radheef.info
ރަދީފު


ދޯނި
ނ މަހަށްދިއުމަށާއި އެއްރަށުން އަނެއްރަށަށް ދަތުރުކުރުމަށް ބަނދެފައި ހުންނަ އުޅަނދެއް
އިލިގަނޑު
ނ އޮޑިދޯނިފަހަރުގެ އުޅަކަށް ވައްދަން ހުންގާނުގައި ޖަހައިފައި ހުންނަ އިލި
އިލިޖެހުން
މ (1) ދޭއްޗެއް ހަރުކުރުން (2) ތޮރުފައިފައި އިއްޔެއް ހެރުން (3) ދޯނިފަހަރު ދެބައިން ބާވެގެން ބައުއިލިތައް ދުއްވައިފައި އައު އިލިޖެހުން
އިސްފިލާ
ނ އޮޑިދޯނިފަހަރުގައި ވަނޮޅުގެ ދެކަނި ދޭތެރޭގައި ކުނބުގެ ދިރުނބާކޮޅާ ވީ ފަރާތުގައި އޮންނަ ފިލާ
އުނދުންކޮށި
ނ އޮޑިދޯނިފަހަރުގައި ކައްކާން ކަރާސީނުތެޔޮ ހުސްކުރި ޑަބިޔާއަކުން ހަދައިފައިހުންނަ އުނދުނެއް
އުރުއްޓުން
މ (1) އޮޑިދޯނިފަހަރުގެ ފުލުބާރު ކުޑަކަމުން ދެފަރާތަށް ހެލޭހެލުން (2) ދެއަތަށް ގުޑައިގަތުން (3) ދެއަތަށް ދެއަތަށް އަރިއެޅުން
އުޅައް
ނ (1) އެއްޗެތީގައި ހިފާންހުންނަތަން. މިސާލު: ޖޯޑުއުޅައް މޭޒު ވައްގަނޑުގެ އުޅައް (2) އޮޑިދޯނިފަހަރުގެ ހުންގާނު އަޅާން މައްޔަލުގެ ތިރީގައި ލަކުޑިން ހަދައި ހަރުކޮށްފައިހުންނަ އެއްޗެއް
އުވައޮޑި
ނ އުވަގަށަން ގެންގުޅޭދޯނި
އުފުލި
ނ (1) ކަންޖަށް އަޅާ އޮއްޓަރު (2) މަސްހިފާންގެންގުޅޭ ދިގުދަލުގެ މަތީކުރެވީގައި ހަރުކޮށްފައި ހުންނަ ލަކުޑިފޯލި މިލިޔެފައި ހުންނާނީ ބެރުއޮންޏެއްގެ ސިފައިގައެވެ (3) ދޯނިފަހަރު އަޅާއިރު އެއަޅާވައު އަޑިޔަށްގޮސް ގަލުގައި އެޅިދާނެތީވެ އުފުއްލާންއޭގައި އައްސާ ކަނދުގަނޑު
އެނގަހިފުން
މ އެނގައަށް ދަމައި ދޫކޮށް ހަނދާން ހިފަހައްޓައިގެން ހުރުން މިއީއޮޑި ދޯނި ބައްތެލި ފަހަރު ގަދަޔަށް ދުއްވާއިރު ކުރާންޖެހޭ ކަމެކެވެ
އެންވަށިބޮނޑި
ނ )ހ ( މަސްދޯނިފަހަރަށް އެންވަށިލާ ގޭގެއިން އިރުވައި ހުސްވީމާ އެދޯނިން މަހަށްދާ މީހުންނަށް ދޭކެއުން
އެންވަޑިފަލިޔަ
ނ )ސ.( ދޯނިފަހަރުގެ ވާތްފަރާތުން ދިރުނބާކޮޅުން ފެށިގެން ހަތަރު ވަނަފަލި
އެތެރެވަތުސާމާނު
ނ އޮޑިދޯނިފަހަރުގެ އެތެރޭގައި އަޅާ ސާމާނު
އޮރުވާ
ނ އޮޅުދޫ ކަރައިގެ މީހުން މަހަށްދާން ގެންގުޅޭ ބަރާދޯނި މީގެ ދެކޮޅު ހުންނާނީ އެއްގޮތަށެވެ އަނގަމަތީގެ ފުޅައުމިންވާނީ ރިޔަނެއްހައި ވަރެވެ
އޮޅު
ނ (1) ބޭރުރަށްރަށުގައި އޮޑިދޯނި ފަހަރަށް ވަދެވޭނޭހެން ހުންނަ ފުންތަންތަން. (2) ފަޅުތެރޭގައި އުނިޔަވައްދާން ފުންކޮށްފައި ހުންނަ ވަޅު. (3) ބޮނބިފައުކުރާން އެއްގަމުގައި ހަދައިފައިހުންނަ ތަންތަން. (4) އަލަ އިންދުމަށްޓަކާ އަޑިކޮށް ހަދައިފައި ހުންނަބިން. (5) ދެއެއްޗެއްކައިރި ކުރުމަށްޓަކައި ބާރުލާން ދަނޑިގަނޑެއްލައްވައިގެން އަނބުރައި ބާރުކޮށްފައި ހުންނަ ރޯނުގަނޑު ނުވަތަ މާރުގަނޑު (6) ވަގުކަމާއި ސިހުންފިލައި ގާތްވެފައިވުން
އޮޅުފަތި
ނ ބާވަތެއްގެ މިޔަރެއް. މީގެ ބުރަކަށިމަތީގައި ތިން އުރަހަ ހުންނާނެއެވެ. މީގެ ބަނޑުދޮށުގައި ހުންނަ ދެފިޔަފަތުން މިދާނޭމަގު ކޮނެފުން ކުރަމުންދުވެއެވެ. މީގެ ބޯ ތަންކޮޅެއް ދިގުވާނެއެވެ. މިއީ ދޯނިފަހަރާއި މީހުންގައިގައި ދަތް އަޅާއި އުނދަގޫދޭ ނުބައި މިޔަރެކެވެ
އޮގަރުކިޔެވުން
މ (1) އޮގަރުމަސްލިބޭ މީހާ އަހަރަކު އެއްފަހަރު ކައްކައިގެން ޞަލަވާތް ފާތިޙާ ކިޔެވުން (2) މަސްދޯނި ފަހަރުން އޮގަރުމަސްދީގެން ކޮންމެ ދުވަހަކު މަސްދޯނި ލަފާއިރު އެތާ އިނދެގެން ޞަލަވާތްފުޅާއި ފާތިޙާ ފަރިއްކޮޅު ކިޔެވުން އޮގަރު ކިޔަވާއިރު ހުރިހާ ވަލީވެރިންނަށް ފާތިޙާ ފަރިއްކޮޅު ކިޔަވައިފައި ކަނޑުމަތި ފާތިޙާ ކިޔަވާނެއެވެ (3) ރާވެރީން ރާތަށްޓެއް ދީގެން މިފާތިޙާ ކިއުއްވުން
އޮގަރުމަސް
ނ (1) ޞަލަވާތްފުޅާއި ފާތިޙާފަރިއްކޮޅު ކިޔެވުމަށް މަސްދޯނިފަހަރުން ދޭމަސް (2) ފަންލީ މަސް
އޮޑިވަޅު
ނ (1) އޮޑިދޯނިފަހަރު ބަނުމަށްޓަކައި ބަހައްޓާތަން (2) އެފަދަ އެއްޗެތި އެހެލައިފައި ބަހައްޓާތަން
އޮޑިމަތި
ނ (1) އޮޑިދޯނިފަހަރުގެ ހަފޮޅުން އެތެރެ މިބަސް ބޭނުންކުރާނީ ދަތުރުކުރާއިރުއެވެ (2) ދަތުރުމަތި
ވަނޮޅު
ނ އޮޑިދޯނިފަހަރުގައި ކުނބުޖަހަން ހަދައިފައި ހުންނަ ތަން