radheef.info
ރަދީފު


ދަށް
ނ (1) މަތި މިބަހުގެ އިދިކޮޅު މިސާލު: އޭނާ ދަށްމަޤާމަކަށް ބަދަލުކޮށްފިއެވެ (2) ދެރަ މިސާލު: ފެންވަރު ދަށް (3) މަތިން އަޅާއެއްޗެއްގެ އެތެރެ މިސާލު: ރިޔާދަށުގައި ތިބިމީހުން (4) މަތިފަރާތްނޫން އަނެއްފަރާތް މިސާލު: އެސިޓީ އޮންނާނީ އެފޮތުގެ ދަށުގައި (5) އަނދެގެން ހުންނަ ނުވަތަ ލައިގެންހުންނަ އެއްޗެއްގެ އެތެރެ
މޫދަށްއެރުން
މ މޫދަށް ފޭބުން
މޫދުއެޅުން
މ (1) ފޭރާން ފަދަތަކެތި ދާފިލުވަން ފަސޭހަޔަކަށް މޫދަށްލައި ފައްތިޔަލުގައި އެޅުން (2) ދަނޑި ދޮށި ލަކުޑި ފަދަތަކެތި އޮއިކުރުން
މެންދާ
ނ އެންދަމާ ދަލުގެ ހިޔަނި ފިޔަވައި މެދަށްވީ ހިސާބު
މެދުއިނގިލި
ނ (1) އަތްފައިގެ ފަސް އިނގިލީގެ މެދަށް ހުންނަ އިނގިލި (2) ޝަހާދަތް އިނގިއްޔާއި ކަށި އިނގިއްޔާއި ދޭތެރޭގައި ހުންނަ އިނގިލި
މެދުއުޅި
ނ (1) ވާއަޅާއިރު މެދަށް ހުންނަފަށް (2) ވަލުގެ އެތެރޭގައި މަދެއްގެ ގޮތުގައި ހުންނަ އުޅި
މެދުއޮޅި
ނ (1) އިހުގެ ބައެއްގޭގޭގައި ބޭރުގެއިން މެދު އެތެރެގެއަށް ވަންނަން ހުންނަ ދޮރުގެ އޮޅި (2) އޮޑިދޯނިފަހަރުގެ މަތިމަޅާދަށްމަޅާ ދޭތެރޭ އިންނަފަތްމަތީގާ އަޅާ އޮޅި
މެދުޖެހުން
މ އިރު ހަނދު ތަރި ނުވަތަ ނަކަތް މެދަށްއައުން
މޭދޮށް
ނ މޭދަށް
ފަށްކޮށްލުން
މ (1) އެއްކަމެއް އެކަކު ކުރިވަރަށްވުރެ މޮޅަށް އަނެކަކު ކުރުމުގެ ސަބަބުން ކުރީމީހާ ދަށްވުން (2) ރެކޯޑް މުގުރާލުން (3) ފަށްކުރުން މިބަހުގެ ލުއިގޮތް
ފަނާދަނޑި
ނ ފަނާގަލުގެ މެދަށް މަހައިފައި ހުންނަ ދަނޑި
ފަނާލުން
މ އޮޑިދޯނިފަހަރު ތަންތާގައި ހައްޔަރުކުރުމަށްޓަކައި ފަނާ މޫދަށްލުން
ފަންހިބަރު
ނ ކަނޑުގައި އުޅޭ ހިބަރުގެ ބާވަތެއް މީގެ ބުރަކަށިމަތީގައްޔާއި ބަނޑުދަށް ފަރާތުގައި ދެކޮތަރިބައި ހުރެއެވެ ބުރަކަށިމަތީގެ ކުލައަކީ ކަޅު ނޫ ކުލައެވެ ބަނޑުދޮށް ފަރާތް ހުންނަނީ ހުދުކުލައެއްގައެވެ ދެއަރިމަތީގައި ފަނޑުނޫ ކުލައިގެ ލައްތަކެއް ރޮނގަކަށް ވާގޮތަށް މަހުގެ ހުރަހަށް ހުރެއެވެ
ފަންގަނޑުބައި
ނ )އ ( ފަންރޮދުލައިގެން މަސްހިފާއިރު ފަންރޮދަށް އަޅާބައި
ފަންގަނޑުތޮޅި
ނ ފަތިކޮށް ދިގުކޮށް ހުންނަ މަހެއް. މިއީ ތޮޅީގެ ބާވަތެކެވެ. މިއީ އެހެން މަސްމަހާ ޚިލާފަށް ބަނޑުދަށް ފަރާތުގެ ކޮތަރި ބައިނަގޫފަތާ ވަރަށް ކައިރީގައި ހުންނަ އަދި ކަންފަތްވެސް ބަނޑުދަށް ފަރާތުގައި ހުންނަ މަހެކެވެ މިމަސް މާކަނޑުތަކުގައި އުޅޭތީ މަދު ފަހަރެއްގައި ނޫނީ ނުބޭނެއެވެ
ފަންޏާދިއުން
މ ބޮޑުމާލޫދަށް ދަޢުވަތު ދީގެން ރަށްރަށުން އަންނަ މީހުނަށް ދިނުމަށްޓަކައި އަތިރިމައްޗަށް ފަނިރުނބާތައް ގެންދިއުން
ގޭޅިނާރު
ނ (1) ދަށުނާރު (2) )ސ ( ޒަކަރުގެ ދަށް ފަރާތުގެ ނާރު
ފަރުދަށުންދިއުން
މ ފަރުގެވައިދަށް ފަރާތުން ދިއުން
ފައިތިލަދަށް
ނ (1) ފައިތިލައިގެ ދަށްފުށް (2) ދަށްފައި
ފަސްކަނި
ނ (1) ހަތަރެސްކަން ރިޔަލުގެ އޮޑީގެ މަތީކަނި (2) ކަތިރިޔަލުގެ ދަންމާނު މުޑު (3) ފަސްކަނި ދަށް
ފަސްކަނިދަށް
ނ ކަތިރިޔަލުގައި ދަތުރުކުރާއިރު ދޯނީގެ ދަށްކިބައިން މެދު އޮޑިން ފެށިގެން ދަންމާނު ބުޅިއާދޭތެރޭ ރިޔަލު ދަށުން ފެންނަތަން