radheef.info
ރަދީފު


ވައި
ނ (1) ދުނިޔޭގެ މައިގަނޑު ހަތަރުބައިގެ ތެރެއިން އެއްބައި އެއީ ގިނި ވެލި ވައި ފެން މިއެވެ. އޭގެ ވަސީލަތުން އިންސާނުންނާއި ދިރޭ ހުރިހައި ތަކެތި ނޭވާލާން ބޭނުންކުރާ މާއްދާ އުޑާއި ބިމާއި ދެމެދުގައި ހިނގާ ރޯޅިފަށް. (2) ހަށިގަނޑުގެ ތެރޭގައި ހިގާ މާއްދާއެއް މީގެ ސަބަބުން އެކި ކަހަލަ އުނދަގޫވެއެވެ
ވައިވަރު
ނ (1) ރިޔަލުދަތުރުގައި ދާންވީތަނަށް އެއްއަތު ދެވޭގޮތަށް ލިބޭވައި (2) ވައިގެ ބާރުމިނާއި އަވަސްމިން ދައްކައިދޭ ނުވަތަ ބަލައިދޭ އާލާތެއް )އެނިމޯމީޓަރ( (3) ތޮށަލިން ހިޔާ ކުރާ ތަންތާނގެ ފަންތައް ވަޔާ ނެގުނަ ނުދިނުމަށްޓަކައި ބަނޑަވަރު އަޅާގޮތަށް ގުޅައިގެން ފުރާޅުގެ ދެ ފަރާތަށް ދާގޮތަށް ހަރުކުރާ ދެ ފަން
ވައިވަރުކުރުން
މ ހޭރިޔާ ދަތުރުކުރާއިރު ދާންވީތަނަށް އެއްއަތުދެވޭހައި ވަރަށް ދަތުރުކޮށް ވައިމައްޗަށް އެރުން
ވައިވަރުވުން
މ (1) ރިޔަލު ދަތުރުގައި ދާންވީތަނަށް އެއްއަތު ދެވޭގޮތަށް ވައި ލިބުން (2) ހޭރިޔާ ދަތުރުކުރާއިރު ދާންވީތަނަށް އެއްއަތުދެވޭ ވަރަށް ދަތުރުކޮށް ވައިމައްޗަށް ދެވުން
ވައިވަރޮވުން
މ )ސ ( ވައިވަރުވުން
ވައިވަޅު
ނ ވައިޖެހޭދިމާ
ވައިވިއްސާރަ
ނ ވާރޭ ނުވެހި އުޑުމަތި ބަނަކޮށްއޮވެ ގަދަޔަށް ޖެހޭވައި
ވައިވިދުރި
ނ ފެތުރިފާޑުގެ ހަމުގެ ބައްޔެއް
ވައިވުން
މ (1) އުޅޭނެ ވަކިތަނެއްނެތި އެތަންމިތާނގައި އުޅެން ދިމާވުން (2) ގޮތްހުސްވެގެން އުޅުން (3) އާވާރާވުން
ވައިވެއްދުން
މ (1) ތަނަކަށް ވައިވަންނާނެގޮތް ހެދުން (2) އެއްޗެއްގެ ތެރެއަށް ވައިއެޅުން
ވައިވެގެންދިއުން
ނ މަޖާޒު: އުޅޭނެގޮތެއް ނުވަތަ އުޅޭނެ ތަނެއްނެތި ބާކީވުން
ވައިމައްޗަށްއެރުން
މ (1) ދަތުރުކޮށް ވައިމައްޗަށް ދިއުން (2) އެއްޗެއް ނުވަތަ ތަނެއްގެ ވައިމަތި ފަރާތަށް ދިއުން
ވައިމަތި
ނ (1) ވައިޖެހޭ ދިމާ ވައިޖެހޭ ފަރާތް (2) މަޖާޒު: އަމުރުވެރިއެއްގެ ރުހުން ހުންނަ ނުހުންނަގޮތް
ވައިމަތިހިފުން
މ ދަތުރުކޮށް ވައިމައްޗަށް އެރުން
ވައިމަތިނުރަގަޅުވުން
މ ވައިމަތި ނުބައިވުން
ވައިމަތިނުބައިވުން
މ (1) ވިއްސާރަ ވައްތަރުވުން (2) ކުރާން އުޅޭކަމަކަށް ހުއްޓުން އަރާ ފަދަ ކަމެއް ނުވަތަ އެކަމަކަށް މަސައްކަތް ކޮށްފިއްޔާ ގެއްލުމެއް ލިބިދާނޭ ފަދަ ލިސާނެއް ފެނުން (3) މަޖާޒު: އަމުރުވެރިއަކު ނުރުހޭގޮތް ފެނުން
ވައިމަތިބަނަވުން
މ ވައިޖެހޭ ދިމާއިން އުދަރެހުގައި ވިލާބޯވެގެން އަނދިރިވުން
ވައިމަތިބެލުން
މ (1) ވިއްސާރަ އަންނަންއުޅޭތޯ ނޫޅޭތޯ ބެލުން (2) ކަން ކުރާން އުޅުމުގައި ނުރައްކައުތެރިކަމެއް ވޭތޯބެލުން (3) މަޖާޒު: އަމުރުވެރިޔެއްގެ ރުހުން ހުރިނެތްގޮތް ބެލުން
ވައިމަތިބޯވުން
މ (1) ވައިޖެހޭ ދިމާއިން ވިލާތައް އެއްތަންވެ ވިލާ ބޯވުން (2) ވައިވަޅު ނުސާފުވުން
ވައިމަތިކިއުން
މ (1) ވިއްސާރަ އައުމާ ނައުމާ ދޭތެރޭ ގޮތްކިއުން (2) ވިއްސާރައިން ރައްކައުތެރިވުމާ ދޭތެރޭ އުޑުމަތީން ފެންނަމުން އަންނަގޮތުގެ ލަފާ ބުނުން
ވައިމަތިއަލިވުން
މ ވައިޖެހޭ ދިމާއިން އުދަރެސް ސާފުވެގެން ދިއުން