radheef.info
ރަދީފު


އ
އ (1) ތާނައިގެ އަށްވަނަ އަކުރު (2) ޢަރަބި ވިޔައަކުރުގެ އަށްވަނަ ޢަދަދު
ހަންމާލާ
ނ މޫދުގައި ވެލިއުފުލާން ގެންގުޅޭ ހަތަރެސްކަން އެއްޗެއް
ހަންމުށި
ނ (1) ދިރޭ އެއްޗެހީގައި ތަޅާން ގެންގުޅޭ އާލާތް. މިއޮންނަނީ ލަޓިގަނޑެއް ނުވަތަ ބޮންތިއެއްގެ ކުރީކޮޅުގައި ނަނުފަށެއް ބައްދައިފައެވެ ނޫނީ ބޮންތީގެ ކޮޅު ހިމަކުރަމުންގޮސް ނަނުގަނޑެއްހެން ހަދައިފައެވެ (2) މީހުންނަށް އަދަބުދޭން ގެންގުޅޭ އެތި
ހަންމޯ
އ )ސ ( ބޯބޯ
ހަންފީރު
ނ ލަކުޑިކޮޅެއްގައި ކަށިމަޑީގެ ހަންތަތްކޮށް ހިއްކައިގެން ލަކުޑިގާނަން ގެންގުޅޭ އާލާތް
ހަންފީމިޔަރު
ނ މިޔަރުގެ ބާވަތެއް މީގެ ހަމާއިމަސްގަނޑު ވަރަށް ބަލިވާނެއެވެ މި ވައްތަރުވާނީ ފާނަޔާއެވެ
ހަންފޮޅުން
މ ގައިގެހަން މަރުވެ އެތިއެތިކޮޅަށް ނެއްޓުން
ހަންދަ
ނ (1) މޫދުގައި ދިރިއުޅޭ ގޮޅާބާވަތުގެ އެއްޗެއް މީގެ ބޭރުގައި ހުންނާނީ އުން ފަޅާފައެވެ (2) ސަނދަރަބޮލި
ހަންދަރު
ނ (1) ސަތޭކަބާރަ ރާތަލުގެ ބުރަދަން (2) އެއްޗެހި ކިރުމަށްޓަކައި ދަގަނޑުން ހަދައިފައި އޮންނަ ވަޒަނެއް މީގެ ބަރުދަނަކީ ސަތޭކަ ބާރަ ރާތަލެވެ
ހަންގަނޑު
ނ (1) ބެރުޖަހަން ދަސްކުރުމަށްޓަކައި ބެރުއެދުރުގޭގައި އޮންނަބެރެއް. މިއީ ހަމުގެ ކެހެރިނުކޮށައި ދޫކޮށްއަޅައިފައި އޮންނަބެރެކެވެ. (2) ދިރޭއެއްޗެއްގެ ހަމުގެބައެއް. (3) ކުރަފަތްތޫނުކުރަން ގެންގުޅޭ ހަމުގެ ފޮތިވަރު. (4) އިހުގައި ކަސްޓަމުގައި އޮންނަ ބޮޑުފޮތެއް މިހަދައިފައި އޮންނަނީ ބޮޑެތި ކަރުދާސް ހުރިގޮތަށެވެ މިއީ ބޯޓުފަހަރުން ގެންނަމުދަލާއި ތަކެތި ބޭލޭވަރު ބަހައްޓާފޮތެވެ އަދި އެކްސްޕޯޓް އިންޕޯޓް ބަލަހައްޓާ ފޮތަކީ ވެސްމި އެވެ
ހަންގަނޑުތެޅުން
މ ބެރުޖަހަން ދަސްކުރާން ހަންގަނޑުގައި ޖެހުން
ހަންގަނޑުޖެހުން
މ (1) ހަންގަނޑުން ކުރަފަތް ތޫނުކޮށްލުން (2) ބެރުއެދުރުގޭގައި ދަސްކުރާންޖަހާ ހަމުގެ ކެހެރިނުކޮށާ ދޫކޮށް އަޅައިފައި އޮންނަބެރު ޖެހުން (3) މަޖާޒު: ދުއްރައިން ތެޅުން
ހަންގިސްކާރަ
ނ ނަކަތްތެރީންގެ ޚިޔާލީ ޒަމާނެއް
ހަންޑަވާޅި
ނ މަޖާޒު: އެއްވެސް ކަމެއް ކުރާން ނޭނގޭ ތާކުންތާކު ނުޖެ ހޭމީހާ
ހަންޑި
ނ ޚިޔާލީ އަންހެން ފުރޭތައެއް ނުވަތަ ޖިންނިއެއް
ހަންޑި ހުނިގޮނޑި
ނ (1) ފަޅޯގަހު އިބިލީސް. (2) ފާވެފައި ހުންނަ ފަޅޯގަސްގަނޑަށް އަންނަ ފައިދިގު މަދިރިއެއް ކަހަލަ އެއްޗެއް. މިއީ ބުރަކަށި މަތި އިތި ރަތް ރީނދޫ ކުލައިގެ އެއްޗެކެވެ
ހަންޑިހެއްލުން
މ ނިދީގައި މަނިބޭރުވުން ގިނަފަހަރަށް މިކަންތައްވަނީ ހުވަފެނެއްގެ ތެރޭގައެވެ
ހަންޑިހެލެނބެލި
ނ މޭއްޔަ ހެލެނބެލި މިއީ ހެލެނބެލި ފަތްވައްތަރަށް ފަތް ހުންނަ ގެދަގަހާ އެއްވަރަށް ހެދޭ ވިނައެވެ
ހަންޑިކަންފަތް
ނ (1) ފީކަންފަތް (2) ފީވަމުންދާ ލަކުޑިގަނޑުން ކަންފަތެއްގެ ބުރުގައި ފަޅާ އެއްޗެއް
ހަންޑިކަރުނަ
ނ (1) ދަކުރުއި ކަރުނަ (2) ހަންޑިއަސް ބިސްއަޅާން ބަދަނެއްގެ ސިފައިގައި އެސޮރުހަދައިފައި އޮންނަ އެއްޗެއް
ހަންޑިކާށި
ނ ތިރިކޮށްހެދޭ ވިނައެއް މީގެ ފަތް ހުންނަނީ ހަނިކޮށެވެ އެއް އިންޗިވަރަށް ދިގުވާނެއެވެ މީގެ ގަސްގަނޑުގެ ކުލައަކީ މަޑުފެހިކުލައެވެ