radheef.info
ރަދީފު


ތަކަ
ނ ދާބަންނަ ރޮދި އަނބުރަން ގެންގުޅޭ އެތި
ކައްސައިލުން
މ (1) އަމިއްލަ ބާރަކާ ނުލައި ފަރާތަކަށް ފައިތިލަ ކެހިގެން ދިއުން (2) ހިތުގައި ރާވައިގެން ހުރި ކަމެއް ހަނދާން ނެތުން (3) ލޮންދައިލުން
ކައްޓަފުޅިމިޔަރު
ނ މިޔަރުގެ ބާވަތެއް. މިމިޔަރުގެ ސިފަ ހުންނަނީ ކައްޓަފުޅިޔާ އެއްގޮތަކަށެވެ. މިޔަރުގެ މަތީބައިގެ ކުލައަކީ ގަދައަޅި ނުވަތަ އަޅިމުށި ކުލައެވެ ބަނޑުދަށް ހުންނަނީ ހުދުކުލައިގައެވެ
)ގިނަބަހެއް( ނުބައިގޮތަކަށް ފެށިއްޖެކަމެއް ކިތަންމެ ބޮޑުވެގެންދިޔައަސް އެކަމެއް އޮންނާނީ ނުބައިކޮށްކަން ދޭހަކޮށްދިނުމަށް ބުނެއުޅޭ ބަހެއް ކައްޗަށް އެޅި ބިންގަލެއް ކެއްޗާއި ހަމައަށް ނެގިއަސް ހުންނާނީ ކައްޗަށެވެ
ކައްޗާކަން
ނއނ (1) ކަންތަކަށް ދެރަކަން (2) ހުޝިޔާރުކަން ނެތްކަން (3) ބަސްސީދާނުވާކަން
ކައްޗާވުން
މ (1) ކަންތަކަށް ދެރަވުން (2) ހުޝިޔާރުކަންކުޑަވުން (3) ބަސްސީދާނުވުން
ކަލާނގެ
ނ (1) އިލާހު (2) އެފަރާތަކަށް އަޅުކަން ކުރެވޭ ފަރާތް
ކަސާރީކުރާ
ނ ނަމޫނާކުރާ ބައްޓަމަށް ފަތިކޮށް ކަރު އެއަށްވުރެ ހިމަދިގުކޮށް ހުންނަ ބޮޑު ކުރައެއް މީގެ ވައްގަނޑު ހުންނާނީ ގުޑުގުޑާ ދޫންޏެއްގެ ކަރާ އެއްވައްތަރު ގޮތަކަށެވެ
ކަސްފާނަ
ނ ފާނައިގެ ބާވަތެއް މިއީ ބޮލާއި ހަށިގަނޑުގައި ގަދަކުލައެއްގެ ލައްތަކަކުން އެކިގޮތްގޮތަށް ކުރެހުން އެޅިފައި ހުންނަ މަހެކެވެ ކުދިކުދި ތިކިތަކެއް މުޅިމަހުގައި ހުރެއެވެ ނިގޫފަތުގެ ބުޑުދަށުގެ މަތީ ކައިރީގައި ކަޅުކުލައިގެ ލަފެއް ހުރެއެވެ ނިގޫފަތް ހުންނަނީ ވަށްކޮށެވެ މަހުގެ ކުލައަކީ ފަނޑު މުށިކުލައެވެ
ކާފޫރުގަސް
ނ މެދުމިނަކަށް ހެދޭ ގަހެއް މިގަހުގެ ގޮފިތަކުގެ ތޮށިގަނޑު ހުންނަނީ އޮމާން ކޮށް ފެހިކުލައެއްގައެވެ ތޮށީގައި ވިދާގޮތްހުރެއެވެ މިގަސް އެންމެ ވައްތަރުވާނީ ދެބުދާރުގަހާއެވެ ފަތްތައް ހުންނާނީ މޫނިމާފަތާ ގާތްގޮތަކަށެވެ މިގަހުގެ ހުރިހާ އެއްޗެއްގައިވެސް ދުވާނީ ކާފޫރުވަހެވެ
ކިރުހިއްޕި
ނ އަންހެނުންގެ އުރަމަތި ރީތިކޮށް ހިފެހެއްޓުމަށްޓަކައި ހަދައިފައި އޮންނަ އެއްޗެއް މި ކިތަންމެ ގޮތަކަށް ހަދައެވެ
ކިއްސަރުލުން
މ (1) ވަޑާން ކުރުމުގައި ލަކުޑި ގުދުވާގޮތަށް ކޮށުން (2) ލަކުޑި ވަކިގޮތަކަށް ލަނބަމުން ގެންދިއުން
ކިޔާހާލަވަޔަކަށް ނެށުން
މަޖާޒު: ބުނިހައި ގޮތަކަށް ބުނިހައި ކަމެއް ނުކުރެވޭނެއޭ ބުނަން ބޭނުންކުރާ ބަހެއް
ކުނިހުދުލުން
މ ވަކިގޮތަކަށް ލާމަހަމުން އެއްފަށުން ގެތުން
ކުރި
ނ (1) ކޮޅަށްހުރި އެއްޗެއްގެ މަތީކޮޅު. (2) ގަސްގަހާއި އޮފީގެ މަތީކޮޅުގެ ޅަތަން. (3) ގަސްގަޑުން ފަޅާ ޅަނިރު. (4) މޫނުހުރި ދިމާ. (5) އަންނަން އޮތްތަން. (6) ވޭތުވެދިޔަތަން. )ނއ.( (7) ކަންތަކަށް މޮޅު. (8) ދަރަޖައިން މަތިވެރި. (9) ކުރުން މިބަހުގެ ނިމިނިމުނުކަން
ކުރުއަތުލިޔުން
ނ ދައްކާ ވާހަކަ އަވަހަށް ލިޔާލިޔުން މިލިޔުން ލިޔާނީ ރަމްޒުތަކަކާއި ނިޝާންތަކެއް ބޭނުންކޮށްގެންނެވެ
ކުޅަނދުރުފާނަ
ނ ފާނައިގެ ބާވަތެއް. މިއީރާއްޖޭގެ ފަރުފަޅުތަކުގެ ބޭރުގައި ދިރިއުޅޭ ފައްތައިގެން ކުރާ މަސްވެރިކަމުގައި ބާނާމަހެކެވެ ކުޅަނދުރުފާނަ ކިޔައިފައިވަނީ މަހުގައި ހުންނަ ކުދިކުދި ފިތްތަކަށް ބަލާފައެވެ
ކުޅިރިހަ
ނ ކަނޑުމަހުގައި ނުވަތަ ފަރުމަހުގައި ވަކިގޮތަކަށް ކައްކާ ކުޅިގަދަ ރިހައެއް
ކުޅިތުޅާ
ނ ފަތްޕިލާވެލީގެ ބާވަތެއް މިއީ ގަނދަކޯޅިއާ ވައްތަރުގޮތަކަށް ހެދޭ ގަހެކެވެ މިގަހުގެ ފަތުގައި ކުޅިރަހައެއް ހުރެއެވެ މިފަތަކީ ބޭހަށް ބޭނުންކުރާ އެއްޗެކެވެ
ކުޅީކުކުޅު
ނ އެއްގަމު ދޫނީގެ ބާވަތެއް. މިއީ ވަލުގައި އުޅޭ ދޫންޏެކެވެ. މިދޫނީގެ ސިފަ އެންމެ ވައްތަރީ ދިވެހި ކަނބިއްޔާއެވެ. ދޫނީގެ ކުލައަކީ ދޮން ރީނދޫކުލައެވެ. ދޫނީގެ ފަތް ހުންނަ ކުލައާއި ކުރެހުން ސިފަކޮށްދައްކަނީ "ދޮންމިރުސް ކުކުޅާ" އެއްކަހަލަ ގޮތަކަށެވެ. ތުނބާއި ފައި ހުންނަނީ ދޮންކުލައިގައެވެ. ބައެއް ކުކުޅު ހާލުގައި ހުންނަ "ގޮށްކެޔޮފޮތި" ކަހަލަ ތަންކޮޅެއް ތުނބުގެ މަތީކޮޅުގައި ހުރެއެވެ
ކުކުޅުމާދޫނި
ނ ކަނޑުމަތީ ދޫންޏެއް މިއި ސިނައަސްދޫންޏާއި ވައްތަރުގޮތަކަށް ހަށިގަނޑު ފަލަކޮށް ގަދަފަދަކޮށް ހުންނަ ދޫންޏެކެވެ މީގެ ތުން ހުންނަނީ ބޮޑު ހޯގުޅާގެ ތުންހެން ކުރީކޮޅު ލެނބިފައެވެ މިދޫނީގެ ދެފިޔަ ހުޅުވައިލުމުން ވަރަފަތްބައިގެ މެދުތެރެއިން ހުދު ފަތްބަރިއެއް ފެނެއެވެ ބިސްއަޅާ އުމުރުގެ ދޫނީގެ ކުލައަކީ ގަދަދިހުން މުށިކުލައެވެ ބޮޑެތި ނުވާއިރު ކުލައަކީ ގަދަ އަޅިކުލައެވެ