radheef.info
ރަދީފު


ފަށް
ނ (1) ރޮދި ރޯނު ކަންވާރުފަދަ އެއްޗެއްގެ ދިގު އެތިކޮޅެއް (2) ކަރުގައި އަޅަން މަޢުދަނީ ތަކެތިން ހަދައިފައި ހުންނަ ފަށްވަރު (3) ތަކުރާރުވާގޮތަށް ހިނގާ ކޮންމެ ކަމެއްގެ ފަހަރެއް (4) ފޮތި ފަދަ އެއްޗެހި މަޅައިފައި ހުންނައިރު އެއިން ބައެއް (5) ތަންތަނުގައި ނުވަތަ އެއްޗެހީގައި ތަފާތު ކުލައަކުން ހިމަދިގުކޮށް ފަވައިފައި ހުންނަ ފެވުން (6) އުޅި
ކުނިހުދު
ނ އަތްކަން ކުރާ މީހުން އެއްފަށުން މަހަމުން ފަށް ގަތާގެތުމެއް
ކުނިހުދުފަށް
ނ އަންހެނުން ކަރުގައި އަޅާ ފަށްޓަރު ބައިގެ އެއްނަރުން ގަތައިފައި ހުންނަފަށް
ކުރަހަނި
ނ ބިންވަޅު ނަގައިގެން ނުވަތަ ދެފަށްލާ ޖަހައިގެން ކުރަހާމީހާ
ކުރަފަތް
ނ (1) އިސްތަށި ބާލަން ގެންގުޅޭ އާލާތެއް މިއީ މިޔަ ތޫނުކޮށް ކެފޭގޮތަށް ހުންނަ އެއްޗެކެވެ (2) ދޯނިފަހަރުގެ ދިރުނބާކޮޅުން ދެފަރާތުގެ މަތިކަނުގައި ކިއްސަރުލާފައި ހުންނަ ފަށްބުރިއެއް
ކުރަފަތްބުރި
ނ (1) ސަތަރު ކުރަހާ ގުޑީގެ ފިންދުނީގެ ކޮޅުގައި ޖަހާ ފަތެއް (2) ދޯނިފަހަރުގެ ދިރުނބާކޮޅުން ދެފަރާތުގެ މަތިކަނުގައި ކިއްސަރުލާފައި ހުންނަ ފަށްބުރި
ކުރެވި
ނ (1) ރިޔަލާއި ސަތަރިފަދަ އެއްޗެހީގެ އެމުނީގައި ހަރުކޮށްފައި އޮންނަ ވާ (2) ލޮލުގެ އެސްފިޔަ ފަޅައިފައި ހުންނަތަން (3) )ހ ( އަންނައުނުގެ ކަށިފަތީގެ އެންމެ ކައިރިފަށް
ކުދިދުންފަތް
ނ (1) ދުންފަތުގެ ބާވަތެއް މިއީ ބޮޑުދުންފަތާ ޚިލާފަށް ފަތްބޯ ދުންފަތެކެވެ ފަތްހުންނާނީ ވަށްކޮށް ކުދިކޮށެވެ މިއީ ޢާންމުކޮށް ދުފަން ބޭނުންކުރާ ދުންފަތެކެވެ މީގެރަހަ ގަދަވާނެއެވެ (2) ދުފާފަތް (3) ކުދިފަތް
ކެނދި
)ބދ ( އެއްޗަކަށް ނުވަތަ ކަމަކަށްއެދި ފަށްފަށުން ކުރާ އާދޭސް
ކެނދުން
މ ކަމަކަށް އެދިގެން ނުވަތަ އެއްޗެހި އަތުލާން ފަށްފަށުން އާދޭސް ކުރުން
ކެވެލި
ނ (1) އަތްފައިގައި އަޅަން ހަދައިފައި ހުންނަ ގަހަނާއެއް. މިއީ މަޢުދަނަކުން ނަރުދަމައިގެން އެނަރުން ގަތައިފައި ނުވަތަ ބޮޅު އަމުނައިފައި ހުންނަ އެއްޗެކެވެ (2) ގަހަނާއެއްގެ ގޮތަށް ނޫނަސް އެކިއެކި ބޭނުންތަކަށް ފަތިކޮށްނާއި ހަތަރު އަރިއަށް ނުވަތަ އެނޫން ސިފަސިފައަށް ތައްޔާރުކޮށްފައި ހުންނަ ހިމަފަށް (3) ފަންގިވިންނަ ކަނިވަޅު (4) )ހ ( ކޭލި
ކެތްނުލެވުން
މ (1) ހުރަހޮޅޭ އުނދަގޫދަތިކަންތަކުގެ މައްޗަށް ޝަކުވާ ނުކޮށް ނުހުރެވުން (2) އެކަމެއް ކުރަންވީގޮތާއި ޚިލާފަށް އަވަސްވެގަތުން
ކެސެޓް
ނ (1) ކަމެއްގެ އަޑު ނުވަތަ މަންޒަރު ނުވަތަ މަޢުލޫމާތު ފަހުން ބޭނުންކުރެވޭ ފަދަ ގޮތަކަށް ރެކޯޑްކުރެވޭ ފީތާފަށެއް ލައްވާފައި އޮންނަ ފޮށި (2) މިފީތާފަށް އޮންނަ ފޮށި ލައްވައިގެން އަޑު އަހައި ރިކޯޑުކޮށް ހަދާ އާލާތް
ކެޔޮޅުރޮއްވި
ނ ފަރުމަހުގެބާވަތެއް މިއީ ދިގުކޮށްހުންނަމަހެކެވެ މިމަހުގެ މަތީތުންގަނޑަށްވުރެތިރީތުން ދިގުވާނެއެވެ މަހުގެކުލައަކީ ނޫއަޅިކުލައެވެ މިކުލަހުންނަނީ ވައިލެޓުކުލައާއި ގާތްކުރާކަހަލަ ކުލައެއްގައެވެ ކަރުތާފަތުގެ ކުރީބައިގެ ކައިރިފަށް ހުންނަނީ ކަޅުކުލައިގައެވެ
ކޮނޑުމައު
ނ (1) ފުރަތަމަ ޤާނޫނު އަސާސީ ފާސްވެގެން ވަޒީރުން ތުރުކުރެއްވި ކިނާރީއެޅި ހެދުންކޮޅުގައި ކޮނޑުމަތީގައި ހުންނަ މަޚުމާފަށް ކިލެގެބޭކަލެއްނަމަ މަޚުމާފަށުގެ މެދުގައި ރަންކުލައިގެ ތަރިއެއްހުރެއެވެ މިއީ ރަތުލޮއިން ހަދައިފައިހުންނަ އެއްޗެކެވެ ކިލެގެބޭކަލެއްނޫންނަމަ ހުންނަނީ ހަމައެކަނި މަޚުމާފަށެވެ (2) ސިފައިންގެ ޔުނިފޯރމުގައި ކޮނޑުމައްޗަށް އަރާފައި ހުންނަ ނިޝާން
ކޮޅުކަނދު
ނ އޮޑިދޯނިފަހަރުގެ ހުރަސްފިލާގެ ދިރުނބާކޮޅުން ދެފަރާތުގައި ޖަހައިފައި ހުންނަ ފަށްބުރި
ކޮއްބޯވިލާ
ނ )މ.( ފަށަލަ ފަށަލައަށް ބޯކޮށް ހުންނަ ވިލާ މިކަހަލަ ވިލާތަކުގެ ކައިރިފަށް ހުދުވާނެއެވެ މިއީ ވިއްސާރައެއް ގާތްވެއްޖެކަމުގެ ނިޝާނެއް ކަމުގައި ބުނެއެވެ
ކޮތަރި
ނ (1) މަހުގެ ބުރިކަށިމަތީގައްޔާއި މަހުގެ ބަނޑުދަށުން ފޫޅުދަނޑީން ތިރީގައި ހަނިކޮށް ތުނޑުތުނޑަށް އުފުއްލާފައި ހުންނަފަށް (2) ދުންމާރި އެދުރުމީހާގެ ދުންމާރީގެ މަތީފަރާތުގައި މަހުގެ ކޮތަރިފާޑަށް ގުދުކޮށް ހަރުކޮށްފައި އޮންނަ ތުނޑުބައެއް މިހަރުކުރާނީ ރަސްމީ ބޮޑެތި ދުވަސްދުވަހަށެވެ
ކޮތަރިރީނދޫދަންބޮޑު
ނ ދަންބޮޑުގެ ބާވަތެއް މިއީ ބުރަކަށިމަތީ ކޮތަރިބައިގެ ހަރުކަށިތައް ރީނދޫ ކުލައިގައި ހުންނަމަހެކެވެ ކަރުތާފަތުގެމަތީ ކައިރިފަށުގައި ކަޅުކުލައިގެ ލަފެއްހުރެއެވެ މަހުގެ ކުލައަކީ މަޑުރަތްކުލައެވެ ހުޅުނބުތަކުގެ ކައިރިފަށް ހުންނަނީ ގަދަ ރަތްކުލައިގައެވެ
ކޮސް
ނ (1) ތާކުންތާކުނުޖެހޭ މީހާ (2) ތާކުންތާކުނުޖެހޭ ވާހަކަ (3) ތާކުންތާކުނުޖެހޭ ކަންތައް (4) އޮޅުފަށް ފާވެފައި ހުންނަ އެއްވެސް ކަމަކަށް ކަމުނުދާ ލަކުޑިގަނޑު
ކޮޕީކަރުދާސް
ނ ދެކަރުދާސްފަށް ދޭތެރެއަށް ލައްވައިގެންމަތީ ކަރުދާހުގައި ލިޔުނީމާ ދަށުކަރުދާހަށް ނަކަލު އަރާނޭގޮތަށް ހަދައިފައިވާ ކަރުދާސް