radheef.info
ރަދީފު


މަޑު
ނއ (1) ހަރުކަމެއް ނެތުމުގެ ސަބަބުން އޮބައިލީމާ ފިތިގެންދާގޮތް ހުންނަ ހުރުން (2) ކަނޑުގެ ރާޅުތައް ކުދިވެ ހަމަހިމޭންވެފައި އޮންނައޮތުން (3) ޙަރަކާތްތެރިކަންކުޑަ (4) ފަނޑު (5) ނޭފަތާއި ލޮލާއި ކަންފަތުން ނެގޭ ހަޑިއެއްޗެއް (6) ފެނާއި ތެލުގެ ތެރޭގައި އުފެދޭ ހަޑި (7) ކާއެއްޗެއްގެ ރަހަޔަކުން ވާއުނި (8) ގަދައާއި ހަރުގެ އިދިކޮޅު
ކުޑަރިޔާ
ނ (1) އޮޑިދޯނިފަހަރުގެ ރިޔާބައިގައި ހިމެނޭ އެންމެ ކުޑަރިޔާ. މިއީ މައިކުނބަށްނަގާ ރިޔަލެކެވެ. މިރިޔާ ބޭނުންކުރަނީ ވިލާގަނޑުގެ ވައިތެރޭގައި އުޅަނދު ކަނޑުހެޔަށް ނުބާއްވައި ދުއްވުމަށާއި ހަޅައިގެ ގަދަވައިގައި ދުއްވުމަށެވެ. އަދި ވައިމަޑުއިރު ބާރަށް ދުއްވުމަށްޓަކައި އޮޑީގެ ކުރިއަށް ދައްސޫރައިގައި ދިއްކޮށް ތޫރިކޮޅުމަތީވަލުން ކުނބުކުރިޔަށް މިރިޔާ ނަގައިފައިހުރެއެވެ (2) ޖީބުރިޔާ
ކޫރުފާނަ
ނ ފާނައިގެ ބާވަތެއް. މިއީ ފަރުފަޅުތަކުގެ ބޭރުގައްޔާއި ހާހަލާއި ތިލަތިލައިގައި އުޅޭމަހެކެވެ މަހުގެ ކުލައަކީ މަޑު މުށިކުލައެވެ މަހުގެ ބޭރުގައި ގަދަރަތްކުލައަކަށްދާ ތިކިތަކެއް ހުރެއެވެ މިތިކިތައް މަހުގެ ފަހަތުކޮޅުގައި ހުންނަނީ ކޫރެއް ހެން ގުޅިފައެވެ
ކޫކޫ
ނ (1) ކުރުކުރުއަޑު (2) މަޖާޒު: ދެމީހަކު މަޑުމަޑުން ދައްކާ ސިއްރު އޮލަވާހަކަ
ކޫސް
ނ މަޑުމަޑު ގޮތަކަށް އިއްވާލާ އަޑެއް. މިބަސް ބޭނުންކޮށް އުޅެނީ ހިތްވަރުގަދަކަމުން ނުވަތަ ފިނޑިކަމުން އަޑެއް އިއްވައިނުލައި ހުންނަ ހުރުމާ މެދުގައެވެ. މިސާލު: )ހ( އެވަރަށްތެޅިއިރު ކޫސްވެސް ކިޔައެއް ނުލައެވެ. )ށ( ގެޔަށްވަދެ ހިތުހުރިގޮތަކަށް އުޅެފައި ދިޔައިރު ކޫސްކިޔައިލަން ކެރުނު މީހަކުވެސްނެތެވެ
ކޫސްކިޔުން
މ މަޑުމަޑުގޮތަކަށް އަޑެއް އިއްވައިލުން. މިބަސް ބޭނުންކޮށް އުޅެނީ ހިތްވަރުގަދަކަމުން ނުވަތަ ފިނޑިކަމުން އަޑެއް އިއްވައިނުލައި ހުންނަ ހުރުމާ މެދުގައެވެ
ކެނދިފަށުވި
ނ ފަށުވީގެ ބާވަތެއް މިހުންނަނީ މަޑު ދޮންކުލައެއްގައެވެ މިބާވަތުގެ ފަށުވި ތަންކޮޅެއް ގަދަވާނެއެވެ މިއީ ހަރު ފަށުތްވެކެވެ
ކެންޕު
ނ )ސ ( ދިރިއުޅުމަށް ނުވަތަ މަޑުކުރުމަށް ވަގުތީގޮތުން ހަދައިފައިވާ ތަން
ކެކޭލޮނު
ނ ބަނޑުދޫކުރުމަށާއި ހަށިގަނޑުގެ ތެރޭގެ ހޫނު މަޑުކުޅައުމަށް ގެންގުޅޭ ބޭހެއް
ކެޔޮފޮތި
ނ ހާލުގެ ބޮލުގައި ތުނޑުތުނޑުލައިފައި ރަތްކުލައިގައި މަޑުކޮށް ހުންނަ ތަންކޮޅު
ކޭންޕު
ނ (1) ސިފައިންނަށް ތަމްރީންދިނުމަށް ބައިތިއްބާ ތަން (2) ވަގުތީ މަސައްކަތަށް ނުވަތަ ފަރުވާއަށް މީހުން އެއްތަނަކަށް އެއްކޮށްގެން އެމަސައްކަތް ހިންގާތަން (3) ދިރިއުޅުމަށް ނުވަތަ މަޑުކުރުމަށްޓަކައި ވަގުތީގޮތުން ހަދައިފައި ވާތަން
ކޮކާބިބީ
ނ ބިބީގެ ބާވަތެއް. މަހުގެ ދެއަރިމަތީގެ ކުލައަކީ ހުދުކުލައެވެ. ދެއަރިމަތީގައި ދެކަތްޕަށްވާ ގޮތަށް އަޅިކުލައިގެ ރޮނގުތަކެއް ހުރެއެވެ. މަޑުކޮތަރިބައިގެ މަތިން ފެށިގެން މަހުގެ ލޯހުރަސްކޮށް ބަނޑުދަށް ފަރާތުގެ ކޮތަރިބައިގެ ނިމޭ ހިސާބަށް ކަޅުކުލައިގެ ފުޅާ ރޮނގެއް ހުރެއެވެ މަހުގެ ނިގޫ ކޮޅުގައި ހުންނަނީ ރީނދޫކުލައެވެ
ކޮއްޓުން
މ (1) މީހެއްގެ ގައިގައި ނުވަތަ އެއްޗެއްގައި އިނގިލިން ނުވަތަ އެއްޗަކުން ކުއްލި ޙަރަކާތަކާއެކު ޖައްސައިލުމަށްފަހު ނައްޓައިލުން (2) ބިއްސާއި މުލިއްސާއި ފޮޅުފަދަ އެއްޗެހީގެ ތުން ތުއްވުން (3) އުކުނޑި ކޮއްޓުން (4) ފުޓުބޯޅައާއި ހޮކީފަދަ ކުޅިވަރު ކުޅޭއިރު ދުރަށް ބޯޅަ ފޮނުވައިނުލައި ގާތުގައި ބާއްވައިގެން މަޑުމަޑުން ޖަހަމުން ޖަހަމުން ގެންދިއުން (5) )ޏ ސ ( ކޮރުން (6) މަޖާޒު: މީހެއްގެ ހަވާލުގައި އޮތްކަމެއް އަވަސް ކުރުމަށް އުޅުން
ކޮމާ
ނ މިފާހަގަ މިއީ ޖުމްލައެއްގެ ތެރޭގައި ކުޑަކޮށް މަޑުކޮށްލަންޖެހޭ ތަންތަން ފާހަގަކުރުމަށް ޖަހާ ނިޝާނެކެވެ
ކޮތަނބިރި
ނ ހަވާދުގެ ބާވަތެއް މިއީ އަސޭމިރުސް ފުކެއްވަރަށް ވައްކޮށް މަޑުރީދޫކުލައިގައި ހުންނަ ފުކެކެވެ މީގެ ގަހުގެ ފަތުގެ ކުލަ ހުންނަނީ މަޑުފިޔާތޮށި ނުވަތަ ހުދުކުލައިގައެވެ މިގަހުގެ މާ ހުންނަނީ ބޮނޑިކޮށެވެ
ކޮތަރިރީނދޫދަންބޮޑު
ނ ދަންބޮޑުގެ ބާވަތެއް މިއީ ބުރަކަށިމަތީ ކޮތަރިބައިގެ ހަރުކަށިތައް ރީނދޫ ކުލައިގައި ހުންނަމަހެކެވެ ކަރުތާފަތުގެމަތީ ކައިރިފަށުގައި ކަޅުކުލައިގެ ލަފެއްހުރެއެވެ މަހުގެ ކުލައަކީ މަޑުރަތްކުލައެވެ ހުޅުނބުތަކުގެ ކައިރިފަށް ހުންނަނީ ގަދަ ރަތްކުލައިގައެވެ
ކޮލިޒާން
ނ ބޭހުގެ ބާވަތެއް މިއީ ދުވަސްވީ ބިލެތްގަހުގެ ގޮނޑިލައިފައި ހުންނަ މުލެވެ މީގެ ބޭރުގައި ހުންނާނީ މަޑު ރަތްކުލައެވެ އެތެރޭގައި ހުންނާނީ މަޑު ދޮންކުލައެވެ މީގައި މީރުވަހެއް ދުވާނެއެވެ
އަންޑާޕޫލް
ނ (1) ހަވީރަށްފޮޅޭ ބޮޑު ހުދުމަލެއް މިމައުހުންނާނީ ތާޅަފިއްޔެއްހެންނެވެ މީގައި މަޑު މީރުވަހެއް ހުންނާނެއެވެ (2) މީގެ ވެޔޮ
އަރައިފައިބާ
މ (1) ދަތުރުގައި އެއްރަށެއްގައި މަޑުނުވެ ދާ (2) ރަށްރަށުގެ މައުލޫދު ފަދަ ކަންތަކަށް ބޭރު ރަށްރަށުގެ މީހުން ގޮސް އައިސްވާ
އަޑު
ނ (1) ދެއެއްޗެއް ޖެހުމުން ނުވަތަ އިންޖީނެއް ހިންގުމުން ނުވަތަ ވާހަކަ ދެއްކުމާއި މިނޫންވެސް މިފަދަ ކަންކަމާ ގުޅިގެން އިވޭ އިވުން. (2) އެއްގަމުގެ ބައެއް ޙައިވާނުގެ އެތެރެ ހަށީގައި އޮންނަކުޑަ މަޑުގުނަވަނެއް މިގުނަވަން އެންމެ ވައްތަރުވާނީ ލާގުޅައަކާއެވެ
އަޑުދޮށުންކިއުން
މ މީހަކު އެއްޗެއް ކިޔާއިރު އެމީހާއާއެކުގައި އެމީހާގެ އަޑަށްވުރެ މަޑުން އެކިޔާގޮތަށް ކިޔުން