radheef.info
ރަދީފު


ދަނޑި
ނ (1) ގަސްގަހުގައި ލަކުޑިޔަށްވުރެ ހިމަކޮށް ދިގުކޮށް ހެދިފައި ހުންނަ ގޮފި (2) އެއްތަނޑިޔަށް ހެދިފައި ހުންނަ ވަކިފަލަމިނެއްގެ ގަހެއްގެ މައިގަނޑަށް ބިމުން ވަކިކޮށްލީމާ ކިޔާގޮތް (3) ލަކުޑިން ވައްކޮށް ހިމަދިގުކޮށް މަށައިފައި ހުންނަ އެއްޗެހި (4) އިރު ހިނގާ މަގު މިސާލު: އުތުރުދަނޑި (5) މަޖާޒު: ހިމަދިގުކޮށް ހަރުކޮށް ހުންނަ އެއްޗެހި
އަބާރަނަ
ނ (1) އަންހެނުންގެ ކަރުގައި އަޅާމޮޅުގަހަނާ (2) ދަނޑިބެރުގައި ޖަހާ ލަވައެއް (3) ދަނޑިބެރުގެ ބޮޑެތި ލަވަތަކުގެ ތެރެއިން ލަވައެއް މިލަވަ ޖަހައިއުޅެނީ ޢީދުދުވަހާއި ހުކުރުދުވަހު ރަދުން އަބާކޮޅު ތުރުކުރައްވާން އުތުރުގެކޮޅަށް ވެދެވަޑައިގަތުމުންނެވެ ބަންގި ބެރުޖަހަމުންގޮސް މުދިން ބޭކަލުން ފީކުމުއްޞަލާތި ގޮވައިފައި ގަނޑުވަރަށްދުރުވެ ސުއްޖާދުހިފައިގެން ނުކުމެއްޖެނަމަ ފުމޭނީ އަބާރަނައެވެ ސުއްޖާދުނުލައި ނިކުމެއްޖެނަމަ ބަންގިބެރުހުއްޓާނީއެވެ ދެންމިލަވަޖަހާނީ ސަމާކުޅިހުއްޓާރޭރެއަށް ރަނަހަމައިދިކޮށިން ތިންދަނޑިޔާއި އެއްލާން ނިކުތީމައެވެ މިއިންކޮންމެތާކުވެސް މިލަވަފުމޭނީ ރަދުން ނުކުމެވަށައިގެންނަވަންޏާއެވެ
އަބާރަނަމަތީބޮޑުލަވަ
ނ "އަބާރަނަ" ޖަހާފައި އޭގެ ލަވަމައްޗަށް ޖަހާލަވައެއް ކުޅިހުއްޓާރެއަށް މިލަވަޖަހާ އުޅުނީ އައްޑޫކޮށިން ތިންދަނޑިއާ އެއްލާންނުކުތީމައެވެ
އަކަރަކަރާ
ނ ބޭހެއްގެނަން މިހުންނާނީ ހިމަދަނޑިކޮޅުތަކެއް ހެނެވެ މިބިންދައިލައިފައި ކޮޅު ދުލުގައި ޖެއްސީމާ ކުޑަކޮށް ދޫތޮރުފާގޮތެއް ހުންނާނެއެވެ
އައްތެލި
ނ (1) ހަމަ ރިޔަލުގަ އަރާކުރެވި އޮޑިޔާ ފޭކުރާން ވިއްދާ ދަނޑި މިދަނޑި މަހާފައި ހުންނާނީ ރިޔަލުގައި ހުންނަ ކޮޑައްޔަށެވެ (2) ކަތިރިޔާ އެއްޗެހި ވަޔަށް ދުއްވާންވީމާ މޯރާކޮޅުގައި ވިއްދާ ދަނޑި
އަތް
ނ (1) ދެފަރާތުގެ ކޮނޑުހުޅާ އެކުވެފައިވާ ދެ ގުނަވަން މި ގުނަވަން ވަނީ ތިންބަޔަށެވެ އެއީ މުލަށްދަނޑިޔާ އަތްދަނޑީޔާ އަތްތިލައެވެ (2) ފަރާތް (3) ތާސްކުޅޭއިރު ގަދަވާ ބަޔަށް އެއް ފަހަރުން ނަގާން ލިބޭ ގަނޑުތައް
އަތްކެނޑުން
މ (1) ވައްކަންކޮށްގެން އަތުގެ ކުޑަހުޅުން ބުރިކޮށްލުން. (2) ކަށިވިދުރިން ރައްކައުވުމަށްޓަކައި އަތުގެ މުލައްދަނޑިން ނުވަތަ އަތްދަޑިން ދެތިންތަނުން ލޭފެންނަވަރަށް ހަންދުއްވާލައި އެތާނގައި އެކަމަށް ޚާއްޞަ ވެފައިވާ މާއްދާ )ވެކްސިންދިޔަ( ޖެއްސުން
އަތްދާނި
ނ މައްޔިތާ ގަޔަށް ފެންއަޅާން ގެންގުޅޭ ދަނޑިކުރުދާނި
އަލިފާނުކުޅިވަރު
ނ (1) ބަޑިކުޅި ހަވާ އަލިދަނޑި މިބާވަތުގެ ކުޅިވަރު (2) ބަޑިބޭހުން ހަދައިގެން ރޯކުރާން ގެންގުޅޭ ކުޅިވަރުގެ ތަކެތި
އަލިފާންފޮށި
ނ އަލިފާން ދަނޑި އަޅައިފައި ހުންނަ ފޮށި
އަލިފާންދަނޑި
ނ އަލިފާން ފޮށީގައި ހުންނަ ދަނޑި
އަލިދަނޑި
ނ އަލިފާން ދަނޑިފަދައިން ދަނޑީގެ ކޮޅުގައި ބޭސްލައިފައި ހުންނަ ރޯކުރީމާ ސާފުތާހިރު އަލިވާދަނޑި މީގެކިތަންމެ ކުލައެއް ހުރެއެވެ
އަލުއި
ނ ކާންގެންގުޅޭ ވަތަށްފައިބާ ގޮނޑިއެއް. މިސާލު: ވިލާތު އަލުއި ދަނޑިއަލުއި
އަލޫކައްޓަލަ
ނ )ހ ( ދަނޑިއަލުވި
އަސާ
ނ (1) ދޮށިމޭނާ ވެލާނާ ހަކުރާ ފާމުދޭރި މާފަތް ދަހަރާ މިބޭބޭކަލުންނާއި ފަނޑިޔާރުކަމާއި މީރުބަޙުރުކަމާއި ރަނަހަމާންތިކަމާއި ފުރަމާލޭގެ ދެޚަޠީބުކަމާއި މިކަންކަން ޙަވާލުކުރައްވާ ބޭބޭކަލުންނަށް ދެއްވާދަނޑި މިހުންނަނީ ކުރަހައި ލާފެންކޮށްފައެވެ (2) ހިފައިގެން ހިނގާ ލަޓިގަނޑު
އަސް
ނ (1) މީހުން ސަވާރުވެގެން ދުއްވާން ގެންގުޅޭ މަޝްހޫރު ޖަނަވާރު (2) ފުޅަފުގައި ކެހައެޅުމާއި ފުރާޅު ބަނުންފަދަ ކަންތަކުގައި ދެދަނޑި އެއްކުރާން ވަކިގޮތަކަށް ލައްވައިގެން ބަންނަ ބަނުމެއް (3) އެއްފަށަށް ބާރުކޮށްގެން ބައްދާގޮށް (4) އ އަސްތާ
އަސްނެއްޓިހޭރިޔާ
ނ ދަނޑިބެރުގެ ލަވައެއް. އެއީ ރަސްކަމަށް ކޮލިލާ ދުވަހު ހަތްޖެހީމާ ޖަހާލަވައެވެ
އަސްކަރުންގެ ދަނޑި
ނ އަސްކަރުންގެ ކޮންމެ ގެއަކަށް ދެދަނޑި މަގުން އޮންނަ ދިހަ ދަނޑިއާ އަތްތާރަފަނީންގެ އަށްބައިގެ އަށްދަނޑިއާއެކު އަށާރަދަނޑި މިއީ ކުދި މުސްކުޅީންނަށް ދެއްވާ އަށާރަ ދަނޑިއެވެ
އަސްކަރުމުސްކުޅިން
ނ އަސްކަރުންގެ ދަނޑި ދެއްވައިފައި ތިބޭ މީހުން ޢިއްޒަތަށް ވަޑައިގަންނވާއިރު މިމީހުން ތިބޭނީ ރަދުންގެ ކަނާތްޕުޅު ފަރާތުގައެވެ
އަސްގެނިދަނޑި
ނ (1) އަސްކެނދިދަނޑި (2) އަސްކަނިދަނޑި
އާލަވަބައި
ނ ދަނޑިބެރުގެ ލަވަބައެއް މިލަވަބައިގެ ފުމޭލަވަ ހެއްދެވީ މާވާގަނޑުވަރު ޙުސައިންދީދީ ކަމަށާއި ޖަހާލަވަ ހެއްދެވީ މާންދޫގެ މޫސާދީދީކަމަށް ބުނެއުޅެއެވެ