުގެ ފަތްވަޅުން ފަޅައިފައި ހުންނަ ހިމަފަށް (6) ފުރާދުއްވާތަކެތީގެ ހުންގާނުގައި މާދާއަޅުވަން މައްޔަލުގައި ހަރުކޮށްފައިހުންނަ ލޯފޯލި (7) (ބދ) ހިމަކަން
ނަރުބުރުސް
ނ ބުރުހުގެ ނަރުތައް މަޢުދަނަކުން ހަދައިފައި ހުންނަ ބުރުސް
ނަރުކޮއްޓި
ނ ކޮއްޓާފޮށި. މިއީ ފުރައިފައި ހުންނަ ނަރުތަކެއްގައި ތުނިއެތިކޮޅަކުން ކޮއްޓަމުން ނަންބަރު ޖަހައިފައި ހުންނަ އަޑުތަކަކަށް އޮބަމުން ރާގުއަޅުވާ ހަނި ދިގު ފޮއްޓެކެވެ އަޑުތައް ހުންނާނީ ދެބަރިޔަށެވެ
ނަރުވާ ހަނދި
ނ ހަނދީގެ ބާވަތެއް ނަރުވާ ހަނދި ބޮޑުވެގެން ދުވަސްވީމާ އެނަރުތައް ނެތިދެއެވެ މިހަނދީގެ ކުލައަކީ ރިހިކުލައެވެ ބުރަކަށިމަތި ހުންނަނީ ގަދަ ނޫކުލައިގައެވެ މިއީ ވަރަށް މަސްމީރު މަހެކެވެ