radheef.info
ރަދީފު


ފުޅަ
ނ (1) ބައެއް ތަކެތި ކުނިވީމާ އަޅާ ފަންޏެއް (2) މަޖާޒު: އަވަގުރާނަ
ގބ )މުސްކުޅިބަހެއް( މައިމީހާއަށް ނެތް ކުލުނެއް ދަރިފުޅަކަށް ނުހުންނާނެކަން އެންގުމުގެ ގޮތުން ބުނެއުޅޭ ބަހެއް ގަހަށް ނެތްކުލުނެއްފަތަކަށް ނުހުންނާނެއެވެ
ގަހިން
ނ )ބދ ( ފުޅަ
ގަދަކުރުން
މ (1) ފަރުވާދީ ފަސޭހަކުރުން (2) ބަލިތަނެއްގެ ބަލިކަން ކެނޑުވުން މިސާލު: ފުޅައް ބަލިވެފައިހުރީމާ ގަދަކުރަން މުޑިޖެހުން (3) މަޖާޒު: ބޭނުންވުމާއެކުވެސް ބޭނުންނުވާގޮތް ދެއްކުން (4) ތިމާގެބަސް އެހެން މީހުންގެ މައްޗަށް ހިންގުން (5) ތަނަކަށް ވެރިވެގަތުން (6) ވިއްސާރަވެ ވައިގަދަވުން
ގާތުންދިނުން
މ މަންމަގާތުން ދަރިފުޅަށް ކިރުދިނުން
ގިފިލި
ނ (1) ގިފިއްޔަށްދާން ހަދައިފައި ހުންނަތަން (2) ޤަޟާޙާޖަތް ކުރުމަށާއި ހިނައިޠާހިރުވުމަށްޓަކައި ވަށައިގެން ފާރުރާނައިފައި ނުވަތަ ފުޅައްއަޅައި ވަޅުބަހައްޓައިފައި އޮންނަތަން މިތަންތަން ހުންނާނީ މަތިހިޔާނުކޮށެވެ
ގެމާވެދުމާދިއުން
މ ޢިއްޒަތްތެރިއަކު ވަޑައިގަންނަވާ އުޅަނދުފަހަރަށް ވެދުމާދިއުން މިގޮތަށް ވެދުމާދާއިރު އެބޭފުޅަކު ވަޑައިގަންނަވާ އުޅަނދު ޖައްސާ ކޮންމެރަށަކުން ކުރުނބާ އިހަލަކާއި ބިލެތްބޮނޑިއަކާއި 52 ލާރިދެއެވެ
ގޮށިދީދި
ނ ދުނބުރި ފަތުގެ ކުރީކޮޅު ބައެއް ނާރުތައް ހުންނަފުށަށް ލަނބައިލައި ކޮޅުގައި ލޯވަޅެއް ހުންނަގޮތަށް ދެފަރާތް ފައްތަރުކޮށް އިލޮށި ކޮޅެއް ޖަހައިފައި އެ ލޯވަޅުން ތަނޑިނެރެގެން ހަދާއެއްޗެއް މިހަދަނީ ކުޑަ ކުދިންގެ ކުޅޭކުޅޭ ދަރިފުޅަކަށެވެ
ސަލާމަތިޖެހުން
މ ބައެއް ރަސްމީ ކަންތަކުގައި ބަޑިބެރު ފަށަން ޖަހާ ބެރެއް ޖެހުން މިސާލު: )ހ( މަޖުލިސުއްތަޝްރީފާތު ފެށޭނީ ތިންބަޑި ޖެހުމާއެކު ބަޑިބެރުން ސަލާމަތި ފެށީމައެވެ )ށ( ގަނޑުވަރު ތެރޭގެ ބޭފުޅަކު އަންހެން ބޭފުޅަކައިގެން ރައްކާވެއްޖެނަމަ ބަޑިބެރު ފަށާނީ ސަލާމަތިންނެވެ
ޒިޔާރަތްފުޅުލާރި
ނ (1) އިހުގައި ނަދުރު ބުނެގެން ޒިޔާރަތްފުޅަށް ހަދިޔާ ކުރާ ލާރި މިކަން ކުރާ ގޮތަކީ ރަބީޢުލް އައްވަލް މަހުގެ 21 ވަނަދުވަހު ގޭގޭގައި ޞަލަވާތް ކިޔަވާއިރު އެކި ޢަދަދަށް ބޮޑުލާރި ވަކިވަކިން ހުދުފޮތި ކޮޅަކަށްލައި އެލާރި ނުވެއްޓޭގޮތަށް ފޮތިކޮޅުގައި ގޮށެއް ޖަހައި އެލާރިތައް ޞަލަވާތް ކިޔަވާއިރު ބަހައްޓައިފައި ހުންނަ ފެންތައްޓަށް އަޅައި ސަލަވާތްކިޔަވާ ނިމުމުން އެތަށިން އެލާރިތައް ނަގައި ގޭގެ ކުދިންގެ އަތުގެ މުލައްދަނޑީގައި ބަންނަނީއެވެ. މިލާރި 3 ދުވަސް ފަހުން ކުދީންގެ އަތުން ނަގައި ގޭގެ ހުރަސް ނުވަތަ ތާވަކަރުގައި ބަނދެފައި ބެހެއްޓުމަށްފަހު ސަރުކާރު މެދުވެރިކޮށް ޒިޔާރާތްފުޅަށް ފޮނުވަނީއެވެ (2) ރަސްރަސްކަލުންނާއި އެފަދަ ބޭފުޅުން ނަދުރު ވިދާޅުވެގެން ޒިޔާރަތްފުޅަށް ފޮނުއްވަން ބަހައްޓަވާލާރި
ޝަފާޢަތްފުޅަށްޖެހުން
މ އިހުގައި ޞަލަވާތްފުޅަށް ވަތްކޮށްފައި ވަލީވެރީންގެ ފާތިޙާފުޅަށް ވަކިން ބަތްކޮޅެއް ވަތްކުރުން. މިކަން ކުރާގޮތަކީ ލާހި ބޯތައްޓަކަށް ބަތްއަޅައި ބާރުކޮށްފައި ޞަލަވާތްފުޅުތަށީގެ އެއްއަރިމައްޗަށް ބޯތަށި ބަންޑުން ޖަހަނީއެވެ ދެން ބޯތަށި ނަގާއިރު ހުންނާނީ ބޮނޑިބަތެއް ހެންނެވެ
ޝަފާޢަތްޕުޅު
ނ އިހުގައި ޞަލަވާތްފުޅަށް ވަތްކުރާއިރު ޞަލަވާތުތަށީގެ އެއް ކައިރިއަށް ވަށްބޮނޑިބަތެއްހެން ޖަހާބަތްކޮޅު މިގޮތަށް ޖަހާ ޖެހުމަށް ސަފާތަށް ޖަހަންވެސް ކިޔައެވެ
ޝާހީޥުން
މ މަޖާޒު: (1) މާމޮޅު މީހަކަށް ހެދިގެން އުޅުން (2) އަމިއްލައަށް ބޭފުޅަކަށްވެގެން އުޅުން
ޝުކުރުކުރުން
މ (1) އަނެއް ފަރާތަކުން ކޮށްދޭ ހެޔޮކަމެއް ޤަބޫލުކުރާކަން ފާޅުކުރުން (2) މިންވަރު ފުޅަށް ރުހުން
ﷲއަށްޓަކައި
ގބ (1) މާތްރަސްކަލާނގެ ރަސްކަންފުޅަށްޓަކައި (2) ދަރުމައަށް