radheef.info
ރަދީފު


މުގަ
ނ )ބދ ( މޫނު
ބަދަލު
ނ (1) މީހަކު ނެތްތާކު އެމީހަކު ކުރަންވާ ކަންތައް ކުރަންހުންނަ އަނެކަކު (2) އެކައްޗެއްގެ މަޤާމުގައި ބޭނުންކުރާ އަނެކަތި (3) އެއްޙާލަކުން އަނެއްޙާލަކަށް ފުރޮޅިގެންދާ ފުރޮޅުން
ބަތްފިޔަފާޅި
ނ މައުލޫދާއި ސަމާ ފަދަ ކަންކަމުގައި ކާބޯތަކެތި ގެންގުޅޭން ވަކިން ހަދައިފައި ހުންނަ އެއްފުރާޅު ގެއެއް
ބަޑަމަށްދިޔުން
މ މަތީ ކިބައިގައި ހުންނަ ދޯންޏެއްގެ ދަށް ފަރާތުން ފަސްކަންޏާ ހަމައަށް ދިއުން މިތަނަށް ދަނީ ކުރީގައި އޮންނަ ދޯނިންއުކާ އެމުން މަސްބޭނުމުގެ ބޭނުމުގައެވެ
ބަޑި
ނ (1) ބަޑިބޭހުގެ ބާރުން ވަޒަން ފޮނުވައިލާގޮތަށް ނުވަތަ ލޭޒަރުގެ އަލި ފޮނުވައިލާގޮތަށް ހަދައިފައި ހުންނަ ހަތިޔާރެއް. (2) އިސްފިރޭނެއްގެ ބާރުން ނުވަތަ ވައިގެބާރުން މަޑަ ނުވަތަ ވަޒަން ނުކުމެގެންދާގޮތަށް ހަދާފައި ހުންނައާލާތެއް (3) ތަވީދުލުމަށް އެތެރޭގައި ހޮއި އޮންނަގޮތަށް ވިރިކެކޭ އެއްޗެހިން ހަދައިފައި ހުންނަ އުރަ (4) އެތެރެއަށް ވައި ވަދެގެން ފުފިފައި ހުންނަ ދުލި (5) ފެނުގެ ތެރޭގައި ފޮތީގެ ތެރެއަށް ވައިވައްދައިގެން އުފެދޭ ބޮކި (6) ހަށިގަނޑުގެ ދޮރުދޮރުން ނުކުންނަ ބަލިމަޑުކަމެއް (7) ދިރޭ އެއްޗެއް ފެންގަނޑެއްގެ ތެރޭގައި އުޅޭ އުޅުމުގައި ހަދައިލާގޮތަކުން އިވޭ އަޑު (8) ބައެއް ބާވަތުގެ ރޯފަތް އަނދަމުންދާއިރު އެއިން އިވޭ އަޑު (9) ގުޅަ ތެލުލާއިރު ގުޅަ ފަޅައިގެންދާ އަޑު )01( ތަންތަނަށް ގިރިސްޖަހަން ގެންގުޅޭ އާލާތެއް (11) ގޭސް އުނދުން ރޯކުރުމަށް އަލިފާން ކެނޑޭގޮތަށް ހަދައިފައި އޮންނަ އާލަތެއް
ބަޑިބަޑިކުޅުން
މ ފަންކުޅޭ ކަހަލަ ގޮތަކަށް މުންޏެއް ޖަހައިގެން ދެބައަށް ބެހިގެން ކުޅޭ ކުޅިވަރެއް. މިއީ އިރުވައި މޫސުމުގައި ފުރަހަޅަ ލައިގަތުމުން މާލޭގެ އުތުރާއި އިރުމައްޗާއި ހުޅަނގު ފަރާތުގެ ބުރުޒުތައް ދޮވެ ސާފުކޮށް ބަޑިފަންޖަހައި މިކަމުގެ މަސައްކަތް ނިމޭ ދުވަހު އެތަނުގެ ކުނިފަން ސާފުކުރަން ނުކުންނަ އަންހެނުންނާއެކު މެދުރި މުސްކުޅި ބޭކަނބަލުން ކުޅުއްވައި އުޅުއްވި ކުޅިވަރެކެވެ މިކުޅިވަރު ކުޅެނީ މައި ފާރުން ބޭރުގައެވެ މިކުޅިވަރު ކުޅޭތަނަށް ފިރިހެނުން އައުން މަނާވާނެއެވެ
ބަޑިބޭސް މުގުރާ މީހުން
ނ އިހުގައި ބަޑިބޭސް ހެދުމުގައި މަސައްކަތްކުރާން ސަރުކާރުން ލައްވައިފައި ތިބޭ މީހުން
ބަޑިއެޅުން
މ (1) މަހުގެ ނަގޫފަތުން ލޮނުގަނޑުގައި ޖެހުން. (2) މަސްފެން މައްޗަށް އެރުމުގައި ނުވަތަ އަޑިއަށް ދިއުމުގައި އަޑު އިވޭގޮތް ހެދުން (3) ބަޑިއަކަށް ލައިފައި ތަވީދެއް އެޅުން
ބަޙުރުކިޔެވުން
މ ކިޔަވާގެއަޅައި މާމެލާމެލީން އަންބަލަންލައި ކަނޑަށް ލޭދައްކާނޭ ތަކެތި ފާލަމުގައި ބަނދެގެން ބަޙުރުދުޢާ އާއިއެކު ކިޔެވެލި ކިޔެވުން. ކިޔާނިމުނީމާ ލޭދައްކާއިރު މާވެސްދައްކާނެއެވެ. ލޭދައްކާ ތަކެއްޗަކީ ހާލާއި ވެލަޔާއި ކަހަނބާއި ގެރިބަކަރިފަދަ ތަކެއްޗެވެ މިއިން އެއްޗެއްގައި ލޭ ނެތްނަމަ ލޭ ދައްކާނީ އިނގިލި ކަނޑައިލައިގެންނެވެ
ބާރަބައިންބައި
ނ (1) އިހުޒަމާނުގައި މުދާބެހުމުގައި ނައިބުން ނަށްނަގައި އުޅުނުބައި (2) ބާރަބައިކުޅަ އެއްބައި
ބާޒީ
ނ (1) މަސައްކަތެއް ކުޅައުމުގައި ނުވަތަ ކުޅިވަރެއް ކުޅުމުގައި ކިޔާ ވާދަ (2) ވާދަކުރާ ކަންތަކުގައި ލިބޭ މޮޅު
ބިންހިމަ
ނ ބިމުގައި ފެތުރެމުން ހެދޭ ފަތްކުދި ވިނައެއް
ބިންބައި
ނ (1) ބިމުގައި ހައްދާތަކެތީން ބިންވެރިޔާއަށް އޮންނަބައި (2) ފާލައްބަކުރާ ރަށްރަށުން ބިމުން ބަންޑާރަޔަށް ނަގާފައި އޮންނަބައި
ބިންބުޅާ
ނ ބަށިކުޅުމުގައި ކޮނޑުމަތީން ނެއްޓުނީއްސުރެ ތިރިޔަށްދާގޮތަށް ޖަހާޖެހުން
ބިންވަރުނަ
ނ އިންދުމާ ނުލައި ބިމުގައި ހުންނަގަސްފެޅުމުގެ ބާރު
ބިންވަޅު
ނ (1) ފުއްޕުންލައި ކަނޑައިފައި ހުންނަ ލިޔުންގަނޑުގަނޑާއި ކުރެހުމުގައި އަޑިކޮށްފައި ހުންނަ ތަންތަން (2) ބައެއް ކުރެހުމުގެ ތެރޭން ކުރެހުމަށްވާގޮތުން ބަތާނަފެންނަތަން (3) މަޖާޒު: ނުފިލާގޮތަށް ހިތުގައިހަރުލާ ހަރުލުން
ބިންތުޅާކިލާޖެހުން
މ ހޫރައިފައި ބިމުގައި ޖެހުން
ބިލަވެޔޮ
ނ ބިމުގައި ދުވާ ފަތް ކުދި ވެލެއް މީގައި ނޫކުލައިގެ މަލެއް އަޅައެވެ
ބިލެތް އޮޑި
ނ ހަނގުބޭކަލުން މަތީފޭލި އަންނަ ހެދުމުގައި ވާތްފަރާތުން އުނަގަނޑުގައި ޖަހާ އެއްޗެއް. މިހުންނާނީ ކުރީގައި ކުޑަމާގަނޑެއް ބަދެފައި ކުރީކޮޅު ހިމަކޮށް ގުދުކޮށްނެވެ
ބިލެތްގަސް
ނ އައްޑުހު ދުޢާފަދަ ބައެއްރަސްމީ ކެއުމުގައި ކޭން ކާމީހުންނަށް ލިބޭ ބިލެތްތަކުން އެމީހުންގެ ގޭގެޔަށް ފޮނުވުމަށް މަލެއްގެ ސިފައިގައި ރާވައިފައި ހުންނަ އެއްޗެއް
ބިސްމިކިޔުން
މ (1) ރާގު ކިޔުން (2) ކަމެއްގެ ފަށައިގަތުމުގައި ﷲ ގެ އިސްމުފުޅުން ފަށަމޭ ބުނުން