radheef.info
ރަދީފު


ވައްތަރު
ނ (1) ސިފަ (2) ޒާތް (3) ކަހަލަ (4) ފާޑު (5) ގޮތް (6) ޢަލާމާތް
ކުކުޅުމާދޫނި
ނ ކަނޑުމަތީ ދޫންޏެއް މިއި ސިނައަސްދޫންޏާއި ވައްތަރުގޮތަކަށް ހަށިގަނޑު ފަލަކޮށް ގަދަފަދަކޮށް ހުންނަ ދޫންޏެކެވެ މީގެ ތުން ހުންނަނީ ބޮޑު ހޯގުޅާގެ ތުންހެން ކުރީކޮޅު ލެނބިފައެވެ މިދޫނީގެ ދެފިޔަ ހުޅުވައިލުމުން ވަރަފަތްބައިގެ މެދުތެރެއިން ހުދު ފަތްބަރިއެއް ފެނެއެވެ ބިސްއަޅާ އުމުރުގެ ދޫނީގެ ކުލައަކީ ގަދަދިހުން މުށިކުލައެވެ ބޮޑެތި ނުވާއިރު ކުލައަކީ ގަދަ އަޅިކުލައެވެ
ކުކުޅުފައިފިލާ
ނ ބޭހަށް ބޭނުންކުރާ ފަތްޕިލާވެލީގެ ބާވަތެއް މިއީ އެއްތަންޑުގަނޑަކަށް ހެދޭ ގަހެކެވެ މީގައި އަޅަނީ ރީނދޫކުލައިގެ މަލެކެވެ މިގަހުގެ ފަތުގައި ކެހެރި ގޮތެއް ހުންނާނެއެވެ ފަތް ހުންނަނީ ފަސްތުނޑަކަށް ކުކުޅުފަޔާއި ވައްތަރު ގޮތަކަށެވެ
ކުކުޅުލޯ
ނ )ޅ ( ނިލަމެހީގެ ބާވަތެއް މިބާވަތުގެ އެން ހުންނަނީ ދޮން ކުލައެއްގައެވެ މިމަހުގެ ލޯ ކުކުޅުގެ ލޮލާ ވައްތަރުވާނެއެވެ
ކުއްދަކިވުން
މ (1) ވީދުވަހާ ބެލުމަށް މުސްކުޅިނުވުން. (2) ވީދުވަހަށްވުރެ ޅަވައްތަރު ދައްކައިގެން އުޅުން
ކުދިންކުޅޭކަށިކެޔޮ
ނ (1) ވިނައިގެ ބާވަތެއް މީގެ ފަތް ވައްތަރުވާނީ މިރުސްފަތާއެވެ (2) މިވިނައިގައި އަޅާވަކި މިހުންނަނީ ފެހިކުލައިގައި ވަށްކޮށް ކުރަކި ކޮށެވެ
ކުދިމަގޫ
ނ ކުދިމަގޫފަތާ ވައްތަރުކޮށް ފަތްހުންނަ ގަދަވައި ލެޓުކުލައިގެ މަލެއްއަޅާ ޅަކޮށްހެދޭ ކުޑަގަހެއް މިގަހުގެފަތް ކައިއުޅެއެވެ
ކުލާތި
ނ (1) ކުނބު ކުރީގައި ގަދަކުރަން އަޅާ ބަންދު އަދި އެކަމަށް ބަންނަ ބަނުން (2) )ގ ( ގޮނޑުދޮށަށް ލައްވާ ތާރުވައްތަރުގެ ތެޔޮގުޅަގުޅަ
ކުޑަލަގަނާ
ނ ލަގަނާދޫންޏާ ވައްތަރު ކުޑަ ދޫންޏެއް މިދޫނީގެ ތުނބާއި ފައި ކަޅުވާނެއެވެ ބިސްއަޅާ މޫސުމުގައި ބޮލުގެ ތަލަމަތިން ދެރާވަޅި ފަތް ހެންހުދުދިގު ދެފަތްފަޅައި ކަނދުރާ މައްޗާއި ހަމަޔަށް އެޅިފައި އޮވެއެވެ
ކޮރުނެގުން
މ (1) ކޮންނަ ރޮންދާއަކުން ލަކުޑިގަނޑެއްގެ ހަނިއަރީގެ މެދުތެރޭން ހަނިދިގުކޮށް ކޮނުން. މިއީ ދޮރުފަތްފަދަ އެއްޗެހި ޖެހުމުގައި ފިލާ ލެއްވުމަށް ކުރާ ކަމެކެވެ. (2) ކުޅި ޖެހުމުގައި އެއްފައިތިލަ އަނެއް ފައިގެ ކުޑަކަޅުވާމަހުގައި ކާއްތަމުން ދޯނތްގާ ހަމައަށް ނަގައިފައި މައްޗަށް ފުންމައިގަތުން (3) ރުޅި އައިސްގެން އެއްޗެހިގޮވުމުގެ ތެރޭގައި ވައްތަރު ޖައްސަމުން އެގޮތް މިގޮތަށް ފުމުން (4) ބާވަތެއްގެ ފުމުމެއް މިއީ ފަންޑިތަ ހެދުމުގައި އަޖިދައަށް ޖައްސާ ވައްތަރެކެވެ މިވައްތަރަށް އަޖިދައަށް ކޮރުނެގުން ވެސް ކިޔައެވެ
ކޮރުއެއްލުން
މ (1) ކޮރުޖެހުން (2) ގަސްދުގައި ކޮރުވައްތަރު ޖެއްސުން
ކޮރުލުން
މ (1) އަރާރުމުގެ ތެރޭގައި މީހުން ރުޅިއަރުވާން ކުރިމަތީގައި ފުމެފުމެފައި ވައްތަރު ޖެއްސުން (2) ކުދިން ކުޅިވަރަށް ފުމެފުމެފައި ދުވެދުވެފައި އުޅުން
ކޮރޮފިރޮނޑޮ
ނ )ޏ ( ރޮނޑުގެ ބާވަތެއް މިވައްތަރުގެ ރޮނޑުގެ ކަރުތާފަތްގަނޑުގެ ތެރޭގައި ކުރަތްޕެއް ކަހަލަ ކުދިކުދި ދިރޭ އެއްޗެހިތަކެއް ހުރެއެވެ ބާނާއިރު ބައެއް އެއްޗެހީގެ ކަރުތާފަތްގަނޑުން ބޭރުގައި މަރުވެގެން ތަތްވެފައިވެސް ހުރެއެވެ ކުލައަކީ ކަޅުކުލައެވެ ވައްތަރުވާނީ ކަޅު ރޮނޑާއެވެ
ކޮކާ
ނ (1) ހަށިގަނޑު ކުޑަ ފިޔަގަނޑުބޮޑު އުދުހޭ ސޫތްޕެއް މިއުޅެނީ މާމަލުގެ ފޮނިބޮއިގެންނެވެ މީގެ ވަރަށް ގިނަ ވައްތަރު ހުރެއެވެ މީގެ ފިޔަގަނޑު ތަފާތު ކުލަކުލައިގައި ހުރެއެވެ (2) މޫދުގައި އުޅޭ ފަތިމަހެއް (3) ކޮކާލުގެ ސިފައިގައި ހަދައިގެން އެއްލާން ގެންގުޅޭ ބާވަތެއްގެ ގުޑިޔެއް (4) ބާވަތެއްގެ ބޮއްޔެއް
ކޮވެލި
ނ ކާޅާ ވައްތަރު ދޫންޏެއް މީގެ ތުން ކުރުވެފައި ލޯރަތްވާނެއެވެ މީތި ބިސްއަޅާނީ ކާޅު ހާއްޔަށެވެ މީގެ ފިރިހެން އެއްޗެހި ތިބޭނީ ކަޅުކޮންނެވެ އަންހެން އެއްޗެހި ތިބޭނީ ހުދު ތިއްތިއްޖަހާފައެވެ
ކޮމާކޯޅި
ނ ލިޔުމުގައި ބޭނުންކުރާ ނިޝާނެއް މިނިޝާން ވައްތަރުވާނީ ޖެހިޖެހިގެން ޖަހާ ދެކޮމާއާއެވެ މިނިޝާން ބޭނުންކުރަނީ އެހެން މީހެއްގެ ޢިބާރާތެއް އޭނާ ބޭނުންކޮށްފައިވާ ގޮތަށް ލިޔުމުގެ ތެރޭގައި ބޭނުން ކުރާއިރުއާއި ލަފުޒަކުން ދޭހަވާމާނަނޫން މާނައެއްގައި އެލަފުޒު ބޭނުން ކުރާއިރު އެ ޢިބާރާތެއްގެ ނުވަތަ އެލަފުޒެއްގެ ފެށޭތަނުގައާއި ނިމޭ ތަނުގައެވެ
ކޮލުދަތް
ނ (1) ފޭރާދަތާ ޖެހިގެން ހިރުގަނޑުގެ ކަނާ ހަމަޔަށް ހުންނަ ދަތްތައް (2) ފުށުން ހަދައިފައި ތެލުލައި ހަކުރުލައިފައި ހުންނަ ފޮނި ހެދިކާއެއްޗެއް މިހަދައިފައި ހުންނަނީ ކޮލުދަތާ ވައްތަރު ގޮތަކަށެވެ
ކޯޅިފަޅޯ
ނ ފަޅޮލުގެ ބާޥަތެއް މިއީ މައިގަނޑު އެއްތަނޑިން ތިންހަތަރު ފަޅޯ ނުކުމެފައި ހުންނަ ބާވަތެކެވެ މިވައްތަރުގެ ފަޅޯ ހުންނާނީ ކުދި ކޮށެވެ
އަރުނު
ނ (1) ނިތްކުރީގައި އެންމެ ދަޅެއް ހުންނަ ޖަނަވާރެއް މީގެ ސިފަ އަހާއި އެއްވައްތަރުކަމަށް ބުނެއެވެ (2) ބދ އުނަގަނޑު
އަލަނާސިބޮލި
ނ ބޮލީގެ ބާވަތެއް: މިއީ ދޮން އަލަނާސިއާއި ދާދި އެއްކުލައެއްގައި ހުންނަ ބޮއްޔެކެވެ މިބޮލީގެ ބޭރުތޮށިގަނޑު ހުންނަނީ އަލަނާސިއާ ވައްތަރު ގޮތަކަށެވެ
އަސްމަސް
ނ ތޮށިބުޑުގައި ނުވަތަ ގައު ގިނަ ތަންތަނުގައި )މޫދުގައި( އުޅޭ މަހެއް މީގެ ބޯ އެންމެ ވައްތަރުވާނީ އަހުގެ ބޮލާއެވެ ފަހަތުކޮޅު އޮންނާނީ ހިމަކޮށެވެ