radheef.info
ރަދީފު


އެރުން
މ (1) އޮއްސުމުގެ އިދިކޮޅު (2) އުދަވުން (3) ތިރިން މައްޗަށް ދިއުން (4) މޫދުން އެއްގަމަށް އައުން (5) އެއްޗެއްގެ ތެރެއަށް އަނެކައްޗެއް ވަނުން (6) އަތިރިމައްޗަށް ފޭބުން (7) އަތިރިއަށް ދިއުން (8) އަތިރިމަތީން އެއްގަމަށް އައުން (9) މޫދަށް ނުވަތަ އެހެންވެސް ފެންގަނޑަކަށް ފޭބުން )01( ރަސްމީ ބައެއް ކަންތަކާއި އޮޅިމެދުގައިނަމަ އެކަމެއްގައިވުން
ފެނަށްއެރުން
މ (1) ކަސްއަޅައިފައި ތިބޭ މީހުންނާއި ގައިގައި ބޭސްގަނޑު ހިއްޕާފައިވާ މީހުން އެތަކެތި ފޫދުމަށްޓަކައި ފެންއަޅައިފައި ހުންނަ އެއްޗަކަށް އެރި ފޫއްދުން. (2) މާބަނޑުމީހަކު ފަރުވާއަށްޓަކައި ބޮޑެތި އެއްޗިއްސަށް ފެން ނުވަތަ ލޮނު އަޅައިގެން އެއަށް އެރި އޮތުން (3) ފެންގަނޑަށް ފޭބުން
ފެންއެރުން
މ (1) ބިމުން ނުވަތަ އިސްކުރެއް ފަދަ އެއްޗަކުން މައްޗަށް ފެން އައުން. (2) ފޮޅު ބިހިފަދަ އެއްޗެހީގެ އެތެރޭގައި ފެން އުފެދުން. (3) އޮޑިދޯނިފަހަރުގެ މަތިކަން މަތިން އެތެރެއަށް ލޮނު އެޅުން. މިއީ ދިޔަބޮޑުވުމުގެ ސަބަބުން ނުވަތަ ދުއްވައިފައި ދާއިރު ކަނޑު ގަދަވުމުގެ ސަބަބުން ދިމާވާގޮތެކެވެ (4) )ޏ ސ ( ކުޑަކުދިންގެ ރޫފަޖެހުން
ފޭހިއެރުން
މ )ޏ ސ ( (1) މަގުހިނގާއިރު އެއްދިމާއަކަށް ނުދެވިއެގޮތް މުގޮތަށް ދެވުން (2) ދުއްވާ އެއްޗެހީގެ ހުންގާނު އެއް މިސްރާބަކަށް ނުހިފެހެއްޓިގެން ހޫރެމުން ދިއުން
ފޮނުއެރުން
މ ފޮނު އުފެދުން
ފޮޅަކިލާއެރުން
މ )ހ ( ތަނެއް ފިހިގެންގޮސް ފޮޅުނެގުން
ފޯރިއެރުން
މ (1) ކަމަކާ ޖޯޝް އުފެދުން (2) މަޖާޒު: ޝަހުވާނީ އެދުންވެރިކަން ގަދަވުން
ފޯވާކެޑަށްއެރުން
މ )ސ ( (1) ރުއްގަސް ފޯދޭ ވަރަށް ބޮޑުވުން (2) މަޖާޒު: ފުރާވަރަށް އެރުން
ދަށްބޭރުއެރުން
މ ދަތުރުކުރާއިރު ރަށްރަށާއި ފަޅުފަޅާއި ފަރުފަރުގެވައި ދަށްފަރާތުބޭރާ ދަތުރު ކުރާއެއްޗެއް އަރައިހަމަވުން
ދަނޑިއެރުން
މ (1) ކޮޅުވުން (2) ހަރުދަނޑިވުން
ދަޅައެރުން
މ ދަޅައެޅުން
ދަމަކަށް އިރުއެރުން
މ އިރުއަރާތާ ތިންގަޑިއިރުވުން
ދަމުޅިއެރުން
މ )ޏ.( އިހުގައި މީހުން މީހުނާ އިނަނުދިނުމަށް ފަންޑިތަހަދައިގެން އިންނާނެ މީހަކު ނުވާގޮތްވުން. މިގޮތަށް ފަނޑިތަ ހެދުމަށް ކިޔަނީ ކަނުކުރުމެވެ މިހެންވުމަށް ކިޔަނީ ކަނުވުމެވެ
ދަތިއެރުން
މ (1) ކުރިޔަށްދާން އުދަނގޫވާ ކަހަލަ ކަމެއްދިމާވުން (2) ދިރިއުޅެން އުނދަގޫވާ ކަހަލަ ކަމެއްވުން (3) ކަމަކަށް ހުރަސްއެޅުން
ދާއްބައެރުން
މ ބިމުން ދާއްބަ ނިކުތުން
ދިހުންއެރުން
މ އަނދިރިކުލައެއް ގަދަވެގެންގޮސް އޮފުއެރުން
ދިލައެރުން
މ އާވިއެރުން
ދިޔައެރުން
މ (1) އޮޑިދޯނި ފަހަރުގެ ބަނޑުފިލައިގެ ތަނަކަށް ލިބޭ ގެއްލުމަކުން އާދަޔާ ޚިލާފަށް ފެން އެރުން (2) އޮޑިދޯނި ފަހަރު ދަތުރުކޮށްފައިދާއިރު މަތިކަން މަތިން އެތެރެއަށް ލޮނުއެޅުން
ދުންކުންޏާއެރުން
މ ދުންކުނި އެނބުރުމަށް ގުޅަކުޅޭ ފަސްގަނޑަށް ނުކުތުން
ދުންއެރުން
މ (1) ދުންނުކުތުން (2) ދުންބުރުން
ދުޅައެރުން
މ ދުޅަވެފައިހުރި ހިސާބަށްވުރެ މައްޗަށް ދުޅަދިއުން